2 Ebyomubyanda 33:3 - Baibuli Ekibono kya Katonda 2014

³ Yaazimba buyaaka ebifo ebigulumivu eby'okusinzizaamu, lata we Hezekia bye yali azikiriiza. Yaateeragho omusambwa Baali alutaari edh'okugusinzizaaku, era yaakola ebifaananie eby'omusambwa omukazi Ashera. Yaasinzanga eby'oku igulu byonabyona era yaafuuka mugheereza waabyo.

2 Ebyomubyanda 33:3 ပူးပေါင်းရင်းမြစ်များ

1 Bakyabazinga 14:23

Baamusungughaza kuba boona beezimbira ku buli lusozi olugulumivu, na buli ghansi mu kinsense kya muti muzibirivu, baataagho ebifo ebigulumivu eby'okusinzizaamu, n'empango, n'ebifaananie eby'omusambwa omukazi, Ashera.

2 Bakyabazinga 18:4

Yaatoolagho ebifo ebigulumivu eby'okusinzizaamu, yaamenhagho empango, era yaatematema ebifaananie by'omusambwa omukazi Ashera. Era yaamenhamenha omusota ogw'ekyuma eky'ekikomo Musa gwe yakola n'agweta Nehushitani kuba n'okutuusa mu biseera ebyo, Abaisiraeli baali bakaaguniokeza obubbaani.

2 Bakyabazinga 21:3

Yaazimba buyaaka ebifo ebigulumivu eby'okusinzizaamu, lata we Hezekia bye yali azikiriiza. Yaataagho alutaari edh'okusinzizaaku omusambwa Baali, era yaakola ekifaananie eky'omusambwa omukazi Ashera, nga kyabazinga Ahabu owa Isiraeli bwe yakola. Yaasinzanga eby'oku igulu byonabyona era yaafuuka mugheereza waabyo.

2 Bakyabazinga 23:11

Yaatoolayo embalaasi bakyabazinga ba Buyudaaya dhe baali baghaireyo eri endhuba. Era yaayokya ebigaali eby'omu lutalo ebyali mu luya okumpi n'aghaingirirwa mu isinzizo, okuliiraana n'endhu ya Nathani Meleki, eyali owundi ku bakungu.

2 Bakyabazinga 23:4

Agho kyabazinga Yosia yaayeta Hilikia Omukulu wa Bakabona, ni bakabona abamwiririra, n'abaigazi b'eisinzizo, yaabalagira okufulumya mu isinzizo ebintu byonabyona ebyakozesebwanga mu kusinza omusambwa Baali n'omusambwa omukazi Ashera, ni mu kusinza ebyakira ku igulu byonabyona. Kyabazinga yaabyokera kuliya wa Yerusalemu mu nsiko, mu kiiko Kiduroni, era eivu lyabyo baalitwala e Betheli.

2 Ebyomubyanda 28:24

Agho Ahazi yaasoloza ebintu ebikozesebwa mu isinzizo, yaabimenhamenha byonabyona. Yaigalagho eisinzizo, yeekolera alutaari mu buli kifo mu Yerusalemu.

2 Ebyomubyanda 30:14

Baasitukiramu, baatoolagho alutaari dhoonadhoona edhaali mu Yerusalemu, edhaagheerwangaku emisengo n'okuniokezebwangaku obubbaani, baadhisuula mu kaiga Kiduroni.

2 Ebyomubyanda 31:1

Ebyo byonabyona nga biwoire, Abaisiraeli boonaboona abaaligho baaja mu bibuga bya Buyudaaya, baamenhamenha empango edh'amabaale, baasimulagho ebifaananie eby'omusambwa omukazi Ashera n'ebifo ebigulumivu eby'okusinzizaamu, ni alutaari. Baaja baakola batyo mu biketezo ebindi byonabyona ebya Yuda, n'ebya Benjamini, n'ebya Efuraimu, n'ebya Manasse, okutuusa lwe baabizikiriza byonabyona. Agho abantu boonaboona bairayo mu bibuga byaibwe, buli muntu mu kibandha kye.

2 Ebyomubyanda 32:12

Hezekia mwene oyo ti n'eyatoolagho alutaari n'ebifo ebigulumivu eby'okusinzizaamu, memale n'alagira abantu b'omu Buyudaaya ni mu Yerusalemu okusinzizanga mu maiso g'alutaari endala obulala eti, era nga ku yeene eyo kwe bali n'okuniokezanga n'obubbaani?

2 Ebyomubyanda 33:15

Yaatoola mu isinzizo bakatonda b'amaghanga agandi, n'ekisinzibwa ekitali Katonda kye yali atairemu, n'alutaari dhe yali azimbye ku lusozi olwazimbwaku eisinzizo eryo. Yaatoola ebintu ebyo ni mu bifo ebindi mu Yerusalemu, byonabyona yaabisuula kuliya kw'ekibuga.

