2 Ebyomubyanda 31:21 - Baibuli Ekibono kya Katonda 2014

²¹ Ebintu byamujiiranga bukalamu, kuba buli mulimo ogw'okusinza Katonda we mu isinzizo yagukolanga na mwoyo mulala, ng'ajiira ku mateeka n'ebiragiro.

2 Ebyomubyanda 31:21 ပူးပေါင်းရင်းမြစ်များ

1 Bakyabazinga 2:4

Era olwo Musengwa Katonda atuukirizenga kye yansuubiza, bwe yankoba ati ku baidhukulu bange n'okunaabanga anaafuganga Isiraeli, kasita baidhukulu bange abo baneegenderezanga okugema bye yalagira n'omutima gwaibwe gwonagwona, era n'omwoyo gwaibwe gwonagwona.

2 Bakyabazinga 18:7

Musengwa Katonda yaabanga ghalala naye, era ebintu byonabyona bye yakolanga byamujiira bukalamu. Yaadheemera kyabazinga w'e Assiria, yaaloba kumugheereza.

1 Ebyomubyanda 22:13

Bw'onaagonderanga Amateeka n'ebiragiro Musengwa Katonda bye yagha Isiraeli ng'abita mu Musa, ebintu byonabyona biidha kukujiiranga bukalamu. Guma omwoyo, otatya, era otawaamu maani.

1 Ebyomubyanda 22:19

Kale ni, mperaano mugheerezenga Musengwa Katonda waimwe n'omutima gwaimwe era n'omwoyo gwaimwe gwonagwona. Musitukiremu, mutoolere okuzimba eisinzizo, musobole okutaamu Esanduuku y'Endagaano ya Musengwa Katonda, n'ebintu ebindi byonabyona ebitukuvu eby'okukozesa, bibenga mu isinzizo lyemuja okuzimba okumugheesa ekitiisa.”

2 Ebyomubyanda 14:6

Yaazimba mu Buyudaaya ebibuga ebyezungulwirwa ebimante ebigumu, kuba ensi yali mu miraala. Mu myaka egyo, Asa tiyali na ntalo, kuba Musengwa Katonda yamugha okuba emiraala.

2 Ebyomubyanda 14:7

Yaakoba abantu b'omu Buyudaaya ati: “Ka tuzimbe ebibuga bino, tubyezunguluzeeku n'ebimante ebigumu, tubizimbeku n'ebituuti ebirengererwaku, era tubiteeku n'endhigi edhiriku ebisiba munda. Ensi eno ekaali yaife, kuba twakola Musengwa Katonda waife by'ayenda. Twakola by'ayenda kyeyava n'atugha emiraala ku ndhuyi dhaife dhoonadhoona.” Kale baazimba, era ebintu byabajiiranga bukalamu.

2 Ebyomubyanda 20:26

Ku lunaku olwokuna beesololeza mu kiiko kya Beraka, baasaaka Musengwa Katonda. Era okuva ku olwo ekifo ekyo kyayetebwanga ekiiko kya Beraka.

2 Ebyomubyanda 26:5

Yeeghaayo yaagheerezanga Katonda, ebiseera byonabyona Zekaria eyamwegeresa okutyanga Katonda oyo bye yamala ng'akaali mulamu. Era Musengwa Katonda yaaleetera Uzzia ebintu okumujiiranga obukalamu, ekiseera kyonakyona Uzzia oyo kye yamala ng'amugheereza.

Zabbuli 119:2

Ba nkabi abo abakola kiisi Musengwa Katonda ky'abakoba, ni bajiira ku by'abagalagira n'omwoyo gwonagwona

Ensambo 3:10

Memale olwo ebyagi byo biidhule emere, n'ebikunhiro byo eby'omwenge ogw'emizabbibu biidhule omwenge.

Ensambo 3:9

Oghanga Musengwa Katonda ekitiisa ng'omugha ebisinga bulungi ku by'ofuna byonabyona, era ng'omugha ku byonabyona ebisooka okukungulwa eby'omu misiri gyo.

Omulangirizi 9:10

Buli mulimo gw'okola gukolenga na maani, kuba eyo e magombe y'olija ezira kukola oba okubaayo okulowooza, era ezira kumanha waire okubaayo amagezi.

Yeremia 29:13

Muliinoonia nze ghe ndi mwambona, kuba muliinoonia n'omwoyo gwaimwe gwonagwona.

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Amateeka Agokubiri 10:12

Musa yaayongera okukoba Abaisiraeli ati: “Mpegaano ni, imwe Abaisiraeli, Musengwa Katonda waimwe ky'ayenda mukole ni kino: Mumutyenga era mujiirenga ku ebyo byonabyona by'abalagira. Mumugonzenga era mumusinzenga n'omutima gwaimwe gwonagwona, n'omwoyo gwaimwe gwonagwona,

Amateeka Agokubiri 29:9

Kale ni mukuumenga n'obwegendereza ebibono ebiri mu ndagaano eno era mubituukirizenga. Olwo musobole okubanga n'enkabi mu byonabyona bye mukola.

Amateeka Agokubiri 6:5

Mugonzenga Musengwa Katonda, oyo Katonda waimwe, n'omutima gwaimwe gwonagwona, n'amaani gaimwe goonagoona.