2 Ebyomubyanda 33:4 - Baibuli Ekibono kya Katonda 2014

⁴ Yaazimba alutaari mu isinzizo Musengwa Katonda lye yayogeraku ati: “Mu Yerusalemu mwe banansinzizanga lubeerera.”

2 Ebyomubyanda 33:4 ပူးပေါင်းရင်းမြစ်များ

2 Samueli 7:13

Oyo n'alinzimbira endhu, era ndireetera obwakyabazinga bwe okukakata ebyanda n'ebyanda.

1 Bakyabazinga 8:29

Kuumanga eisinzizo lino omusana n'obwire, kuba kino n'ekifo kye wakoba oti, ‘Omwo mwe banansinzizanga.’ Nkweghembye wulirisanga bye nnaakusabanga nze omugheereza wo, nga ningiriire eisinzizo lino.

1 Bakyabazinga 9:3

Yaamukoba ati: “Mpuliire by'onsabye ng'oneeghemba agho mu maiso gange. Ntukwiza eisinzizo lino ly'onzimbiire, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

2 Bakyabazinga 16:11

Uria kabona yaazimba alutaari ng'ajiira ku ebyo byonabyona kyabazinga Ahazi bye yamugheereza ng'ali e Damasiko. Yaagikola atyo era yaagimaliriza nga kyabazinga Ahazi akaali kwira okuva e Damasiko.

2 Bakyabazinga 16:16

Uria kabona yaakola byonabyona nga kyabazinga Ahazi bwe yamulagira.

2 Ebyomubyanda 28:24

Agho Ahazi yaasoloza ebintu ebikozesebwa mu isinzizo, yaabimenhamenha byonabyona. Yaigalagho eisinzizo, yeekolera alutaari mu buli kifo mu Yerusalemu.

2 Ebyomubyanda 32:19

Baayogera ku Katonda wa Yerusalemu mu nsambo n'endala nga bwe boogera ku bakatonda b'amaghanga agandi, abantu bye baakola obukole n'engalo.

2 Ebyomubyanda 33:15

Yaatoola mu isinzizo bakatonda b'amaghanga agandi, n'ekisinzibwa ekitali Katonda kye yali atairemu, n'alutaari dhe yali azimbye ku lusozi olwazimbwaku eisinzizo eryo. Yaatoola ebintu ebyo ni mu bifo ebindi mu Yerusalemu, byonabyona yaabisuula kuliya kw'ekibuga.

2 Ebyomubyanda 33:7

Yaata mu isinzizo ekifaananie eky'omusambwa omukazi Ashera kye yabaadha. Ate nga eisinzizo eryo, Musengwa Katonda lye yakoba Daudi ni mutabane we Solomoni ati: “Mu isinzizo lino eriri mu kibuga Yerusalemu kye nalondamu mu bibuga byonabyona eby'ebika bya Isiraeli, mwe banansinzizanga enaku dhoonadhoona.

2 Ebyomubyanda 34:11

Baadhisasula ababaadhi n'abazimbi n'abatemi b'amabaale, baguleku embaawo n'amabaale amateme, n'emiti, balongoose endhu bakyabazinga ba Buyudaaya dhe baaleka agho ni dhoonooneka.

2 Ebyomubyanda 6:5

‘Kasookanga ntoola bantu bange Abaisiraeli mu Misiri, tirondangaghooku mu bika bya Isiraeli byonabyona kibuga waire ekirala kiti, mwe bananzimbira eisinzizo. Era titangaghooku muntu waire omulala ati, akulemberenga abantu bange Abaisiraeli.

2 Ebyomubyanda 6:6

Aye mpegaano nonzeegho Yerusalemu kibe ekifo mwe banansinzizanga, era naataagho iwe Daudi okulemberenga abantu bange Abaisiraeli.’ ”

2 Ebyomubyanda 7:16

kuba mpegaano ntukwiza eisinzizo lino, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

Yeremia 7:30

“Abantu b'omu Buyudaaya, bakoze ekibi ye ndi, nze Musengwa Katonda. Batoire emisambwa egyenhinhalwa, baagita mu isinzizo lyange, baalyonoona.

Amateeka Agokubiri 12:11

Musengwa Katonda waimwe alirondagho ekifo eky'okumusinzizangamu. Eyo ye munaatwalanga ebyo byonabyona bye mbalagiire: ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebyo ebigheebwayo olw'okutuukiriza obweyamo bwaimwe ye Musengwa Katonda.