2 Ebyomubyanda 31:15 - Baibuli Ekibono kya Katonda 2014

¹⁵ Abaamuyambangaku baali, Edeni, ni Miniaminu, ni Yeshua, ni Shemaia, ni Amaria, ni Shekania. Baamuyambangaku n'obwesigwa mu bibuga bya bakabona, okugabira Balevi banaibwe ebintu, abakulu n'abato, mu bikunsu byaibwe

2 Ebyomubyanda 31:15 ပူးပေါင်းရင်းမြစ်များ

1 Ebyomubyanda 24:31

Era abo baakola nga Balevi banaibwe abaasimuka mu Aaroni bwe baakola eira, nga kiisi mukulu wa nda ni muganda we omuto bakuba akalulu. Ekyo baakikola mu maiso ga kyabazinga Daudi, nga Zadoki ni Ahimeleki boona baligho, ghalala n'abakulu b'enda dha bakabona n'edha Balevi.

1 Ebyomubyanda 25:8

Boonaboona abo baabakubiranga bululu okubalonda okubagha emirimo, k'abe omukulu oba omuto, omukugu oba omwega.

1 Ebyomubyanda 9:22

Abo boonaboona abaalondebwa okuba abakuumi b'emiryango, baali ebikumi bibiri na ikumi na babiri (212). Baabaghandiika mu nkalala edh'obuzaale bwaibwe, nga bajiira ku byalo byaibwe bye baabangamu. Kyabazinga Daudi n'omulanzi Samueli, n'abaataagho abantu abo okukolanga mu butongole.

2 Ebyomubyanda 29:12

Agho Abalevi bano baasituka: Ku b'oku nda ya Kohathi mwalimu, Mahathi mutabane wa Amasai, ni Yoeli mutabane wa Azaria. Ku b'oku nda ya Merari mwalimu, Kishi mutabane wa Abudi, ni Azaria mutabane wa Yehalleleli. Ku b'oku nda ya Gereshoni mwalimu, Yoa mutabane wa Zimma, ni Edeni mutabane wa Yoa.

2 Ebyomubyanda 31:13

Ate abaayambangaku Konania oyo ni muganda we oyo Shimei, nga ni bano: Yehieli, ni Azazia, ni Nahathi, ni Asaheli, ni Yerimothi, ni Yozabadi, ni Elieli, ni Isimakia, ni Mahathi, ni Benaia. Era nga baalondebwa kyabazinga Hezekia ni Azaria Kabona Omukulu ow'eisinzizo lya Katonda.

2 Ebyomubyanda 31:14

Ate Kore mutabane wa Imuna, omukuumi w'omulyango ogw'e buvandhuba, n'eyalabiriranga ebyo abantu bye baaghaayo ye Musengwa Katonda ekyeyendere nga n'agabaniamu ebigheereibwayo okuba ebitukuvu einho ebya Musengwa Katonda oyo.