2 Ebyomubyanda 32:22 - Baibuli Ekibono kya Katonda 2014

²² Kale atyo Musengwa Katonda yaawonia Hezekia n'abantu ab'omu Yerusalemu, yaabatoola mu buyinza bwa kyabazinga Sennakeribu ow'e Assiria n'obw'abazigu baibwe abandi boonaboona. Yaabaleetera okuba mu miraala ku ndhuyi dhaibwe dhoonadhoona.

2 Ebyomubyanda 32:22 ပူးပေါင်းရင်းမြစ်များ

2 Bakyabazinga 19:30

Abo abaliwonagho mu Buyudaaya, balisibuka ng'ebimera ebisimba emizi gyabyo ghansi mu itaka, ni bitaaku ebibala ghaigulu.

2 Ebyomubyanda 32:21

Musengwa Katonda yaatuma malaika, yaita okumaliragho irala abaisirukale boonaboona ab'amaani abaziramu ntete, n'abaduumizi, n'abakulu b'eigye, abaali mu kifo kyabazinga w'e Assiria mwe yasimba weema dhe. Agho kyabazinga w'e Assiria yairayo mu nsi ye nga yeenayeena ensoni dhimugemye. Lwali lulala ng'ali mu isabo lya katonda ye yasinzanga, abandi ku batabane be baamufumita empiima yaafa.

Zabbuli 144:10

iwe ogha bakyabazinga obughanguzi, n'owonia omugheereza wo Daudi.

Zabbuli 48:14

muti: “Katonda ono, ni Katonda waife ebyanda n'ebyanda. Ono n'aidha okutukulemberangamu ebyanda n'ebyanda.”

Zabbuli 73:24

Ntambula nga njiira ku kugalaga kwo era ku nkomerero oliinanhiriza mu kitiisa.

Isaia 33:22

Musengwa Katonda mwene n'aliba omulamuzi waife, yaaba kyabazinga waife atufuga, era yaaba omulokozi waife.

Isaia 58:11

Nze Musengwa Katonda mwene ndibakulemberangamu buli kaakyeire, naabagha ebirungi ebibamala obukalamu era naabaleetera okuba abagumu era ab'amaani. Mulibanga ng'oti n'enimiro ye bafukirira amaadhi, era ng'oti n'ensulo y'amaadhi etakala.

Hosea 1:7

Aye ndisaasira ab'omu Buyudaaya naabawonia abazigu baibwe, nze Musengwa Katonda waibwe, nga tikozeisa lutalo: tirikozesa bulaso, oba empiima, oba embalaasi, oba abalwanira ku mbalaasi.”

Yoanne 16:13

Aye oyo bw'aliidha, Mwoyo ow'amazima, alibatuusa ku mazima goonagoona. Talyogera bibye ku bubwe aye by'awulira by'alyogera, era alibakobera eby'okubaagho.

2 Ab'e Thessalonika 3:5

Musengwa abatuuse ku kugonza kwa Katonda ni ku kuguminkiriza kwa Kurisito.

1 Samueli 14:23

Olutalo lwaja, lwatuuka e Bethaveni n'okubisaagho. Atyo Musengwa Katonda yaawonia Isiraeli ku lunaku olwo.