2 Ebyomubyanda 36:10 - Baibuli Ekibono kya Katonda 2014

¹⁰ Agho omwaka nga guli kutoolera, ekiseera ebimera kye bisibukiramu, kyabazinga Nebukadinezzari yaatwala Yehoiakini e Babilonia nga musibe, yaatwala n'ebintu eby'omughendo eby'omu isinzizo. Yaataagho Zedekia muganda wa Yehoiakini oyo, yaamufuula kyabazinga wa Buyudaaya ni Yerusalemu.

2 Ebyomubyanda 36:10 ပူးပေါင်းရင်းမြစ်များ

2 Samueli 11:1

Agho ng'omwaka gutoolera, mu biseera bakyabazinga ghe baajiiranga okulwana entalo, Daudi yaatuma Yoabu ng'ali n'abagheereza be ghalala n'Abaisiraeli boonaboona. Baaja baalumba Abammoni, baabaghangula era baazingiza ekibuga Rabba okukyezunguluza. Aye Daudi mwene yaasigala e Yerusalemu.

2 Bakyabazinga 20:17

‘Manha ng'ekiseera kiidha kutuuka, byonabyona ebiri mu kisaagaati kyo eky'obwakyabazinga, n'ebyo badhaadha bo bye baatereka okutuusa buti, babitwale e Babilonia. Tighalibaagho waire ekirala kiti ekirisigalagho.

2 Ebyomubyanda 36:18

Yaatoola n'ebintu byonabyona ebyakozesebwanga mu isinzizo ka bibe ebinene oba ebitono, n'eby'obukombe eby'omu isinzizo, n'eby'obukombe ebya kyabazinga, n'eby'abakungu be, byonabyona yaabitwala e Babilonia.

2 Ebyomubyanda 36:7

Nebukadinezzari oyo yaatoola n'ebindi ku bintu ebyakozesebwanga mu isinzizo lya Musengwa Katonda, yaabitwala yaabita mu kisaagaati kye eky'obwakyabazinga e Babilonia.

Isaia 39:7

N'abandi ku batabane bo beene, balibatwala baabalaawa, baafuuka bagheereza ba mu kisaagaati ekya kyabazinga w'e Babilonia.’ ”

Yeremia 20:5

Era nja kuleka abazigu baimwe banhage eby'obukombe byaimwe byonabyona ebiri mu kibuga muno, n'ebintu abantu bye baafaabiikanira, n'eby'omughendo einho omuli n'ebya bakyabazinga ab'omu Buyudaaya. Ebyo byonabyona abazigu abo balibinhaga baabitwala e Babilonia.

Yeremia 22:25

Nandikughaireyo y'abantu b'otya, abenda okukwita. Era ndikughaayo eri Nebukadinezzari kyabazinga w'e Babilonia, n'eri abaisirukale be.

Yeremia 24:1

Agho Musengwa Katonda yandeetera okubonekerwa ebiibo bibiri nga birimu emitiini, nga biri agho emberi w'eisinzizo lye. Ekyo kyaligho nga Nebukadinezzari kyabazinga w'e Babilonia amaze okutoola e Yerusalemu kyabazinga Yekonia mutabane wa Yehoiakimu, yaamutwala e Babilonia mu bunhage ghalala n'abakungu b'omu Buyudaaya, n'abagheesi, n'abakugu mu mirimo egy'endhawulo.

Yeremia 27:16

Agho naakobera bakabona n'abantu abandi nti Musengwa Katonda yakoba ati: “Mutawulirisa bya balanzi abalanga bati, ‘Mubone eno, ebintu by'eisinzizo bali kumpi okubiiza okuva e Babilonia’. Ebyo balanga bya buguya.

Yeremia 28:3

Mu myaka ebiri egiidha, nja kwiza mu kifo kino ebintu byonabyona eby'eisinzizo, kyabazinga Nebukadinezzari bye yatwala e Babilonia.

Yeremia 37:1

Kyabazinga Nebukadinezzari ow'e Babilonia, yafuula Zedekia mutabane wa Yosia okuba kyabazinga wa Buyudaaya mu kifo kya Yehoiakini mutabane wa Yehoiakimu.

Ezekieli 1:2

Ogwo gwali nga n'omwaka ogwokutaanu kasookanga kyabazinga Yehoiakini atwalibwa mu bunhage.

Ezekieli 17:12

“Buuza abantu abo abadheemu, oba nga baidhi amakulu ag'olufumo luno. Bakobere oti: Kyabazinga ow'e Babilonia yaidha e Yerusalemu, yaatwala kyabazinga waayo n'abakungu baayo, yaaja nabo e Babilonia.

Ezekieli 17:6

Ensigo eyo yaamera, yaavaamu omuzabbibu ogukulira ghansighansi ku itaka nga gulanda. Ensaga dhaagwo dhaakula nga dhisonse enkookooma ye yali, n'emizi gyagwo gyasimba ghansi mu itaka. Gwataaku ensaga kamaala n'amakaba kamaala.

Danieli 5:2

Beleshazzari bwe yanhwa omwenge n'aghezaamu, yaalagira baje baleete ebikopo bya zaabu n'ebya feeza, lata we Nebukadinezzari bye yatoola mu isinzizo e Yerusalemu olwo nga Beleshazzari oyo ayenda, mwene, n'abakungu be, ni bakazi be ab'omu ndhu n'ab'embali, babinhweremu.

Danieli 5:23

Weekuluntaliiza ku Musengwa ow'eigulu. Waalagira baaleeta ebikopo ebyatoolebwa mu isinzizo lye, olwo iwe mwene n'abakungu bo, ni bakazi bo ab'omu ndhu n'ab'embali, mwabinhweramu omwenge ogw'emizabbibu. Era mwasaaka ebisinzibwa ebitali Katonda, ebitabona, waire okuwulira, oba okutegeera, bye baakola obw'omu zaabu, ni mu feeza, ni mu kyuma eky'ekikomo, ni mu kyuma ekigumu einho, ni mu miti, ni mu mabaale. Aye mwaloba kuta kitiisa mu Katonda oyo agemereire obulamu bwaimwe era abalabirira mu buli nsambo.

Habakkuku 1:10

Tibata kinhagansi mu bakyabazinga, era batwala buli mufuzi ng'eky'okuzaanhisa. Ezira kifo kya kwewogomamu kibalema; bakibungaku emungo ey'eitaka kwe baniinira, baakitwala.