2 Ebyomubyanda 35:6 - Baibuli Ekibono kya Katonda 2014

⁶ Olwo mwite entaama ento edh'Ekibinuko eky'Okwidhukiriraku Okubitizibwa era mwetukuze. Memale mutegekere baganda baimwe basobole okukola nga Musengwa Katonda bwe yalagira ng'abita mu Musa.”

2 Ebyomubyanda 35:6 ပူးပေါင်းရင်းမြစ်များ

Amainhama 35:2

Agho Yakobo yaakoba ab'omu ndhu ye, n'abo boonaboona abaali naye ati: “Musuule ere emisambwa egy'abamaghanga agandi gye muli nagyo mwetukuze, mukyuse ebivaalo, muvaale ebitukula.

1 Ebyomubyanda 15:12

Yaabakoba ati niimwe abakulu b'enda dha baiseimwe mu kika kya Levi. Mwetukuze imwe beene ni baganda baimwe, mughange okuleeta Sanduuku ya Musengwa wa Isiraeli mu kifo kye ngitegekeire.

2 Ebyomubyanda 29:15

Abalevi abo baasoloza Balevi banaibwe, beetukuza. Baingira ni mu isinzizo baalitukuza, nga kyabazinga bwe yabalagira ng'ajiira ku ebyo Musengwa Katonda bye yalagira.

2 Ebyomubyanda 29:34

Aye bakabona baali batono nga tibasobola kwita nsolo edho dhoonadhoona edh'ebigheebwayo ebyokebwa kuba Abalevi baafangayo inho okwetukuza okusinga bakabona. Kale baganda baibwe Abalevi baababeeraku, okutuusa ni bakabona abandi boona bwe baamala okwetukuza ni babeeyimbaku, okutuusa omulimo lwe gwawa.

2 Ebyomubyanda 29:5

Yaabakoba ati: “Imwe Abalevi mumpulirise. Mukole mwetukuze, era mutukuze n'eisinzizo lya Musengwa Katonda, Katonda wa badhaadha baimwe. Ekifo ekitukuvu kino mukitoolemu ebyo byonabyona ebikireetera okwonooneka.

2 Ebyomubyanda 30:3

Aye tibaasobola kukikola mu nnaku dhaakyo, kuba omughendo gwa bakabona abaali beetukwiza gwali tigumala, ate n'abantu baali nga tibeesololeiza bukalamu mu Yerusalemu.

2 Ebyomubyanda 35:1

Agho kyabazinga Yosia yaakuza mu Yerusalemu Ekibinuko eky'Okwidhukiriraku Okubitizibwa olwa Musengwa Katonda. Baita entaama ento dhe baakozesa ku mukolo ogwo, ku lunaku olweikumi n'eina olw'omwezi ogusooka.

2 Ebyomubyanda 35:11

Entaama ento n'embuzi ento edh'Ekibinuko eky'Okwidhukiriraku Okubitizibwa bwe dhaamala okwitibwa, Abalevi baadhibaagaku empu ate bakabona baamansira omusaayi ogudhiviiremu.

2 Ebyomubyanda 35:7

Agho Yosia yaatoola mu byayo ebibye entaama ento n'embuzi ento emitwalo esatu (30,000), n'ente enume enkumi isatu (3,000), yaadhigha abantu boonaboona abatali Balevi, dhibe ebigheebwayo eby'Ekibinuko eky'Okubitizibwa.

2 Ebyomubyanda 5:11

Bakabona boonaboona abaaligho, baali bamaze okwetukuza. Kale boonaboona baaseeta aghazira kufaayo ku bikunsu byaibwe bye baabangamu.

Yobu 1:5

Enaku edh'embaga dhaibwe bwe dhaawangaku, Yobu yaabeetanga okubatukuza. Yaawuunanga mu nkyo, yaagheerayo buli muntu ekigheebwayo ekyokebwa. Kuba Yobu yakobanga mule ati: “Tomanha baana bange bwe baba nga baliku ekibi kye bakoze, ni bavuma Katonda mu myoyo gyaibwe.” Atyo Yobu bwe yakolanga buliidho.

Zabbuli 51:7

Nnaazaaku ebibi ndidha kutukula; era onhamule ndidha kuba mweru okusinga n'omugozi.

Okuvaayo 12:6

Ensolo eyo mugikuume okutuusa ku lunaku olweikumi n'eina olw'omwezi guno. Olwo eigulo ery'olunaku olwo Abaisiraeli boonaboona baite ensolo dhoonadhoona dhe baakuuma olw'olunaku olwo.

Okuvaayo 19:10

Musengwa Katonda yaamukoba ati: “Ja y'abantu obatukuze olwaleero n'idho, era booze ebivaalo byaibwe,

Okuvaayo 19:15

Yaabakoba ati: “Olwadhuuzi mube nga muli beetegefu, abasaadha mulobe kuba na bakazi mu buliri.”

Yoeli 2:16

Musololeze ghalala abantu, beetukuze nga beetegekera okusinza. Mwete abantu abakulu, n'abaana abato, era n'abayonka. N'abagole abaakafumbiraganwa, boona bave mu bisenge byaibwe baidhe.