2 Ebyomubyanda 36:19 - Baibuli Ekibono kya Katonda 2014

¹⁹ Yaayokya eisinzizo, yaamenhagho ekimante ekyali kyezungulula Yerusalemu, yaayokya amayumba gaamu goonagoona, era yaazikiriza n'ebintu byamu ebirungi byonabyona.

2 Ebyomubyanda 36:19 ပူးပေါင်းရင်းမြစ်များ

1 Bakyabazinga 9:8

Eisinzizo lino lirifuuka mmungo ya bimunku, era kiisi baliribitangaku balitengeesanga bwa mitwe beewuunhia. Era balibuuzanga bati, ‘Lwaki Musengwa Katonda yakola atyo ensi eno n'eisinzizo lino?’

2 Ebyomubyanda 34:24

Musengwa Katonda akoba ati, ebikolimo ebyogerwaku mu kitabo kino kye basomeire kyabazinga wa Buyudaaya, nja kubituusa ku kifo kino ni ku bantu baamu.

2 Ebyomubyanda 7:20

olwo ndibinga Abaisiraeli mu nsi ye mbaghaire, era naalekulira agho eisinzizo lino lye ntukwiza okunsinzizangamu, naalifuula eky'okwogeraku era enseko dh'abalamu mu maghanga goonagoona.

Nehemia 1:3

Bankoba bati: “Abo abaawonagho ni bava mu bunhage, bali mu buzibu obw'amaani era baswavu inho. Ekimante ekyezungululanga ekibuga Yerusalemu kyamenhebwa n'emiryango gyakyo gyayokebwa omuliro.”

Nehemia 2:3

Agho naatya inho, naakoba kyabazinga nti: “Isebantu kyabazinga, ghangaala byanda na byanda! Nnaalobera ki okwekapa mu maiso, ng'ate ekibuga omuli amagombe ga badhaadha bange bakizikiriiza kiri bifulukwa byereere, nga n'emiryango gyakyo bagyokiikya omuliro?”

Zabbuli 79:1

Wo Katonda, abantu abatakutya bakwingiriire mu nsi yo, baayonoona eisinzizo lyo eitukuvu, baaleka ekibuga Yerusalemu nga bakizikiriiza.

Zabbuli 79:7

kuba bamazeegho abantu bo okwita, baaleetera ensi yo okufafaagana.

Zabbuli 80:16

Abazigu baife baagutema baagutaaku n'omuliro; bagwananga baazikirira ng'obalingiriire okubasalira omusango.

Isaia 5:6

Ndidha kulizisa, emizabbibu balobe kugiwooleranga waire okugirimangamu. Mwidha kumeramu bwa nkandwa na mawa, era nja kulobera n'ebire okugwisanga amaadhi mu isamba eryo.”

Yeremia 21:10

Namala okusalagho obutasaasira kibuga kino, okutoolaku okukizikiriza nga nkighaayo mu ngalo dha kyabazinga ow'e Babilonia akyokye omuliro kiweeregho irala. Nze Musengwa Katonda, ninze nkobye.’ ”

Yeremia 21:14

Aye nja kubabonereza nga njiira ku bikolwa byaimwe. Ndikunaania omuliro ku kisaagaati kyaimwe eky'obwakyabazinga, gwayokya ebikyezungulwire agho byonabyona. Nze Musengwa Katonda, ninze nkobye.”

Yeremia 32:29

Baidha kukikunaaniaku omuliro bakyokye kyonakyona, ghalala n'endhu edho abantu mwe bansungughalizanga nga baniokeza obubbaani ghaigulu ku busolya bwadho nga babuniokereza omusambwa Baali, era nga bafukira bakatonda baibwe ebigheebwayo eby'okunhwa.

Yeremia 7:14

Kale ni kye nakola Shilo, kye ndidha okukola n'eisinzizo lino eryange lyene lye mwesiga. Ekifo kino kye nabagha imwe ni badhaadha baimwe, ndidha kukikola ekintu n'ekirala ng'oti ni kye nakola Shilo.

Yeremia 7:4

Mulobe kwesiga bino bye mwerimba nabyo nga mukoba muti, ‘Eisinzizo lya Musengwa Katonda lirigho, eisinzizo lya Musengwa Katonda lirigho, eisinzizo lya Musengwa Katonda lirigho.’

Okulira 4:1

Ha, nga kyewuunhisa engeri zaabu ye yalekeramu okumesunkana; zaabu mwenemwene omukenenule n'afuukafuuka! Amabaale geenegeene agaabanga mu kifo ekitukuvu, okwagaanibwa mu nguudo dhoonadhoona edh'omu kibuga nga masuulesuule.

Mika 3:12

Kale ni ku lwaimwe, olusozi Sioni balirulima ng'oti nimiro, ekibuga kya Katonda Yerusalemu kyasigala agho nga mmungo ya bifunfugu n'olusozi lwonalwona oluliku eisinzizo lwafuuka kibira.

Zekaria 1:6

Aye okulabula kwange n'ebiragiro byange, bye nabisa mu bagheereza bange abalanzi, byatuukirira ku badhaadha baimwe abo, baatuuka n'okwenenia. Baakoba bati, ‘Musengwa Katonda Afuga Amagye akoze nga bwe yasalagho, yaatubonereza olw'empisa dhaife embi n'olw'ebikolwa byaife ebibi nga bwe tugwaniire.’ ”

Luka 21:6

“Ebiseera biidha, ebyo bye mubona ghalobe kubaagho ibaale lisigala ku liinaalyo nga tirisuuliibwa ghansi.”