2 Ebyomubyanda 35:11 - Baibuli Ekibono kya Katonda 2014

¹¹ Entaama ento n'embuzi ento edh'Ekibinuko eky'Okwidhukiriraku Okubitizibwa bwe dhaamala okwitibwa, Abalevi baadhibaagaku empu ate bakabona baamansira omusaayi ogudhiviiremu.

2 Ebyomubyanda 35:11 ပူးပေါင်းရင်းမြစ်များ

2 Ebyomubyanda 29:34

Aye bakabona baali batono nga tibasobola kwita nsolo edho dhoonadhoona edh'ebigheebwayo ebyokebwa kuba Abalevi baafangayo inho okwetukuza okusinga bakabona. Kale baganda baibwe Abalevi baababeeraku, okutuusa ni bakabona abandi boona bwe baamala okwetukuza ni babeeyimbaku, okutuusa omulimo lwe gwawa.

2 Ebyomubyanda 30:16

Baayemerera mu bifo byaibwe, ng'Amateeka ga Musa omusaadha wa Katonda bwe galagira. Abalevi baatwaliranga bakabona omusaayi ogw'emisengo, ate bakabona baagumansiranga.

2 Ebyomubyanda 35:1

Agho kyabazinga Yosia yaakuza mu Yerusalemu Ekibinuko eky'Okwidhukiriraku Okubitizibwa olwa Musengwa Katonda. Baita entaama ento dhe baakozesa ku mukolo ogwo, ku lunaku olweikumi n'eina olw'omwezi ogusooka.

2 Ebyomubyanda 35:12

Baatoola edhindi ku ntaama n'embuzi edho, dhaaba ebigheebwayo ebyokebwa, baadhigabaniamu nga bajiira ku bikunsu eby'enda dha badhaadha b'abantu abatali Balevi, basobole okudhighaayo eri Musengwa Katonda, nga bwe kyaghandiikibwa mu kitabo kya Musa. Era baakola batyo ni ku nte enume.

2 Ebyomubyanda 35:6

Olwo mwite entaama ento edh'Ekibinuko eky'Okwidhukiriraku Okubitizibwa era mwetukuze. Memale mutegekere baganda baimwe basobole okukola nga Musengwa Katonda bwe yalagira ng'abita mu Musa.”

Ezera 6:20

Bakabona ghalala n'Abalevi baali bamaze okwetukuza, nga boonaboona balongoofu. Kale baita entaama ento edhigheebwayo ku Kibinuko eky'Okwidhukiriraku Okubitizibwa ku lw'abo boonaboona abaira okuva mu bunhage, ni ku lwa bakabona banaibwe, ni ku lwaibwe beene.

Okubala 18:3

Baidha kukolanga emirimo gy'onaabaghanga era bakolenga n'emirimo egindi egy'omu Weema. Aye bataseetanga kumpi na bintu bikozesebwa mu Kifo Ekitukuvu, oba okuseeta ku alutaari olwo beene n'iwe mulobe kufa.

Okubala 18:7

Aye iwe ni batabane bo, niimwe mwenka abanaakolanga emirimo egy'obwakabona egy'oku alutaari n'egy'omu Kifo Ekitukuvu. Mbaghaire obwakabona ng'ekirabo, era omuntu atali Mulevi bw'anaaseetanga okumpi, aidha kwitibwanga.”