2 Ebyomubyanda 33:19

Ate ebigema ku ebyo Manasse bye yasaba Katonda, n'ebyo Katonda oyo bye yamwiramu olw'okusaba okwo, n'ebibi ghalala n'ebisobyo byonabyona bye yakola, n'ebifo ebigulumivu bye yazimba okusinzizangamu, n'ebifaananie eby'omusambwa omukazi Ashera bye yataagho, n'ebisinzibwa ebitali Katonda bye yasinzanga ng'akaali kugonda kwenenia, byonabyona byaghandiikibwa mu Byafaayo eby'abalanzi.

2 Ebyomubyanda 34:25

Nga bwe banviireku ni baniokeza obubbaani eri emisambwa, ni bansungughaza n'ebyo byonabyona bye bakoze, obusungu bwange bwidha kutumbukira ku kifo kino ng'oti muliro, era tibulizikira.

Okuvaayo 34:13

Mu kifo eky'okukola nabo endagaano, mumenhemenhegho alutaari dhaibwe, n'ebituuti byaibwe eby'amabaale, era n'ebifaananie bya Ashera, omusambwa gwaibwe omukazi.

Omulangirizi 2:19

Ate nga waire ghazira aidhi, oba omuntu oyo aja kuba mugezi oba musiru, aye era oyo n'aja okwefuga ebyo bye nfaabiikaniire ku nsi nga nkozesa amagezi gange. Ekyo kyona muzira muganhulo.

Omulangirizi 9:18

Amagezi ga maani okusinga eby'okulwanisa eby'omu lutalo, aye omwonooni omulala ati asobola okuzikiriza ebirungi kamaala.

Yeremia 17:2

Abantu baimwe tibeerabiranga kusinziza Ashera omusambwa omukazi, ku alutaari dhaibwe, ni buli ghansi mu kinsense eky'omuti omuzibirivu, ni ku buli kasozi,

Yeremia 19:13

Endhu edh'omu Yerusalemu, n'edha bakyabazinga ab'omu Buyudaaya, ghalala n'edho dhoonadhoona abantu dhe baaniokezangaku obubbaani ghaigulu ku busolya bwadho nga babuniokereza emuunienie edh'oku igulu, era mwe baafukiranga ebigheebwayo eby'okunhwa eri bakatonda abandi, dhoonadhoona dhiriba nga ti nongoofu ng'oti n'ekifo ky'e Tofethi.”

Yeremia 7:30

“Abantu b'omu Buyudaaya, bakoze ekibi ye ndi, nze Musengwa Katonda. Batoire emisambwa egyenhinhalwa, baagita mu isinzizo lyange, baalyonoona.

Yeremia 8:2

Gaja kusansaanira buli ghantu, ghansi gh'endhuba, n'omwezi, n'emuunienie dhoonadhoona edh'oku igulu. Ebyo n'ebintu, abantu abo bye baagonzanga, ni babijiirangaku, ni babigheerezanga era ni babisinzanga. Era amagumba gaibwe ago tigaja kusolozebwa waire okuziikibwa, aye gaja kubanga ku itaka okwo ng'oti busa.

Zefania 1:5

Nja kuzikiriza abo abaaniina ghaigulu ku ndhu okusinza ebintu eby'oku igulu, n'abo boonaboona abansinza nze Musengwa Katonda, kabiri ni bamala balayira omusambwa Moleki.

Ebikolwa by'Abatume 7:42

Aye Katonda yaabavaaku yaabaleka okusinzanga emuunienie edh'omu igulu nga bwe kyaghandiikibwa mu kitabo ky'abalanzi kiti, ‘Imwe abantu ba Isiraeli, ensolo dhe mwaitanga n'emisengo gye mwagheerezanga emyaka amakumi ana (40) mu irungu, timwabikolera nze.

Amateeka Agokubiri 16:21

Bwe munaabanga nga mukolera Musengwa Katonda waimwe alutaari, mutasimbangagho mu mbali mwayo muti gwa kamanhiso ka musambwa omukazi, Ashera.

Amateeka Agokubiri 17:3

Yaaja yaakubira amakiryaivu ebintu Musengwa Katonda bye yalobera okusinza, bino: bakatonda, oba endhuba, oba omwezi, oba edhindi ku muunienie.

Amateeka Agokubiri 4:19

“Mulobenga kusendebwasendebwa kusinza na kugheereza ebyo bye mubona ku igulu: endhuba, omwezi, n'emuunienie. Ebyo Musengwa Katonda waimwe yabitaagho abantu abandi boonaboona abali ku nsi n'ababe babisinzenga.