2 Ebyomubyanda 31:2 - Baibuli Ekibono kya Katonda 2014

² Agho kyabazinga Hezekia yaataagho bakabona n'Abalevi mu bikunsu bikunsu, nga bagheereza mu ngobo ng'omulimo gwa buli muntu bwe gwali okughangayo ebigheebwayo ebyokebwa n'ebigheebwayo olw'okutabagana, okwo nga kw'otaire okugheerezanga Musengwa Katonda, n'okumwebazanga, n'okumusaakanga mu isinzizo.

2 Ebyomubyanda 31:2 ပူးပေါင်းရင်းမြစ်များ

1 Ebyomubyanda 16:37

Kale kyabazinga Daudi yaataagho Asafu ni Balevi baine, bakulirenga eby'okusinza, nga bwe kyali kyetaagisa buli lunaku, agho mu maiso ag'Esanduuku y'Endagaano ya Musengwa Katonda.

1 Ebyomubyanda 24:1

Ab'oku lulyo lwa Aaroni baabagabamu bati: Aaroni yazaala Nadabu, Abihu, Eleazari, ni Ithamari.

1 Ebyomubyanda 24:24

Shamiri eyasimuka mu Mika, ate nga Mika oyo yasimuka mu Uzzieli,

1 Ebyomubyanda 25:25

Akeikumi n'omunaana kaagwa ku Hanani, ni batabane be, era ni baganda be, boonaboona aghalala baaba abantu ikumi na babiri.

1 Ebyomubyanda 26:26

Shelomothi oyo ni baganda be, n'abaakuliranga amaterekero omwateebwanga ebintu byonabyona ebigheereibwayo okuba ebya Katonda nga bigheebwayo bano: kyabazinga, n'abaakuliranga enda dha baiseibwe, n'abaakuliranga ebikunsu by'abaisirukale olukumi olukumi n'ekikumi ekikumi, era n'abaduumizi mu magye.

2 Ebyomubyanda 23:8

Abalevi n'abantu ab'omu Buyudaaya boonaboona, baakola byonabyona Yehoiada kabona bye yalagira. Buli muduumizi yaaleeta abasaadha be abaali baja okukuuma ku Sabbato, ghalala n'abo abaali bamaze okukuuma kuba Yehoiada oyo kabona tiyaleka bikunsu kuja eby'abo abamaze engobo dhaibwe ku Sabbato.

2 Ebyomubyanda 24:14

Bwe baamala omulimo ogwo, empiiya edhaasigalagho baadhigemya kyabazinga ni Yehoiada. Ate abo baadhigulamu ebintu eby'omu isinzizo, ebikozesebwa mu kusinza ni mu kughaayo ebigheebwayo ebyokebwa: ebintu ebiniokezebwaku obubbaani, n'ebintu ebindi ebya zaabu ni feeza. Ekiseera kyonakyona Yehoiada kye yamala ng'akaali mulamu, abantu baaghangayo mu isinzizo ebigheebwayo ebyokebwa, aghazira kwosaamu.

2 Ebyomubyanda 31:17

Bakabona baaghandiikibwanga mu nkalala dh'obuzaale nga bajiira ku nda dha baiseibwe. Ate Abalevi baaghandiikibwanga okuva ku b'emyaka amakumi abiri egy'obukulu n'okusingagho, nga bajiira ku mirimo gye baakolanga mu bikunsu byaibwe.

2 Ebyomubyanda 35:2

Kyabazinga yaataagho bakabona okukolanga emirimo mu isinzizo, era yaabakubirizanga okugikolanga obukalamu.

2 Ebyomubyanda 5:11

Bakabona boonaboona abaaligho, baali bamaze okwetukuza. Kale boonaboona baaseeta aghazira kufaayo ku bikunsu byaibwe bye baabangamu.

2 Ebyomubyanda 8:14

Solomoni oyo yaakola nga lata we Daudi bwe yalagira, yaataagho engobo bakabona dhe baakolerangamu omulimo gwaibwe. Yaataagho n'engobo Abalevi dhe baakolerangamu omulimo gwaibwe ogw'okwemba enhembo edhisaaka, n'okugheereza nga bayambaku bakabona, nga bwe kyetaagisanga buli lunaku. Yaataagho n'abakuumi b'emiryango mu ngobo, ku buli mulyango kuba atyo Daudi omuntu wa Katonda bwe yalagira.

Ezera 6:18

Agho baataagho bakabona mu bikunsu byaibwe, n'Abalevi mu ngobo dhaibwe, baagheerezanga Katonda mu isinzizo e Yerusalemu, nga bwe kyaghandiikibwa mu kitabo kya Musa.

Nehemia 11:17

Waataaku ni Mattania mutabane wa Mika, Mika yaaba mutabane wa Zabadi, ate Zabadi yaaba mutabane wa Asafu, eyakulemberanga okusaba okw'okwebaza mu isinzizo. Waataaku ni Bakabukia, eyaiririranga Mattania, ni Abada mutabane wa Shammua, Shammua mutabane wa Galali, ate Galali yaaba mutabane wa Yeduthuni.

Zabbuli 134:1

Mwidhe tusaake Musengwa Katonda, imwe mwenamwena abagheereza ba Musengwa Katonda ababa mu ndhu ye obwire nga mugheereza. Musaake Musengwa Katonda.

Yeremia 33:11

emizira egy'abali mu binhumo ni mu kusagamba, n'egy'abo abali mu mbaga edh'obugole. Era oliwulira abantu abemba nga bali kuleeta ebigheebwayo olw'okwebaza mu isinzizo lyange, nga bakoba bati, ‘Mwebaze Musengwa Katonda Afuga Amagye, kuba Musengwa Katonda oyo mulungi. Okugonza kwe tikukoma, kubaagho byanda na byanda.’ Ndiizaagho ebirungi mu nsi eno, ebe nga bwe yalinga okusooka. Nze Musengwa Katonda, ninze nkobye.”

Luka 1:5

Mu biseera bya Herode, kyabazinga wa Buyudaaya, ghaaligho kabona nga bamweta Zekaria, nga wa mu kikunsu kya Abiya. Ni mukazi we nga bamweta Elisabethi, nga mwidhukulu wa Aaroni.

Luka 1:8

Lwali lulala, Zekaria bwe yali ng'ali ku mulimo gwe ogw'obwakabona mu maiso ga Katonda, mu lugobo olw'ekikunsu kye,