2 Ebyomubyanda 35:15 - Baibuli Ekibono kya Katonda 2014

¹⁵ Abembi ab'oku nda ya Asafu bano: Asafu, ni Hemani, ni Yeduthuni omulanzi wa kyabazinga, baali mu bifo byaibwe nga kyabazinga Daudi bwe yalagira. N'abaigazi b'emiryango gy'eisinzizo tibaava ku miryango, kuba Balevi banaibwe abandi baabategekera.

2 Ebyomubyanda 35:15 ပူးပေါင်းရင်းမြစ်များ

1 Ebyomubyanda 23:5

enkumi eina yaabagha gwa kuba bakuumi ba miryango ate enkumi eina (4,000) abandi yaabagha gwa kusaakanga Musengwa Katonda nga bakozesa ebivuga kyabazinga bye yataagho olw'omulimo ogwo.

2 Ebyomubyanda 30:16

Baayemerera mu bifo byaibwe, ng'Amateeka ga Musa omusaadha wa Katonda bwe galagira. Abalevi baatwaliranga bakabona omusaayi ogw'emisengo, ate bakabona baagumansiranga.

2 Ebyomubyanda 35:14

Bwe baamala okukola ekyo, Abalevi abo beetegekera beene era baategekera ni bakabona ab'oku lulyo lwa Aaroni, kuba bakabona abo tibaafuna kiseera naire nga bali kughaayo ebigheebwayo ebyokebwa byonabyona okuwaagho, n'okughaayo amasavu, okutuusa obwire okuziba. Kale abalevi kye baava beetegekera beene, era ni bategekera ni bakabona ab'oku lulyo lwa Aaroni.

2 Ebyomubyanda 35:16

Kale omukolo gwonagwona ogw'okusinza Musengwa Katonda gutyo bwe gwategekebwa ku lunaku olwo, baakuza Ekibinuko eky'Okwidhukiriraku Okubitizibwa era baaghaayo ebigheebwayo ebyokebwa ku alutaari ya Musengwa Katonda, nga kyabazinga Yosia bwe yalagira.

2 Ebyomubyanda 8:14

Solomoni oyo yaakola nga lata we Daudi bwe yalagira, yaataagho engobo bakabona dhe baakolerangamu omulimo gwaibwe. Yaataagho n'engobo Abalevi dhe baakolerangamu omulimo gwaibwe ogw'okwemba enhembo edhisaaka, n'okugheereza nga bayambaku bakabona, nga bwe kyetaagisanga buli lunaku. Yaataagho n'abakuumi b'emiryango mu ngobo, ku buli mulyango kuba atyo Daudi omuntu wa Katonda bwe yalagira.

Ezera 3:10

Abazimbi bwe baatoolera okutaagho omusingi gw'eisinzizo lya Musengwa Katonda, bakabona nga bali mu bivaalo byaibwe eby'obwakabona baidha n'amagwala, n'Abalevi ab'oku nda ya Asafu boona baidha n'ebide, nga boonaboona baidha okusaaka Musengwa Katonda, nga Daudi kyabazinga wa Isiraeli bwe yalagira.

Ezera 6:20

Bakabona ghalala n'Abalevi baali bamaze okwetukuza, nga boonaboona balongoofu. Kale baita entaama ento edhigheebwayo ku Kibinuko eky'Okwidhukiriraku Okubitizibwa ku lw'abo boonaboona abaira okuva mu bunhage, ni ku lwa bakabona banaibwe, ni ku lwaibwe beene.

Zabbuli 77:1

Ndirira Katonda; mmulirira nga nhenda ampulirise.

Zabbuli 78:1

Bantu bange, mutege kutu muwulire bye mbeegeresa; mwetegereze kiisi kibono kye mbakoba.

Zabbuli 79:1

Wo Katonda, abantu abatakutya bakwingiriire mu nsi yo, baayonoona eisinzizo lyo eitukuvu, baaleka ekibuga Yerusalemu nga bakizikiriiza.