2 Ebyomubyanda 32:21 - Baibuli Ekibono kya Katonda 2014

²¹ Musengwa Katonda yaatuma malaika, yaita okumaliragho irala abaisirukale boonaboona ab'amaani abaziramu ntete, n'abaduumizi, n'abakulu b'eigye, abaali mu kifo kyabazinga w'e Assiria mwe yasimba weema dhe. Agho kyabazinga w'e Assiria yairayo mu nsi ye nga yeenayeena ensoni dhimugemye. Lwali lulala ng'ali mu isabo lya katonda ye yasinzanga, abandi ku batabane be baamufumita empiima yaafa.

2 Ebyomubyanda 32:21 ပူးပေါင်းရင်းမြစ်များ

2 Samueli 24:16

Malaika bwe yagolola omukono gwe okuzikiriza Yerusalemu, Musengwa Katonda yaakyusa ekirowoozo kye eky'okukola Abaisiraeli akabi. Kale Musengwa Katonda yaamukoba ati: “Ekyo kinaamala. Lekera agho!” Agho malaika yali atuuse mu kifo aghakubirwa engaano ekya Arauna Omuyebusi.

2 Bakyabazinga 19:20

Agho Isaia mutabane wa Amozi yaagheereza Hezekia obukwenda obukoba buti Musengwa Katonda wa Isiraeli akoba ati awuliire okusaba kwo ku bigema ku Sennakeribu kyabazinga w'e Assiria.

2 Ebyomubyanda 32:20

Agho kyabazinga Hezekia ni Isaia omulanzi mutabane wa Amozi, baalirira Katonda nga bamusaba okubabeera.

2 Ebyomubyanda 32:22

Kale atyo Musengwa Katonda yaawonia Hezekia n'abantu ab'omu Yerusalemu, yaabatoola mu buyinza bwa kyabazinga Sennakeribu ow'e Assiria n'obw'abazigu baibwe abandi boonaboona. Yaabaleetera okuba mu miraala ku ndhuyi dhaibwe dhoonadhoona.

Yobu 9:4

Katonda mugezi era wa maani. Naani aghanga okumwetantala? Ghazira aghanga kwetantala Katonda.

Zabbuli 132:18

Abazigu be nja kubaswaza, aye obwakyabazinga bwe buja kusigala nga bukaaligho.”

Zabbuli 18:50

Katonda agha kyabazinga y'agonza obughanguzi, oyo ye yalonda amwoleka nga bw'amugonza einho, era oyo nga ni Daudi ni baidhukulu be ebyanda n'ebyanda.

Zabbuli 44:15

Nnhoomebwa olunaku lwonalwona, era tikaayala mu bantu,

Zabbuli 76:12

Abafuzi abamalamu emyoyo, era bakyabazinga abali ku nsi abatiikiza irala baatenha.

Zabbuli 76:5

Abalwani baibwe abaziramu ntete baabasuuza byonabyona bye baali nabyo. Era buti bali mu ndoolo dhire dheene edh'okufa. Amaani gaibwe n'obumanhi bwaibwe mu by'okulwana entalo tibyabagasa.

Zabbuli 76:6

Bwe wabakaabukira iwe Katonda wa Yakobo, embalaasi dhaagwa, n'abavuzi baadho baagwa ghansi, baafa.

Zabbuli 76:7

Wo Musengwa Katonda, ghazira atakutya, ghazira akana n'asigala agho mu maiso go, bw'oba ng'osungughaire.

Ensambo 11:2

Bwe weekuluntaza toloba kuswala, aye abawombeefu n'ababa n'amagezi.

Ensambo 16:18

Okwekuluntaza kuleeta okuzikirira, n'okwegulumiza kwavaamu okugwa.

Isaia 10:8

Yeesuuta ati, ‘Kiisi muduumizi wa magye gange yeenayeena, aba kyabazinga mulamba.

Isaia 14:25

Ndizikiriza Abassiria mu nsi yange, naabatyankirira n'ebigere ku nsozi dhange. Nditoola ku bantu bange ekikoligo eky'Abassiria abo, naabatwikula ebizito bye baabatwikanga.

Isaia 36:9

Oba nga timusobola naire kulwanisa muduumizi mulala ati ow'eidaala erisembayo mu baduumizi b'eigye lya musengwa wange, olwo musobola mutya okwesiga ensi Misiri olw'ebigaali byayo eby'omu lutalo n'olw'abavuzi baayo ab'embalaasi?

Isaia 37:21

Agho Isaia mutabane wa Amozi yaagheereza Hezekia obukwenda obukoba buti: “Musengwa Katonda wa Isiraeli akoba ati awuliire okusaba kwo ku bigema ku Sennakeribu kyabazinga w'e Assiria.

Isaia 42:8

Nze ninze Musengwa Katonda, eryo n'eriina lyange. Ekitiisa kyange tikigabiraku muntu wundi, waire okusaakibwa kwange okukughaaku ebifaananie ebibaadhe.

Yeremia 21:2

“Nkweghembye twogerereyo eri Musengwa Katonda, kuba kyabazinga Nebukadinezzari ow'e Babilonia atulumbye n'eigye lye okutulwanisa. Oba katyo Musengwa Katonda anaatukolera ekyewuunhisa, yaamwiririzaayo.”

Danieli 3:28

Agho Nebukadinezzari yaakoba ati: “Katonda wa Shaduraka, ni Meshaki, ni Abedinego asaakibwe. Oyo n'atumye malaika we yaawonia abagheereza be bano abaamwesize, ni badheemera ekiragiro kyange nze kyabazinga. Bataire obulamu bwaibwe mu kabi, mu kifo ky'okugheereza n'okusinza katonda yeenayeena okutoolaku Katonda owaibwe.

Danieli 6:22

Katonda wange yatumye malaika we, yaaziba eminwa egy'empologoma dhaaloba kunkolaku kabi koonakoona, kuba mu maiso ga Katonda oyo nze nziraku musango gwonagwona. Era ni mu maiso go, iwe Isebantu kyabazinga, ghazira kibi kye nakola.”

Ebikolwa by'Abatume 12:23

Mangu ago malaika wa Musengwa yaakuba Herode, kuba Herode tiyagha Katonda kitiisa. Enhengere dhaamulya yaafa.