2 Ebyomubyanda 34:12 - Baibuli Ekibono kya Katonda 2014

¹² Abasaadha abo baakola omulimo n'obwesigwa, nga balabirirwa Abalevi bano: Yahathi ni Obadia ab'oku nda ya Merari, ni Zekaria ni Meshullamu ab'oku nda ya Kohathi. Abalevi boonaboona baali bakugu mu bivuga.

2 Ebyomubyanda 34:12 ပူးပေါင်းရင်းမြစ်များ

Amainhama 46:11

Levi ni batabane be bano: Gereshoni, ni Kohathi, ni Merari.

2 Bakyabazinga 12:15

Era abantu be baagemyanga empiiya okusasula abakozi, tibaabasabanga kwinhonhola nsambo ye badhikozeisaamu, kuba abantu abo baadhikozesanga na bwesigwa.

2 Bakyabazinga 22:7

Aye empiiya edhinaagemesebwa abasaadha abo, tidhiidha kwetaagisa kubalirirwa kubona bwe dhikozeseibwa, kuba bakola na bwesigwa.”

1 Ebyomubyanda 16:41

Aghalala n'abo, yaataagho Hemani, ni Yeduthuni, n'abandi boonaboona abaalondebwa okwebazanga Musengwa Katonda, kuba okugonza kwe tikukoma, kubaagho byanda na byanda.

1 Ebyomubyanda 23:5

enkumi eina yaabagha gwa kuba bakuumi ba miryango ate enkumi eina (4,000) abandi yaabagha gwa kusaakanga Musengwa Katonda nga bakozesa ebivuga kyabazinga bye yataagho olw'omulimo ogwo.

2 Ebyomubyanda 31:12

Baingiza omwo n'obwegendereza ebyagheebwayo okuba ebya Musengwa Katonda, n'ekintu ekirala ekirala ku buli bintu eikumi omuntu bye yali nabyo. Baataagho Konania Omulevi okukolanga ogw'okubirabirira, nga Shimei muganda we n'amwiririra.

Ezera 3:9

Yeshua ni batabane be, n'ab'oluganda lwe, ni Kadimieli ni batabane be ab'oku nda ya Yuda, beeyimba ghalala baatwala obuvunaanizibwa obw'okulabiriranga abantu abaali ku gw'okuzimba eisinzizo lya Katonda. Ab'oku nda ya Henadadi, n'Abalevi nga bali ghalala ni batabane baibwe, n'aboluganda lwaibwe baabeeyimbaku mu kukola omulimo ogwo.

Nehemia 7:2

Agho naataagho muganda wange Hanani ni Hanania omufuzi eyakuliranga ekifo eky'okwewogomamu, naabagha obukumu okulabiriranga Yerusalemu. Hanania oyo yali mwesigwa era nga atya Katonda okusinga abantu abandi boonaboona.

Ensambo 28:20

Omuntu omwesigwa aidha kubanga n'enkabi kamaala, aye ole afuna obukombe obw'amangu aidha kubonerezebwanga.

Okubala 3:27

Kohathi yasimukamu Abamuramu, n'Abaizehari, n'Abaheberoni n'Abauzzieli abo n'Abakohathi.

1 Ab'e Korintho 4:2

Ekintu ekyendebwa ku mugheereza oti n'oyo, n'okuba omwesigwa ye Musengwa we.