2 Ebyomubyanda 34:27 - Baibuli Ekibono kya Katonda 2014

²⁷ weeneniiza era weewombeeka mu maiso gange. Era okanwiremu ebivaalo byo olw'okunakughala era waalira amaziga, bw'owuliire ebibono bye nayogera ku kifo kino ni ku bantu abakibaamu. Kale ni mpuliire okusaba kwo.

2 Ebyomubyanda 34:27 ပူးပေါင်းရင်းမြစ်များ

2 Samueli 1:11

Agho Daudi yaakanulamu ebivaalo bye olw'enaku, n'abasaadha be boonaboona be yali nabo agho baakola batyo.

2 Ebyomubyanda 12:7

Musengwa Katonda bwe yabona nga bagonze, yaakoba Shemaia ati: “Nga bwebagonze batyo, tiidha kubazikiriza. Aye era ndidha kubasaasiramuuku bwa katono, olwo ndobe kumalira busungu bwange bwonabwona ku Yerusalemu, nga Shishaki akirumbye

2 Ebyomubyanda 32:26

Aye Hezekia yaamala yaagonda ghalala n'abantu ab'omu Yerusalemu, era baalekera agho okwekuluntaza. Kale Musengwa Katonda yaaloba kubamaliraku busungu bwe mu biseera bya Hezekia oyo.

2 Ebyomubyanda 33:12

Agho bweyali ng'ali eyo mu kudaazibwadaazibwa, yeegayirira Musengwa Katonda we era yeewooya ekibitiriire mu maiso ga Katonda wa badhaadha be oyo.

2 Ebyomubyanda 33:13

Yaasaba Katonda, era Katonda oyo yaikiriza okwegayirira kwe, n'okusaba kwe yaakuwulirisa, yaamwiza e Yerusalemu ku bwakyabazinga bwe. Olwo Manasse yaamanha nga Musengwa Katonda ni Katonda.

2 Ebyomubyanda 33:19

Ate ebigema ku ebyo Manasse bye yasaba Katonda, n'ebyo Katonda oyo bye yamwiramu olw'okusaba okwo, n'ebibi ghalala n'ebisobyo byonabyona bye yakola, n'ebifo ebigulumivu bye yazimba okusinzizangamu, n'ebifaananie eby'omusambwa omukazi Ashera bye yataagho, n'ebisinzibwa ebitali Katonda bye yasinzanga ng'akaali kugonda kwenenia, byonabyona byaghandiikibwa mu Byafaayo eby'abalanzi.

2 Ebyomubyanda 34:19

Agho kyabazinga bwe yawulira ebyasomwa mu kitabo ky'Amateeka, yaakanulamu ebivaalo bye olw'okunakughala.

2 Ebyomubyanda 34:26

Aye kyabazinga wa Buyudaaya, abatumye okuneebuuzaaku, mumukobe muti nze Musengwa Katonda, Katonda wa Isiraeli nkoba nti, bw'owuliire ebyo ebighandiikiibwa mu kitabo ekyo,

2 Ebyomubyanda 34:28

Era bona eno, ndikutwala weeyimba ku badhaadha bo abaafa, waaziikibwa mu miraala, waaloba kubona ku kabi ke ndituusa ku kifo kino ni ku bantu abakibaamu.’ ” Agho abasaadha bairayo baakobera kyabazinga obukwenda obwo.

Zabbuli 10:17

Wo Musengwa Katonda, iwe owulirisa okusaba kw'abo abagonvu, era obagumya emyoyo.

Zabbuli 34:18

Abo abawoiremu amaani, Musengwa Katonda tabasuulirira, era alokola abo abaweireiremu irala eisuubi.

Zabbuli 51:17

Omusengo gw'osiima, n'omwoyo ogumenheike, Wo Katonda wange, omwoyo ogweneniiza era ogubonereire toligugaya naire.

Zabbuli 6:9

Ampulirisa nga ndi kumusaba okumbeera era aidha kwiramu okusaba kwange.

Okuvaayo 10:3

Kale Musa ni Aaroni baaja bangira mu kisaagaati kya kyabazinga, baamukoba bati: “Musengwa Katonda, Katonda w'Abaheburayi akoba ati, ‘Olirekera li okuloba okumpulira? Leka abantu bange baje bansinze.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 65:24

Banaabanga bakaali na kundheta nga nabawuliire ira, era banaajanga okumala okunsaba nga nabaizeemu ira.

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Isaia 66:5

Imwe abafuba einho okugondera Musengwa Katonda by'alagira ni mubikola, muwulire Musengwa Katonda oyo ky'akoba: “Olw'okuba muli beesigwa ye ndi, abandi ku bantu baimwe beene babakyagha era baababingagania, nga babayeeyereza bati, ‘Musengwa Katonda leka abawonie ayolese nga bw'ali ow'ekitiisa, tuboneku nga bwe musagamba.’ Aye beene n'abaliswazibwa.

Ezekieli 36:26

Ndibagha omwoyo omuyaaka n'endowooza empyaka. Naabatoolamu omwoyo omukalangafu oguli ng'oti ibaale, naabataamu omwoyo omugonvu omuwulize.

Ezekieli 9:4

Musengwa Katonda yaamukoba ati: “Ja ng'obita mu kibuga Yerusalemu, ote obumanhiso ku byeni by'abo abawulira enaku n'obulumi olw'ebyenhinhalwa byonabyona ebikolerwa mu kibuga ekyo.”