2 Ebyomubyanda 31:17 - Baibuli Ekibono kya Katonda 2014

¹⁷ Bakabona baaghandiikibwanga mu nkalala dh'obuzaale nga bajiira ku nda dha baiseibwe. Ate Abalevi baaghandiikibwanga okuva ku b'emyaka amakumi abiri egy'obukulu n'okusingagho, nga bajiira ku mirimo gye baakolanga mu bikunsu byaibwe.

2 Ebyomubyanda 31:17 ပူးပေါင်းရင်းမြစ်များ

1 Ebyomubyanda 23:24

Abo n'ab'omu kika kya Levi ng'enda dhaibwe bwe dhaali, era nga n'abaali abakulu b'enda edho. Enda edho n'edhaavaamu abasaadha abaaba nga bagheziiza emyaka amakumi abiri n'okusingagho, abaabalibwa ni baghandiikibwa, nga n'ab'okukolanga omulimo ogw'okugheereza mu isinzizo lya Musengwa Katonda.

1 Ebyomubyanda 23:27

Olw'ebyo Daudi bye yasembyayo okusikirira abantu, Abalevi abaaba nga bagheziiza emyaka amakumi abiri n'okusingagho bonka, n'abaaghandiikibwanga okukolanga

1 Ebyomubyanda 24:20

Bano n'abakulu b'enda abandi abaasimuka mu Levi: Yehedeia eyasimuka mu Shubaeli, ate nga Shubaeli oyo yasimuka mu Amuramu.

2 Ebyomubyanda 31:18

Bakabona baaghandiikibwanga ghalala ni bakazi baibwe, n'abaana baibwe abalenzi n'abaghala, n'ab'omu maka gaibwe boonaboona kuba kyabeetaagisanga okwekuuma nga batukuvu okukola omulimo gwaibwe ekiseera kyonakyona.

2 Ebyomubyanda 31:2

Agho kyabazinga Hezekia yaataagho bakabona n'Abalevi mu bikunsu bikunsu, nga bagheereza mu ngobo ng'omulimo gwa buli muntu bwe gwali okughangayo ebigheebwayo ebyokebwa n'ebigheebwayo olw'okutabagana, okwo nga kw'otaire okugheerezanga Musengwa Katonda, n'okumwebazanga, n'okumusaakanga mu isinzizo.

Ezera 2:59

Mu baira okuva mu bunhage mwalimu abaava e Telimela, n'e Teliharisha, n'e Kerubu, n'e Addani, n'e Immeri. Aye abantu abo baali bazira bukakafu bwoleka nda dha baiseibwe dhe baavaamu, waire obukakafu obwoleka oba nga baali Baisiraeli beenebeene.

Okubala 3:15

“Bala Abalevi boonaboona ng'ojiira ku nsimuko dhaibwe ni ku nda dhaibwe, ng'oviira ku mwana omulenzi ow'omwezi omulala n'okweyongerayo.”

Okubala 3:20

Merari yeena yaaba ni batabane be bano, ng'ojiira ku nda dhaibwe: Mahali ni Mushi. Abo n'abaasimuka mu Levi, ng'ojiira ku nda dhaibwe.

Okubala 4:3

Mubale abasaadha ab'emyaka okuva ku makumi asatu okutuuka ku ataanu, abaikirizibwa okwingira ni bakola emirimo mu Weema ey'Okwagaananirangamu ni Musengwa Katonda.

Okubala 4:38

Abasaadha ab'olulyo lwa Gereshoni ng'ojiira ku nsimuko dhaibwe ni ku nda dhaibwe,

Okubala 4:42

Abasaadha ab'olulyo lwa Merari, ng'ojiira ku nsimuko dhaibwe ni ku nda dhaibwe,

Okubala 4:46

Abo n'Abalevi boonaboona, Musa ni Aaroni n'abakulembeze b'Abaisiraeli be baabala, nga bajiira ku nsimuko dhaibwe ni ku nda dhaibwe.

Okubala 8:24

“Lino n'eiteeka erigema ku Balevi: abo abatuusiisa emyaka amakumi abiri n'etaanu n'okusingagho, n'abanaingiranga okugheereza mu Weema ey'Okwagaananirangamu ni Musengwa Katonda.