2 Ebyomubyanda 34:7 - Baibuli Ekibono kya Katonda 2014

⁷ Yaamenhamenha alutaari, yaamulungula ebifaananie eby'omusambwa omukazi Ashera, n'ebifaananie ebindi, yaabisa byafuuka nkungu. Yaatematema n'alutaari dhoonadhoona edhiniokezebwaku obubbaani mu Isiraeli yoonayoona, memale yaira e Yerusalemu.

2 Ebyomubyanda 34:7 ပူးပေါင်းရင်းမြစ်များ

2 Bakyabazinga 10:26

baatoolamu empango ya Baali, baagyokya.

2 Bakyabazinga 23:15

Kyabazinga Yosia yaamenhagho n'ekifo ekigulumivu eky'okusinzizaamu ekyali e Betheli, kyabazinga Yeroboamu mutabane wa Nebati kye yazimba n'aleetera Isiraeli okwonoona. Yosia oyo yaamenhagho alutaari ghalala n'ekifo ekyo ekigulumivu eky'okusinzizaamu, yaamulungula amabaale ge baabizimbisa gaafuuka bwa nkungu, era yaayokya n'ekifaananie ky'omusambwa omukazi Ashera.

2 Bakyabazinga 23:19

Yosia yaatoolagho amasabo goonagoona ag'omu bifo ebigulumivu eby'okusinzizaamu agaali mu bibuga eby'e Samaria, bakyabazinga ba Isiraeli ge baali bazimbye, ni baleetera Musengwa Katonda okusungughala. Amasabo ago yaagakolaku ebyo byonabyona nga bye yakola e Betheli.

2 Ebyomubyanda 14:2

Asa yaasiimya Musengwa Katonda we, olw'ebirungi n'ebituufu bye yakola.

2 Ebyomubyanda 14:5

Era yaatoola mu bibuga byonabyona ebya Buyudaaya, ebifo ebigulumivu eby'okusinzizaamu, ni alutaari edh'okuniokezaaku obubbaani. Kale, mu biseera bye, obwakyabazinga bwe bwaba mu miraala.

2 Ebyomubyanda 31:1

Ebyo byonabyona nga biwoire, Abaisiraeli boonaboona abaaligho baaja mu bibuga bya Buyudaaya, baamenhamenha empango edh'amabaale, baasimulagho ebifaananie eby'omusambwa omukazi Ashera n'ebifo ebigulumivu eby'okusinzizaamu, ni alutaari. Baaja baakola batyo mu biketezo ebindi byonabyona ebya Yuda, n'ebya Benjamini, n'ebya Efuraimu, n'ebya Manasse, okutuusa lwe baabizikiriza byonabyona. Agho abantu boonaboona bairayo mu bibuga byaibwe, buli muntu mu kibandha kye.

2 Ebyomubyanda 34:1

Yosia yali agheza emyaka munaana egy'obukulu ghe yafuukira kyabazinga wa Buyudaaya. Era yaafuga okumala entangama ya myaka amakumi asatu na mulala mu Yerusalemu.

Okuvaayo 34:13

Mu kifo eky'okukola nabo endagaano, mumenhemenhegho alutaari dhaibwe, n'ebituuti byaibwe eby'amabaale, era n'ebifaananie bya Ashera, omusambwa gwaibwe omukazi.

Isaia 17:8

Balirekera agho okufangayo einho ku alutaari dhe beekolera beene n'engalo edhaibwe, era baalekera agho okwesiganga ebintu obuntu beene bye beekolera ka bibe ebifaananie bya Ashera omusambwa gwaibwe omukazi, oba alutaari edhiniokezebwaku obubbaani.

Abalevi 26:30

Ndidha kuzikiriza ebifo byaimwe ebigulumivu bye musinzizaamu emisambwa, era mmenheregho irala alutaari dhe muniokezaaku obubbaani olw'emisambwa egyo, n'emirambo gyaimwe ngisuule ku bifaananie eby'emisambwa egyo gye musinza. Mu busungu obungi

Mika 1:7

“Ebifaananie abantu baamu bye babaire basinzanga, abazigu baibwe baja kubimenhamenha. Ebintu ebyagheebwanga bamalaaya ab'omu masabo byonabyona bija kwokebwa omuliro. Ebyo byonabyona ebisinzibwa ebitali Katonda bija kubungibwa bwagho. Olw'okuba ebintu ebyo byafunibwa mu ebyo ebigheebwa bamalaaya, era n'abazigu boona baidha kubitwala bigheebwe bamalaaya abandi.”

Amateeka Agokubiri 9:21

Naagema ekintu ekyo eky'ekibi kyaimwe, eyo nga n'ente ento enume ye mwali mukoze, naagisuula mu muliro. Naagikontakonta, naagisekulasekula inho okutuusa lwe yafuuka ng'oti nkungu. Naayugha enkungu yaayo eyo mu kaiga akaalinga nga kakuuluula okuva ku lusozi.