2 Ebyomubyanda 34:21 - Baibuli Ekibono kya Katonda 2014

²¹ “Muje mwebuuze ku Musengwa Katonda ku lwange ni ku lw'abo abaasigalagho mu Isiraeli ni mu Buyudaaya, ebigema ku ebyo ebighandiikiibwa mu kitabo kino ekizuuliibwa. Obusungu bwa Musengwa Katonda buli kututumbukiraku ng'oti muliro, kuba badhaadha baife tibaagondera bibono bya Musengwa Katonda ebiri mu kitabo kino, ni babikoleraku nga bwe byali n'okukolerwaku.”

2 Ebyomubyanda 34:21 ပူးပေါင်းရင်းမြစ်များ

2 Bakyabazinga 22:13

“Muje mubuuze Musengwa Katonda ku lwange ni ku lw'abantu boonaboona ab'omu Buyudaaya, ebigema ku ebyo ebyaghandiikibwa mu kitabo kino ekizuuliibwa. Obusungu bwa Musengwa Katonda buli kututumbukiraku ng'oti muliro, kuba badhaadha baife tibaagondera bibono ebyo ebiri mu kitabo kino, ni babikoleraku nga bwe byali n'okukolerwaku.”

2 Ebyomubyanda 28:6

Peka oyo mutabane wa Remalia yaita mu Bayudaaya abantu emitwalo ikumi n'ebiri (120,000) mu lunaku lulala, olw'okuba baava ku Musengwa Katonda, oyo Katonda wa badhaadha baibwe. Abantu abo boonaboona baali abasaadha abaziramu ntete.

2 Ebyomubyanda 29:8

Musengwa Katonda kyeyava n'asungughalira ab'omu Buyudaaya n'ab'omu Yerusalemu, yaabatuusa ku buzibu obuleetera buli muntu okubeewuunhia n'okubeesiimooza, nga bwe mukyeboneraku beene n'amaiso gaimwe.

2 Ebyomubyanda 33:11

Kale Musengwa Katonda oyo yaaleeta abaduumizi b'eigye lya kyabazinga ow'e Assiria baalumba Buyudaaya, baagema Manasse n'ebyuma ebiri ng'oti malobo era baamusiba ku ndhegere edh'ekyuma ky'ekikomo, baamutwala e Babilonia.

2 Ebyomubyanda 34:20

Yaagha ekiragiro eri Hilikia, ni Ahikamu mutabane wa Shafani, ni Abudoni mutabane wa Mika, ni Shafani omughandiisi, ni Asaia omugheereza wa kyabazinga. Yaabakoba ati:

2 Ebyomubyanda 34:22

Agho Hilikia n'abo kyabazinga be yatuma, baaja eri Huluda omulanzi omukazi, muka Shallumu. Shallumu oyo yali mutabane wa Tokathi era mwidhukulu wa Hasara. Omukazi oyo yabanga mu kiketezo ekiyaaka ekya Yerusalemu, era nga iba oyo Shallumu n'akuuma eiterekero ly'ebivaalo eby'omu isinzizo. Agho baayogera n'omukazi oyo ku nsonga eyo.

Okuvaayo 18:15

Musa yaamwiramu ati: “Ndi n'okukola ntyo, kuba abantu baidha ye ndi okubuuza Katonda by'akoba ku nsonga edh'endhawulo.

Yeremia 21:2

“Nkweghembye twogerereyo eri Musengwa Katonda, kuba kyabazinga Nebukadinezzari ow'e Babilonia atulumbye n'eigye lye okutulwanisa. Oba katyo Musengwa Katonda anaatukolera ekyewuunhisa, yaamwiririzaayo.”

Yeremia 42:2

ye ndi nze Yeremia. Bankoba bati: “Tukweghembye ganha otukolere kye tuja okukusaba! Tusabire eri Musengwa Katonda waife. Tusabire ife twenatwena abaawonagho, kuba eira twali abantu kamaala, aye mpegaano nga bw'obona twasigala batono bati.

Ezekieli 18:14

“Ate omuntu oyo asobola okuzaala omwana, era omwana oyo yaabona ebibi byonabyona ise bye yakola, aye yaaloba kubikola.

Ezekieli 36:18

Kale, nze kyenava ni mbamaliraku obusungu bwange, olw'obutemo bwe baakola mu nsi eyo, n'olw'okwonoona ensi eyo nga basinza ebitali nze Katonda.

Ab'e Roma 1:18

Katonda alaga obusungu bwe okuva mu igulu ku bantu abatamutya era abakozi b'ebibi abataganha mazima kuboneka olw'ebikolwa byaibwe ebibi.

Ab'e Roma 4:15

Amateeka galeeta obusungu bwa Katonda, aye aghazira Mateeka, tighaba kwonoona.

Amateeka Agokubiri 28:15

Musa yaakoba Abaisiraeli ati: “Aye bwe munaalobanga okuwulira Musengwa Katonda waimwe, n'okugema amateeka ge n'ebiragiro bye n'obwegendereza, ebikolimo bino byonabyona biidha kubaidhiranga era bibabeeku:

1 Samueli 9:9

(Eira mu Isiraeli, omuntu bwe yajanga okwebuuza ye Katonda, ng'akoba ati: “Kola tuje y'omuboni.” Mu biseera ebyo omulanzi baamwetanga muboni.)