2 Ebyomubyanda 34:31 - Baibuli Ekibono kya Katonda 2014

³¹ Kyabazinga Yosia yaayemerera mu kifo kye, yaakola endagaano mu maiso ga Musengwa Katonda, nga bw'aidha okugemanga amateeka n'ebiragiro bye n'omutima gwe gwonagwona era n'omwoyo gwe gwonagwona, era atuukirizenga ebiri mu ndagaano eyo, nga bwe byaghandiikibwa mu kitabo ekyo.

2 Ebyomubyanda 34:31 ပူးပေါင်းရင်းမြစ်များ

2 Bakyabazinga 11:14

Okuja okulinga ati, ng'abona kyabazinga ayemereire gha mpango, agheemerera kyabazinga ng'empisa bweyali, ng'abafuuyi b'amagwala bamuli kumpi. Era ng'abantu boonaboona bali kusagamba nga bwe bafuuwa amagwala. Agho Athalia yaakanulamu ebivaalo bye olw'okunakughala, nga bw'akoba ati: “Mundiiremu olukwe! Mundiiremu olukwe!”

2 Bakyabazinga 11:17

Yehoiada kabona yaaleetera kyabazinga n'abantu, okukola endagaano ni Musengwa Katonda ekakasa nga bwe baidha okubanga abantu aba Musengwa Katonda. Era yaakola endagaano ghagati gha kyabazinga n'abantu.

2 Bakyabazinga 11:4

Aye mu mwaka ogwomusanvu, Yehoiada kabona yaayetesa abaduumizi b'abakuumi ekikumi ekikumi aba kyabazinga, era yaayetesa n'abakulira abakuumi b'ekisaagaati kya kyabazinga. Baidha y'ali mu isinzizo, yaakola nabo endagaano ng'abalayiza okutuukiriza kye yali ategeike okukola. Agho yaabooleka Yoashi mutabane wa kyabazinga,

2 Bakyabazinga 23:3

Kyabazinga Yosia era yaayemerera gha mpango, yaakola endagaano mu maiso ga Musengwa Katonda, nga bw'aidha okugemanga amateeka n'ebiragiro bye n'omutima gwe gwonagwona era n'omwoyo gwe gwonagwona, era atuukirizenga ebiri mu ndagaano eyo, nga bwe byaghandiikibwa mu kitabo ekyo. Abantu boonaboona baakakasa nga bwe baidha okukuumanga endagaano eyo.

2 Ebyomubyanda 15:12

Baakola endagaano okusinzanga Musengwa Katonda, Katonda wa badhaadha baibwe n'omutima gwaibwe gwonagwona era n'omwoyo gwaibwe gwonagwona.

2 Ebyomubyanda 15:15

Abantu boonaboona ab'omu Buyudaaya baasangaalira okulayira okwo, kuba baalayira n'omutima gwaibwe gwonagwona. Era kuba baanoonia Musengwa Katonda n'omwoyo gwaibwe gwonagwona baamuzuula, yaabagha emiraala ku ndhuyi dhaibwe dhoonadhoona.

2 Ebyomubyanda 23:16

Agho Yehoiada kabona yaakola endagaano ni kyabazinga, era n'abantu boonaboona aghalala, ekakasa nga bwe baidha okubanga abantu aba Musengwa Katonda.

2 Ebyomubyanda 29:10

“Mperaano nsazeegho okukola endagaano ni Musengwa Katonda, Katonda wa Isiraeli, olwo alekere agho okutwolekeza obusungu bwe obubitiriire.

2 Ebyomubyanda 30:16

Baayemerera mu bifo byaibwe, ng'Amateeka ga Musa omusaadha wa Katonda bwe galagira. Abalevi baatwaliranga bakabona omusaayi ogw'emisengo, ate bakabona baagumansiranga.

2 Ebyomubyanda 31:21

Ebintu byamujiiranga bukalamu, kuba buli mulimo ogw'okusinza Katonda we mu isinzizo yagukolanga na mwoyo mulala, ng'ajiira ku mateeka n'ebiragiro.

2 Ebyomubyanda 34:32

Agho yaakubiriza abantu ba Benjamini n'abantu boonaboona abaaligho mu Yerusalemu, bakakase nga bwe baidha okukuumanga endagaano eyo. Era abantu b'omu Yerusalemu baakuuma endagaano eyo eya Musengwa Katonda, Katonda wa badhaadha baibwe.

