2 Ebyomubyanda 32:29 - Baibuli Ekibono kya Katonda 2014

²⁹ Era yaazimba ebibuga kamaala, yaafuna entaama n'embuzi n'ente kamaala, kuba Katonda yamugha ebintu kamaala inho.

2 Ebyomubyanda 32:29 ပူးပေါင်းရင်းမြစ်များ

1 Ebyomubyanda 29:12

Niiwe ogaba obukombe n'ekitiibwa. Niiwe ow'amaani n'obuyinza, afuga ebintu byonabyona, era aleetera abantu okuba abakologho, era ab'amaani.

1 Ebyomubyanda 29:28

Yaafa ng'aghangaire inho, nga mukaire mwenemwene, nga mukombe, era nga wa kitiibwa. Mutabane we Solomoni yaamusikira ku bwakyabazinga.

2 Ebyomubyanda 17:5

Kale Musengwa Katonda yaaleetera obwakyabazinga bwa Yehoshafati okukakata, era abantu b'omu Buyudaaya boonaboona baaleeteranga Yehoshafati oyo omusolo, yaakombaghala era yaaba wa kitiibwa inho.

2 Ebyomubyanda 25:9

Amazia yaakoba omuntu wa Katonda ati: “Ate nnaakola ntya talanta ekikumi, dhe mmaze okusasula eigye lya Isiraeli?” Omuntu wa Katonda yairamu ati: “Musengwa Katonda asobola okukugha n'ebisinga agho.”

2 Ebyomubyanda 26:10

Era yaazimba ebituuti ebirengererwaku mu irungu, yaasima n'ensulo kamaala, kuba yali n'ebyayo kamaala mu biketezo eby'omu biiko n'eby'oku museetwe. Era yali n'abalimi abaalabiriranga emizabbibu mu nsozi, ni mu itaka eigimu, kuba yayendanga inho okulima.

2 Ebyomubyanda 32:28

Yaaba n'amaterekero ag'engaano, n'omwenge ogw'emizabbibu, n'omuzigo ogw'ebibala eby'emiti emyoliva, n'ebigo by'ensolo edh'okwaya edha buli nsambo, n'ebisibo by'entaama.

Yobu 1:3

Yali n'entaama kasanvu (7,000), engamiya enkumi isatu (3,000), ente edhirima lukumi (1,000), endogoyi enkazi ebikumi bitaanu (500), era n'abairu kamaala inho. Omusaadha oyo n'eyali asinga okuba omukombe mu bantu ab'e buvandhuba boonaboona.

Yobu 1:9

Agho Sitaani yairamu Musengwa Katonda ati: “Olowooza Yobu akutiira bwereere?

Yobu 42:12

Musengwa Katonda yaagha Yobu enkabi mu kiseera eky'obulamu bwe eky'oluvainhuma, okusingaku ni mu kyasooka. Yobu yaaba n'entaama omutwalo mulala n'enkumi ina, n'engamiya kakaaga, n'ente edhirima lukumi, n'endogoyi enkazi lukumi.

Ensambo 10:22

Enkabi dha Musengwa Katonda n'edhireeta obukombe, okukola einho ghazira kye kwongera ku bukombe bwo.

Amateeka Agokubiri 8:18

Aye Mwidhukirenga muti Musengwa Katonda waimwe, n'abagha amagezi okukombaghala, ng'atuukiriza endagaano ye yakola ni badhaadha baimwe ni ye buli eno.

1 Samueli 2:7

Musengwa Katonda ayavughaza omuntu era yaamukombaghaza; aisa omuntu ghansi era yaamugulumiza.