2 Ebyomubyanda 32:27 - Baibuli Ekibono kya Katonda 2014

²⁷ Hezekia yafuuka mukombe inho era yaaba wa kitiibwa ekitaloodheka. Yaazimba amaterekero ag'okutangamu, feeza, ni zaabu, n'amabaale ag'omughendo, n'obuwoowo, n'engabo, n'ebintu ebindi eby'omughendo.

2 Ebyomubyanda 32:27 ပူးပေါင်းရင်းမြစ်များ

2 Bakyabazinga 20:13

Hezekia yaabasangaalira, yaabalaga eby'obukombe bwe byonabyona ebyali mu iterekero: feeza, zaabu, obuwoowo, omuzigo ogw'omughendo einho, eby'okulwanisa, ni byonabyona ebyali mu materekero ge. Ghazira kintu waire ekirala kiti ekyali mu kisaagaati kye eky'obwakyabazinga oba mu bwakyabazinga bwe bwonabwona, ky'ataabalaga.

1 Ebyomubyanda 29:28

Yaafa ng'aghangaire inho, nga mukaire mwenemwene, nga mukombe, era nga wa kitiibwa. Mutabane we Solomoni yaamusikira ku bwakyabazinga.

2 Ebyomubyanda 1:12

kale amagezi n'okumanha by'osabye mbikughaire. Era ndidha kukugha obukombe, n'ebintu, n'ekitiibwa, nga tighabangaghooku kyabazinga owundi yeenayeena ku baakusooka eyaali abifunieku, waire okubaagho kyabazinga owundi yeenayeena alikwiririra alibifuna.”

2 Ebyomubyanda 17:5

Kale Musengwa Katonda yaaleetera obwakyabazinga bwa Yehoshafati okukakata, era abantu b'omu Buyudaaya boonaboona baaleeteranga Yehoshafati oyo omusolo, yaakombaghala era yaaba wa kitiibwa inho.

2 Ebyomubyanda 32:26

Aye Hezekia yaamala yaagonda ghalala n'abantu ab'omu Yerusalemu, era baalekera agho okwekuluntaza. Kale Musengwa Katonda yaaloba kubamaliraku busungu bwe mu biseera bya Hezekia oyo.

2 Ebyomubyanda 32:28

Yaaba n'amaterekero ag'engaano, n'omwenge ogw'emizabbibu, n'omuzigo ogw'ebibala eby'emiti emyoliva, n'ebigo by'ensolo edh'okwaya edha buli nsambo, n'ebisibo by'entaama.

2 Ebyomubyanda 9:27

Mu biseera bye, feeza yayala mu Yerusalemu, yaaba mungi ng'oti bwa mabaale. N'emivule gyaba mingi ng'oti miti emisikamore egy'omu biketezo bya Buyudaaya eby'omu biiko.

Ensambo 10:22

Enkabi dha Musengwa Katonda n'edhireeta obukombe, okukola einho ghazira kye kwongera ku bukombe bwo.

Ezekieli 26:12

Balyagaaza eby'obukombe byo n'eby'obusuubuzi byo ye biriba yoonayoona, baabinhagulula. Baamenhagho ebimante byo ebikwezungulwire, era baasaaniagho n'endhu dho enungi. Baatoola amabaale go, n'embaawo dho, n'ebintu byo ebindi bye boonoine, baabisuula mu nhandha.

1 Samueli 2:7

Musengwa Katonda ayavughaza omuntu era yaamukombaghaza; aisa omuntu ghansi era yaamugulumiza.