2 Ebyomubyanda 6:13

Solomoni oyo yali amaze okukola ekituuti mu kyuma eky'ekikomo, ng'endhuyi dhaakyo dhoonadhoona eina dhaagayaga, buli lulala lwa mita ibiri n'obutundu bubiri. Ate obugungumavu bw'ekituuti ekyo nga bwa mita ndala n'obutundu busatu. Era ng'amaze n'okukita ghagati mu luya. Agho yaaniina ghaigulu ku kituuti ekyo, yaakuba amakiryaivu ng'Abaisiraeli boonaboona abeesoloiza bali agho, era yaayandhululiza emikono gye eri eigulu.

Ezera 10:3

Kale ni tukole endagaano ni Katonda waife, tutoolegho abakazi abo n'abaana baibwe, nga tujiira ku magezi ge tunaafuna okuva ye iwe musengwa wange, ni y'abo boonaboona abagondera ebiragiro bya Katonda waife oyo. Ekyo twidha kukikola nga tujiira ku mateeka.

Nehemia 10:29

Tweyimba ku baganda baife, n'abakungu, nga tulayira tuti: “Tukolimirwanga bwe tulobanga okujiira ku Mateeka ga Katonda, ge yatugha ng'abita mu mugheereza we Musa, era ni tuloba okwegenderezanga okukola ng'ebiragiro bya Musengwa Katonda waife n'amateeka ge goonagoona bwe gakoba.

Nehemia 10:30

Titwidha kufumbirwagananga na bamaghanga gandi, nga tughaayo baghala baife okubayira batabane baibwe, oba okutoola baghala baibwe okubayira batabane baife.

Nehemia 9:38

“Olw'ebyo byonabyona, kyetuva tuli kukola endagaano enkakafu mu bughandiike. Era abakungu baife, n'Abalevi baife, ni bakabona baife, bagitaireku ebinkumu byaibwe.”

Zabbuli 119:106

Neeyamye era tija kwerabira okujiiranga ku nsala yo entuufu eziramu kwekubira.

Zabbuli 31:24

Mwiremu amaani era mugume emyoyo, imwe mwenamwena abasuubirira mu Musengwa Katonda.

Yeremia 50:5

Balibuuza engira eja e Sioni, era baasimba mu ngira eyo nga bakoba bati, ‘Mwidhe tweyimbe ku Musengwa Katonda, tukole naye endagaano ey'ebyanda n'ebyanda, ye tutaja kumenhagho naire.’

Ezekieli 46:2

Kyabazinga aidha kwingiranga mu mulyango ogwo ng'aviira ku luya olw'okuliya, yaabitira mu kisasi eky'oku mulyango. Aidha kwemereranga gha bikondo eby'omulyango ogwingira mu luya olw'omunda, nga bakabona bali kughaayo ku lulwe ebigheebwayo ebyokebwa n'ebigheebwayo olw'okutabagana. Era kyabazinga oyo aidha kusinzizanga agho gha mulyango, memale afulume. Aye omulyango gwidha kusigalanga nga mwigule okutuusa eigulo.

Amateeka Agokubiri 13:4

Mujiirenga ku Musengwa Katonda waimwe by'abalagira, era mumutyenga. Mumuwulirenga era mukuumenga ebiragiro bye. Mumusinzenga era mubenga beesigwa y'ali

Amateeka Agokubiri 13:5

Aye omulanzi oyo oba omuvuunuzi w'ebirooto oyo, aitibwenga, kuba abakoba kudheemera Musengwa Katonda waimwe, eyabatoola mu Misiri, ye mwakolanga obwiru. Omuntu ng'oti n'oyo aba ali kubadaaliimya okubatoola ku mpisa, Musengwa Katonda waimwe dhe yabalagira okugemanga, ky'anaavanga n'aitibwa, ni mwetoolaku ekibi ekyo.

Amateeka Agokubiri 29:1

Eno n'endagaano Musengwa Katonda ye yalagira Musa okukola n'Abaisiraeli mu nsi Moabu, ng'eyongerwa ku ndagaano Musengwa Katonda ye yakola nabo ku lusozi Sinai.

Amateeka Agokubiri 6:5

Mugonzenga Musengwa Katonda, oyo Katonda waimwe, n'omutima gwaimwe gwonagwona, n'amaani gaimwe goonagoona.

Yoshua 24:25

Kale ku lunaku olwo Yoshua yaakolera abantu endagaano e Shekemu, era yaabagha amateeka n'ebiragiro eby'okujiirangaku.