2 Ebyomubyanda 31:19 - Baibuli Ekibono kya Katonda 2014

¹⁹ Ebigema ku bakabona baidhukulu b'Aaroni abaabanga mu nimiro edh'omu byalo eby'oku bibuga byaibwe, ghaaligho abantu abaateebwagho mu butongole okughanga omugabo kiisi musaadha abalirwa mu bakabona, na kiisi Mulevi eyaghandiikibwa.

2 Ebyomubyanda 31:19 ပူးပေါင်းရင်းမြစ်များ

1 Ebyomubyanda 6:54

Bino n'ebiketezo bye baagha baidhukulu ba Aaroni ng'akalulu kamaze okukubwa: Ab'oku nda ya Kohathi be baasooka okugha agh'okuba mu kiketezo ekyagheebwa Abalevi.

1 Ebyomubyanda 6:60

Mu kiketezo ekyagheebwa Ababenjamini, Abalevi abo baafunayo ebibuga bino: Geba, ghalala n'ebyayiro byakyo; Alemethi, ghalala n'ebyayiro byakyo ni Anathothi, ghalala n'ebyayiro byakyo. Ebibuga byonabyona aghalala bye baabagha, byali ikumi na bisatu.

2 Ebyomubyanda 28:15

Agho abasaadha bale ab'omu kika kya Efuraimu aboogeirwaku baasituka, baatwala abasibe abaali amadu, baabagha engoye nga batoola ku munhago baabavaaza era baabagha n'engaito. Baabafunira eby'okulya n'eby'okunhwa, era baabasiiga omuzigo ogw'ebibala eby'emiti emyoliva. Abo abaali nga baziramu maani baabatwalira ku ndogoyi, baabatuusa mu boluganda lwaibwe e Yeriko, ekibuga eky'emiti eminaazi. Agho Abaisiraeli bairayo e Samaria.

2 Ebyomubyanda 31:18

Bakabona baaghandiikibwanga ghalala ni bakazi baibwe, n'abaana baibwe abalenzi n'abaghala, n'ab'omu maka gaibwe boonaboona kuba kyabeetaagisanga okwekuuma nga batukuvu okukola omulimo gwaibwe ekiseera kyonakyona.

Abalevi 25:32

Aye Abalevi banaabanga ba idembe okununula endhu dhaibwe edhaazimbibwa mu bibuga byaibwe ebyabagheebwa, ekiseera kyonakyona kye banaayenderangaku.

Abalevi 25:34

Aye eitaka lye baayiraku eryezungulwire ebibuga byaibwe, tiriitundibwenga, kuba liba lyaibwe enaku dhoonadhoona.