2 Ebyomubyanda 32:33 - Baibuli Ekibono kya Katonda 2014

³³ Agho Hezekia yaafa, yeeyimba ku badhaadha be abaafa, era yaaziikibwa mu kitundu eky'eitale mu lwambiidhi lwe baazikangamu baidhukulu ba Daudi. Abantu ab'omu Buyudaaya n'ab'omu Yerusalemu baamulira mu kitiibwa inho. Mutabane we Manasse yaamusikira ku bwa kyabazinga.

2 Ebyomubyanda 32:33 ပူးပေါင်းရင်းမြစ်များ

1 Bakyabazinga 1:21

Bw'otaakole otyo, kiidha kuba nti iwe musengwa wange kyabazinga olulimala okufa ni weeyimba ku badhaadha bo, nze ni mutabane wange tuja kubalirwa mu bantu ababi.”

1 Bakyabazinga 11:43

Agho Solomoni oyo yaafa yeeyimba ku badhaadha be abaafa, yaaziikibwa mu kyetebwa Ekibuga kya Daudi lata we. Mutabane we Rehoboamu yaamusikira ku bwakyabazinga.

1 Bakyabazinga 2:10

Agho Daudi yaafa yeeyimba ku baadhaadha be abaafa, yaziikibwa mu kyetebwa Ekibuga kya Daudi.

2 Bakyabazinga 20:21

Agho Hezekia yaafa, yeeyimba ku badhaadha be abaafa. Mutabane we Manasse yaamusikira ku bwa kyabazinga.

2 Ebyomubyanda 16:14

Era yaaziikibwa mu magombe, mwene ge yeesimira mu lubaale, mu kyetebwa Ekibuga kya Daudi. Omulambo gwe baagulambaaza ku buliri obwidhwire obuwoowo obwa buli ngeri, obwatabulwa abakugu. Baakuma ekisiki eky'omuliro ekikologho, olw'okumulira.

2 Ebyomubyanda 32:32

Ebindi byonabyona ebigema ku Hezekia, omuli n'ebirungi bye yakola, byaghandiikibwa mu Kubonekerwa kwa Isaia Omulanzi mutabane wa Amozi, ni mu Kitabo kya Bakyabazinga ba Buyudaaya ni Isiraeli.

2 Ebyomubyanda 35:24

Kale abagheereza be baamutoola mu kigaali kye eky'omu lutalo kye yalimu, baamwiza mu kigaali kye ekindi eky'omu lutalo, olwo baamutwala e Yerusalemu. Yaafiira eyo era baamuziika mu lwambiidhi lwa badhaadha be. Abantu boonaboona ab'omu Buyudaaya n'ab'omu Yerusalemu baamulira.

Zabbuli 112:6

Omuntu atya Katonda ghazira kisobola kumutengeesa; aidha kwidhukirwanga ebyanda n'ebyanda.

Ensambo 10:7

Omuntu omutuufu aidhukirwa nga wa nkabi, aye eriina ery'omubi lyerabirirwa irala.

Okubala 20:29

Abaisiraeli boonaboona bwe bamanha nga Aaroni afiire, bamulirira enaku amakumi asatu.

Amateeka Agokubiri 34:8

Agho Abaisiraeli baalira Musa okumala enaku amakumi asatu, nga bali mu kiketezo eky'oku museetwe e Moabu, okutuusa ekiseera eky'okumulira bwe kyawaaku.

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.

1 Samueli 25:1

Agho Samueli yaafa. Abaisiraeli boonaboona beesoloza okumulira, baamuziika mu maka ge e Rama. Ebyo olwawa, Daudi yaasitula, yaaja mu irungu ery'e Parani.