2 Ebyomubyanda 36:11 - Baibuli Ekibono kya Katonda 2014

¹¹ Zedekia yali agheza emyaka abiri na mulala egy'obukulu ghe yafuukira kyabazinga. Era yaafugira entangama ya myaka ikumi na mulala mu Yerusalemu.

2 Ebyomubyanda 36:11 ပူးပေါင်းရင်းမြစ်များ

2 Bakyabazinga 25:1

Ku lunaku olweikumi, mu mwezi ogweikumi, mu mwaka ogwomwenda nga Zedekia n'afuga Buyudaaya, kyabazinga Nebukadinezzari ow'e Babilonia yaidha n'eigye lyonalyona okulumba ekibuga Yerusalemu. Baakizingiza era baakibungaku emungo ey'eitaka ey'okuniiniraku okukirwanisa.

Yeremia 1:3

Era Musengwa Katonda yairamu okwogera ni Yeremia nga Yehoiakimu mutabane wa Yosia ni kyabazinga wa Buyudaaya. Kabiri era yeeyongera okwogeranga naye okutuukiza irala mu mwaka ogweikumi n'omulala (11) ogw'obufuzi bwa kyabazinga Zedekia owa Buyudaaya. Mu mwaka ogwo, mu mwezi ogwokutaanu, abantu ab'omu Yerusalemu baatwalibwa mu bunhage.

Yeremia 27:1

Bwe baali baakamala okufuula Zedekia mutabane wa Yosia abe kyabazinga wa Buyudaaya, Musengwa Katonda yankoba nze Yeremia,

Yeremia 28:1

Mu mwaka gwene ogwo, mu mwezi ogwokutaanu nga Zedekia ni kyabazinga wa Buyudaaya, Hanania mutabane wa Azzuri nga yali mulanzi eyava mu kibuga Gibeoni, yaayogera ninze nga tuli mu isinzizo, nga ghaligho ni bakabona, n'abantu abandi boonaboona. Yankoba ati,

Yeremia 29:16

Aye muwulire Musengwa Katonda by'ayogera ku kyabazinga afuga obwakyabazinga Daudi bwe yafugaku, ni by'ayogera ku baganda baimwe ababa mu kibuga kino, abataatwalibwa ghalala n'imwe mu bunhage.

Yeremia 34:2

Musengwa Katonda, Katonda wa Isiraeli yankoba nje nkobe kyabazinga Zedekia owa Buyudaaya nti Musengwa Katonda akoba ati: “Bona, nze Musengwa Katonda, Katonda wa Isiraeli nja kughaayo ekibuga kino mu ngalo dha kyabazinga ow'e Babilonia, era aja kukyokya omuliro.

Yeremia 37:2

Aye Zedekia oyo, n'abakungu be, era n'abantu abandi mu ighanga, tibaagondera bukwenda Musengwa Katonda bwe yayogerera mu nze.