2 Ebyomubyanda 33:18 - Baibuli Ekibono kya Katonda 2014

¹⁸ Ebindi byonabyona Manasse bye yakola, ni bye yasaba Katonda we, n'ebyo abalanzi bye baayogeranga naye mu liina lya Musengwa Katonda, Katonda wa Isiraeli, byaghandiikibwa mu Kitabo ky'Ebyomubyanda bya Bakyabazinga ba Isiraeli.

2 Ebyomubyanda 33:18 ပူးပေါင်းရင်းမြစ်များ

1 Bakyabazinga 11:41

Ebindi byonabyona ebyogerwa ku Solomoni, ni byonabyona bye yakola, era n'amagezi ge, byaghandiikibwa mu Kitabo ky'Ebikolwa bya Solomoni.

1 Bakyabazinga 14:19

Ebindi byonabyona Yeroboamu bye yakola, entalo dhe yalwana, n'ensambo ye yafugamu, byaghandiikibwa mu Kitabo ky'Ebyomubyanda bya Bakyabazinga ba Isiraeli.

1 Bakyabazinga 15:31

Ebindi byonabyona Nadabu bye yakola, byaghandiikibwa mu Kitabo ky'Ebyomubyanda bya Bakyabazinga ba Isiraeli.

2 Bakyabazinga 17:13

Ate nga Musengwa Katonda yalabulanga Isiraeli ni Buyudaaya ng'abita mu balanzi ni mu baboni, ng'akoba ati: “Mukyuke, muve mu mpisa dhaimwe embi mugeme ebiragiro byange ebiri mu Mateeka gange, ge nagha badhaadha baimwe nga mbita mu bagheereza bange abalanzi.”

2 Ebyomubyanda 20:34

Ebindi byonabyona Yehoshafati bye yakola, okuva lwe yatoolera okufuga okutuuka lwe yakoma, byaghandiikibwa mu kitabo kya Yehu mutabane wa Hanani, era byamala byaingizibwa mu kitabo eky'Ebyafaayo bya Bakyabazinga ba Isiraeli.

2 Ebyomubyanda 21:2

Yehoramu yali ni baganda be bano: Azaria, ni Yehieli, ni Zekaria, ni Azaria owundi, ni Mikaeli, ni Shefatia boonaboona abo nga batabane ba Yehoshafati kyabazinga wa Buyudaaya.

2 Ebyomubyanda 32:32

Ebindi byonabyona ebigema ku Hezekia, omuli n'ebirungi bye yakola, byaghandiikibwa mu Kubonekerwa kwa Isaia Omulanzi mutabane wa Amozi, ni mu Kitabo kya Bakyabazinga ba Buyudaaya ni Isiraeli.

2 Ebyomubyanda 33:10

Agho Musengwa Katonda yaayogera ni Manasse n'abantu be, aye baaloba kufaayo naire.

2 Ebyomubyanda 33:19

Ate ebigema ku ebyo Manasse bye yasaba Katonda, n'ebyo Katonda oyo bye yamwiramu olw'okusaba okwo, n'ebibi ghalala n'ebisobyo byonabyona bye yakola, n'ebifo ebigulumivu bye yazimba okusinzizangamu, n'ebifaananie eby'omusambwa omukazi Ashera bye yataagho, n'ebisinzibwa ebitali Katonda bye yasinzanga ng'akaali kugonda kwenenia, byonabyona byaghandiikibwa mu Byafaayo eby'abalanzi.

Isaia 29:10

Musengwa Katonda abaleeteire okuwongera ng'oti n'abaja okutenduka endoolo enhingi einho. Imwe abalanzi, amaze okubaziba amaiso. N'imwe ababoni ababonekerwa, emitwe gyaimwe amaze okugighembaku.

Isaia 30:10

Bakoba ababoni bati, ‘Mulekere agho okubonekerwa’ baakoba n'abalanzi bati, ‘Mutalanga bituufu bye mubonekeirwa. Aye mulange ebyo ebitunhoonha, ebitali bituufu naire era eby'obuguya.

Amosi 7:12

Agho Amazia yaakoba Amosi ati: “Iwe munaife omulanzi, lumukagho oje mu Buyudaaya. Ja okolere eyo obulanzi bwo era bakugheere eyo empeera yo olye.

Mika 3:7

Abo abalengera ebiri mu maiso n'abalaguzi boonaboona baja kuswazibwa olw'okulemwa okukoba ebituufu. Baja kwegema mu maiso nga baswaire olwa Katonda okubasiriikirira.

1 Samueli 9:9

(Eira mu Isiraeli, omuntu bwe yajanga okwebuuza ye Katonda, ng'akoba ati: “Kola tuje y'omuboni.” Mu biseera ebyo omulanzi baamwetanga muboni.)