2 Ebyomubyanda 34:30 - Baibuli Ekibono kya Katonda 2014

³⁰ Yaaja nabo mu isinzizo, aghalala n'abantu boonaboona ab'omu Buyudaaya, n'ab'omu Yerusalemu, ni bakabona, n'abalanzi, n'abantu abandi boonaboona abakologho n'ababuliidho. Agho nga bali kuwulira, yaasoma ebyali mu kitabo eky'endagaano ekyazuulibwa mu isinzizo.

2 Ebyomubyanda 34:30 ပူးပေါင်းရင်းမြစ်များ

2 Bakyabazinga 23:2

Yaaja nabo mu isinzizo, aghalala n'abantu boonaboona ab'omu Buyudaaya, n'abo boonaboona ab'omu Yerusalemu, ni bakabona, n'abalanzi, n'abantu abandi boonaboona abakologho n'abatali bakologho. Agho nga bali kuwulira, yaasoma ebyali mu kitabo eky'endagaano ekyazuulibwa mu isinzizo.

2 Bakyabazinga 23:21

Agho kyabazinga Yosia yaalagira abantu ati: “Mukolere Musengwa Katonda waimwe Ekibinuko eky'Okwidhukiriraku Okubitizibwa, nga bwe kyaghandiikibwa mu kitabo kino eky'endagaano.”

2 Ebyomubyanda 18:30

Kyabazinga wa Siria yali amaze okulagira abaduumizi b'ebigaali bye eby'omu lutalo, ati: “Mutalwanisa muntu wundi yeenayeena, k'abe omukulu oba omuto, okutoolaku kyabazinga wa Isiraeli yenka.”

2 Ebyomubyanda 34:15

Agho Hilikia oyo yaakoba Shafani omughandiisi ati: “Nzwire ekitabo ky'Amateeka mu isinzizo.” Yaakigha Shafani.

2 Ebyomubyanda 34:24

Musengwa Katonda akoba ati, ebikolimo ebyogerwaku mu kitabo kino kye basomeire kyabazinga wa Buyudaaya, nja kubituusa ku kifo kino ni ku bantu baamu.

2 Ebyomubyanda 34:31

Kyabazinga Yosia yaayemerera mu kifo kye, yaakola endagaano mu maiso ga Musengwa Katonda, nga bw'aidha okugemanga amateeka n'ebiragiro bye n'omutima gwe gwonagwona era n'omwoyo gwe gwonagwona, era atuukirizenga ebiri mu ndagaano eyo, nga bwe byaghandiikibwa mu kitabo ekyo.

Yobu 3:19

Abantu ab'ebika n'ebika bali eyo, abamanhifu n'abatali bamanhifu, n'abairu nga tibakaafugibwa basengwa baibwe.

Okuvaayo 24:7

Agho yaatoola ekitabo eky'endagaano yaakisoma ng'abantu boonaboona bawulira, era baakoba bati: “Ebyo byonabyona Musengwa Katonda by'atukobye okukola twidha kubikola, era twidha kumugonderanga.”

Omulangirizi 1:12

Nze Omulangirizi nali kyabazinga wa Isiraeli mu Yerusalemu.

Ezekieli 46:10

Kyabazinga aidha kwingiriranga ghalala n'abantu nga bali kwingira. Era aidha kufulumiranga ghalala nabo nga bali kufuluma.

Amateeka Agokubiri 1:17

Mutasalirizanga mu nsala yaimwe, muwulirisenga ensonga edh'abaavu n'edh'abakombe mu nsambo n'endala. Mutabangaku muntu yeenayeena ye mutiisa maiso, kuba emisango mugisala mu buyinza bwa Katonda. Era ensonga enaabanga ebalemye, mugireetenga ye ndi ngiwulire.’”