2 Ebyomubyanda 35:7 - Baibuli Ekibono kya Katonda 2014

⁷ Agho Yosia yaatoola mu byayo ebibye entaama ento n'embuzi ento emitwalo esatu (30,000), n'ente enume enkumi isatu (3,000), yaadhigha abantu boonaboona abatali Balevi, dhibe ebigheebwayo eby'Ekibinuko eky'Okubitizibwa.

2 Ebyomubyanda 35:7 ပူးပေါင်းရင်းမြစ်များ

1 Bakyabazinga 8:63

Solomoni yaghaayo ente emitwalo ebiri n'enkumi ibiri (22,000) n'entaama emitwalo ikumi n'ebiri (120,000) ng'ekigheebwayo olw'okutabagana. Kale atyo kyabazinga Solomoni n'Abaisiraeli baaghaayo eisinzizo okuba erya Musengwa Katonda.

1 Ebyomubyanda 29:3

Era nhongereiza ku ebyo bye nteereiregho eisinzizo, naaghaayo zaabu ni feeza nga ntoola ku by'obukombe ebyange ku bwange, olw'okuba ngonza inho eisinzizo lya Katonda wange eryo.

2 Ebyomubyanda 30:24

Kyabazinga Hezekia owa Buyudaaya yaagha abantu abo boonaboona ente enume lukumi (1,000) n'entaama kasanvu (7,000), edh'okughaayo ng'ebigheebwayo. N'abakungu ba kyabazinga boona baagha abantu abo ente enume lukumi (1,000) n'entaama omutwalo mulala (10,000). Era bakabona bangi inho beetukuza.

2 Ebyomubyanda 31:3

Kyabazinga yaatoola ku bintu ebibye ku bubwe, yaaghaayo ebigheebwayo ebyokebwa, ebya buli nkyo n'ebya buli igulo, n'eby'oku Sabbato, n'eby'oku mbaga ey'Ekibinuko eky'Okuboneka kw'Omwezi, n'eby'oku mbaga edh'ebibinuko ebindi ebyalagirwa, nga bwe kyaghandiikibwa mu Mateeka ga Musengwa Katonda.

2 Ebyomubyanda 35:6

Olwo mwite entaama ento edh'Ekibinuko eky'Okwidhukiriraku Okubitizibwa era mwetukuze. Memale mutegekere baganda baimwe basobole okukola nga Musengwa Katonda bwe yalagira ng'abita mu Musa.”

2 Ebyomubyanda 35:8

N'abakungu be baaghaayo kyeyendere eri abantu ni bakabona n'Abalevi, ebintu eby'okukozesa. Hilikia ni Zekaria ni Yehieli abaakuliranga eisinzizo, baagha bakabona entaama ento n'embuzi ento enkumi ibiri na lukaaga (2,600), n'ente enume ebikumi bisatu, dhibe ebigheebwayo eby'Ekibinuko eky'Okwidhukiriraku Okubitizibwa.

Isaia 32:8

Aye omuntu omwesigwa alowooza ku kukola bwesigwa, era ebituufu byonka by'agumiraku.

Ezekieli 36:38

Ebibuga ebyayonoonebwa biriidhula abantu, ng'oti ni Yerusalemu bwe kyaidhulanga entaama edh'okughaayo ng'emisengo ku mbaga edh'ebibinuko ebyalagirwa. Olwo balimanha nga ninze Musengwa Katonda.”

Ezekieli 45:17

Era kyabazinga oyo n'aidha okutangagho ebigheebwayo ebyokebwa byonabyona okuwaagho, n'ebigheebwayo eby'emere ey'empeke, n'ebigheebwayo eby'okunhwa, ku mikolo gino: ku mbaga edh'Ebibinuko eby'Okuboneka kw'Omwezi, ni ku Sabbato, ni ku mbaga edh'ebibinuko ebindi ebyalagirwa mu ighanga Isiraeli. Era aidha kutangagho ebigheebwayo olw'ebibi, n'ebigheebwayo eby'emere ey'empeke, n'ebigheebwayo ebyokebwa, n'ebigheebwayo olw'okutabagana, olw'okusabira abantu b'eighanga Isiraeli basoniyibwe ebibi byaibwe.”