2 Ebyomubyanda 31:3 - Baibuli Ekibono kya Katonda 2014

³ Kyabazinga yaatoola ku bintu ebibye ku bubwe, yaaghaayo ebigheebwayo ebyokebwa, ebya buli nkyo n'ebya buli igulo, n'eby'oku Sabbato, n'eby'oku mbaga ey'Ekibinuko eky'Okuboneka kw'Omwezi, n'eby'oku mbaga edh'ebibinuko ebindi ebyalagirwa, nga bwe kyaghandiikibwa mu Mateeka ga Musengwa Katonda.

2 Ebyomubyanda 31:3 ပူးပေါင်းရင်းမြစ်များ

1 Ebyomubyanda 26:26

Shelomothi oyo ni baganda be, n'abaakuliranga amaterekero omwateebwanga ebintu byonabyona ebigheereibwayo okuba ebya Katonda nga bigheebwayo bano: kyabazinga, n'abaakuliranga enda dha baiseibwe, n'abaakuliranga ebikunsu by'abaisirukale olukumi olukumi n'ekikumi ekikumi, era n'abaduumizi mu magye.

2 Ebyomubyanda 30:24

Kyabazinga Hezekia owa Buyudaaya yaagha abantu abo boonaboona ente enume lukumi (1,000) n'entaama kasanvu (7,000), edh'okughaayo ng'ebigheebwayo. N'abakungu ba kyabazinga boona baagha abantu abo ente enume lukumi (1,000) n'entaama omutwalo mulala (10,000). Era bakabona bangi inho beetukuza.

2 Ebyomubyanda 35:7

Agho Yosia yaatoola mu byayo ebibye entaama ento n'embuzi ento emitwalo esatu (30,000), n'ente enume enkumi isatu (3,000), yaadhigha abantu boonaboona abatali Balevi, dhibe ebigheebwayo eby'Ekibinuko eky'Okubitizibwa.

Ezekieli 45:17

Era kyabazinga oyo n'aidha okutangagho ebigheebwayo ebyokebwa byonabyona okuwaagho, n'ebigheebwayo eby'emere ey'empeke, n'ebigheebwayo eby'okunhwa, ku mikolo gino: ku mbaga edh'Ebibinuko eby'Okuboneka kw'Omwezi, ni ku Sabbato, ni ku mbaga edh'ebibinuko ebindi ebyalagirwa mu ighanga Isiraeli. Era aidha kutangagho ebigheebwayo olw'ebibi, n'ebigheebwayo eby'emere ey'empeke, n'ebigheebwayo ebyokebwa, n'ebigheebwayo olw'okutabagana, olw'okusabira abantu b'eighanga Isiraeli basoniyibwe ebibi byaibwe.”

Okubala 28:1

Musengwa Katonda yaakoba Musa ati:

Okubala 29:29

“Ku lunaku olwomukaaga mwidha kughangayo ekigheebwayo ekyokebwa ekiri n'akawoowo akansangaaza nze Musengwa Katonda, nga kirimu bino: ente enume munaana, entaama enume enkulu ibiri, n'entaama ento enume ikumi na ina edh'omwaka omulala omulala, nga dhiziraku kikyamu kyonakyona.