2 Ebyomubyanda 33:11 - Baibuli Ekibono kya Katonda 2014

¹¹ Kale Musengwa Katonda oyo yaaleeta abaduumizi b'eigye lya kyabazinga ow'e Assiria baalumba Buyudaaya, baagema Manasse n'ebyuma ebiri ng'oti malobo era baamusiba ku ndhegere edh'ekyuma ky'ekikomo, baamutwala e Babilonia.

2 Ebyomubyanda 33:11 ပူးပေါင်းရင်းမြစ်များ

2 Bakyabazinga 20:18

N'abandi ku batabane bo beene, balibatwala baabalaawa, baafuuka bagheereza ba mu kisaagaati ekya kyabazinga w'e Babilonia.’ ”

2 Bakyabazinga 21:17

Ebindi byonabyona Manasse bye yakola n'ebibi bye yakola, byaghandiikibwa mu Kitabo ky'Ebyomubyanda bya Bakyabazinga ba Buyudaaya.

2 Bakyabazinga 23:33

Agho kyabazinga Neko ow'e Misiri yaasibira Yehoahazi e Ribula mu nsi y'e Hamathi, alobe kufuga mu Yerusalemu. Yaasalira Buyudaaya omusolo gwa kilo enkumi isatu na bina (3,400) edha feeza ni kilo amakumi asatu na ina (34) edha zaabu.

2 Bakyabazinga 25:6

Agho Abababilonia baamugema baamutwala ye kyabazinga Nebukadinezzari ow'e Babilonia ng'ali e Ribula, yaamusalira omusango gwamusinga.

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

2 Ebyomubyanda 21:16

Era Musengwa Katonda yaasiikuula obusungu bw'Abafilisiti n'obw'Abawarabu abaalinga nga baba kumpi n'Abaethiopia, yaabaleetamu omwoyo ogw'okulwanisa Yehoramu.

2 Ebyomubyanda 36:6

Kyabazinga Nebukadinezzari ow'e Babilonia yaidha yaamulwanisa, era yaamala yaamusiba ku ndhegere, yaamutwala e Babilonia.

Nehemia 9:32

Wo Katonda waife omukologho, oli w'amaani era wa ntiisa. Iwe okuuma endagaano era waagonza abantu obutakoma. Agho ni, ebizibu byonabyona ebyatwidhira, ife ni bakyabazinga baife, n'abakungu baife, ni bakabona baife, n'abalanzi baife, ni badhaadha baife, n'abantu bo boonaboona, okuviira irala ku byanda bya bakyabazinga ba Assiria, okutuusa ni ye buli eno, otabitwala ng'ekintu ekitono.

Nehemia 9:37

Bakyabazinga be wataagho okutufuganga, n'abatwala ebyo ebiva mu nsi eyo, olw'okuba twayonoona. Bali n'obuyinza okukola kye benda ku byayo byaife ni ku ife beene. Kale tuli mu bughafu obutoogerekeka.”

Yobu 12:18

Avaalulula bakyabazinga ebivaalo eby'ekitiisa yaabafuula abairu, yaabasiba ebikerebetu.

Isaia 10:8

Yeesuuta ati, ‘Kiisi muduumizi wa magye gange yeenayeena, aba kyabazinga mulamba.

Isaia 36:9

Oba nga timusobola naire kulwanisa muduumizi mulala ati ow'eidaala erisembayo mu baduumizi b'eigye lya musengwa wange, olwo musobola mutya okwesiga ensi Misiri olw'ebigaali byayo eby'omu lutalo n'olw'abavuzi baayo ab'embalaasi?

Okulira 3:7

Yanzimbaku ekimante okuneezunguluza nga tighanga kumunuuka kulumuka, era yansibaku endhegere enzito.

Amateeka Agokubiri 28:36

“Musengwa Katonda aidha kubatwalanga mu ighanga erindi imwe ni badhaadha baimwe lye mutabangamuuku. Aidha kubatwalanga ghalala ni kyabazinga ye munaabanga nga mutairegho okubafuga. Mu ighanga eryo ye mulisinziza bakatonda abaabaadhibwa mu miti ni mu mabaale.

1 Samueli 13:6

Abaisiraeli bwe baabona nga bali mu kabi, era ng'eigye lyaibwe balinhigiriiza, beegisa mu mpuku, mu biina, mu mabaale, mu magombe, ni mu nsulo edh'amaadhi.