2 Ebyomubyanda 31:14 - Baibuli Ekibono kya Katonda 2014

¹⁴ Ate Kore mutabane wa Imuna, omukuumi w'omulyango ogw'e buvandhuba, n'eyalabiriranga ebyo abantu bye baaghaayo ye Musengwa Katonda ekyeyendere nga n'agabaniamu ebigheereibwayo okuba ebitukuvu einho ebya Musengwa Katonda oyo.

2 Ebyomubyanda 31:14 ပူးပေါင်းရင်းမြစ်များ

Amainhama 46:17

Asheri ni batabane be bano: Imuna, ni Ishiva, ni Ishivi, ni Beria, ni mwanhinaibwe Sera. Batabane ba Beria baali: Heberi ni Malakieli.

1 Ebyomubyanda 26:12

Abakuumi b'emiryango baabagaba mu bikunsu bikunsu, baabata mu ngobo edh'okugheereza mu isinzizo lya Musengwa Katonda nga bajiira ku bakulu b'enda dha baiseibwe, ng'oti bwe kyalinga ku Balevi banaibwe abandi.

1 Ebyomubyanda 26:14

Akalulu ak'okukuumanga omulyango ogw'e buvandhuba, kaagwa ku Shelemia. Ate ak'okukuumanga omulyango ogw'oku luuyi olw'omukono omugooda olw'e buvandhuba, kaagwa ku mutabane we Zekaria, eyalinga omuwi w'amagezi omulungi.

1 Ebyomubyanda 26:17

Ku luuyi olw'e buvandhuba kwalingaku abakuumi mukaaga buli lunaku ku lw'omukono omugooda olw'e buvandhuba kwabangaku bana ni ku lw'omukono omusaadha olw'e buvandhuba kwona kwabangaku bana, buli lunaku. Eiterekero lyakuumibwanga abantu babiri babiri buli lunaku.

2 Ebyomubyanda 31:13

Ate abaayambangaku Konania oyo ni muganda we oyo Shimei, nga ni bano: Yehieli, ni Azazia, ni Nahathi, ni Asaheli, ni Yerimothi, ni Yozabadi, ni Elieli, ni Isimakia, ni Mahathi, ni Benaia. Era nga baalondebwa kyabazinga Hezekia ni Azaria Kabona Omukulu ow'eisinzizo lya Katonda.

2 Ebyomubyanda 31:15

Abaamuyambangaku baali, Edeni, ni Miniaminu, ni Yeshua, ni Shemaia, ni Amaria, ni Shekania. Baamuyambangaku n'obwesigwa mu bibuga bya bakabona, okugabira Balevi banaibwe ebintu, abakulu n'abato, mu bikunsu byaibwe

Ezera 1:4

Kiisi Muyudaaya yeenayeena eyawonagho, eyo yoonayoona ye yasenga, agwaine ayambibwe abantu b'aba nabo aghalala, nga bamugha ebintu bino: feeza, ni zaabu, n'ebintu ebindi ebikozesebwa, n'ensolo ng'okwo kw'otaire n'ebigheebwayo eby'ekyeyendere eby'okughaayo mu isinzizo lya Katonda eriri mu Yerusalemu.”

Ezera 3:5

Bwe baamalanga ekyo baayongeranga okughaayo ebigheebwayo ebya buli lunaku ebyokebwa byonabyona okuwaagho, n'ebigheebwayo ku mbaga edh'Ekibinuko eky'Okuboneka kw'Omwezi, n'ebigheebwayo ku mbaga edh'ebibinuko ebindi Musengwa Katonda bye yalagira, n'ebigheebwayo ebya buli muntu eby'ekyeyendere.

Ezera 7:16

Era oidha kutwala feeza ni zaabu yeenayeena, by'onaasoloza mu kiketezo kya Babilonia kyonakyona. Otwale n'ebintu byonabyona, abantu ni bakabona bye beeyama okughaayo ekyeyendere olw'eisinzizo lya Katonda waibwe eriri mu Yerusalemu.

Nehemia 13:13

Agho naataagho abantu bano babenga abaghanika mu materekero ago: Shelemia kabona, Zadoki omunamateeka, ni Pedaia Omulevi. Era naabagha Hanani mutabane wa Zakkuri era mwidhukulu wa Mattania, okubayambangaku. Abantu abo baali nga bamanhiibwa okuba abeesigwa, era omulimo gwaibwe gwali gwa kughanga Balevi banaibwe emigabo gyaibwe.

Zabbuli 119:108

Wo Musengwa Katonda, siima okusaba kwange nga nkwebaza, ondhegerese okujiira ku nsala yo entuufu.

Abalevi 2:10

Ekyo ekisigalagho ku kigheebwayo eky'emere ey'empeke ekyo, kiba kya bakabona kitukuvu inho, kuba kitoolebwa ku ekyo ekigheebwayo ye Musengwa Katonda, nga kyokeibwa n'omuliro.

Abalevi 22:18

“Koba Aaroni, ni batabane be, n'Abaisiraeli boonaboona oti, Omuisiraeli oba omusenze ali mu Isiraeli, bw'anaaleetanga eri Musengwa Katonda ekigheebwayo kye ekyokebwa kye yeeyama, oba ekyo ky'aghaayo nga kya kyeyendere,

Abalevi 23:38

Ebibinuko ebyo n'ebyeyongeire ku Sabbato dha Musengwa Katonda edhabuliidho. Era ebigheebwayo ebyo n'ebyeyongeire ku byabuliidho, bye mughaayo eri Musengwa Katonda olw'okutuukiriza obweyamo, ni bye mughaayo eby'ekyeyendere.

Abalevi 27:28

“Aye tighaabengagho kintu ekimaze okufuukira irala ekya Musengwa Katonda, kinaatundibwanga oba kinaanunulibwanga, k'abe muntu, oba k'ebe nsolo, oba ka kibe kibandha ekisikire. Buli kintu ekinaabanga nga kimaze okufuukira irala ekya Musengwa Katonda kinaasigalanga nga kya Musengwa Katonda oyo enaku dhoonadhoona.

Okubala 29:39

“Ebyo bye mwidha okughangayo eri Musengwa Katonda ku mbaga edh'ebibinuko ebyalagirwa, bibenga ebigheebwayo ebyokebwa, n'ebigheebwayo eby'emere ey'empeke, n'ebigheebwayo eby'ebyokunhwa, era n'ebigheebwayo olw'okutabagana. Mwidha kubighangayo nga mwongereza ku bye mughaayo olw'okutuukiriza obweyamo, ni ku bye mughaayo eby'ekyeyendere.”

Amateeka Agokubiri 12:17

Kiisi kye mughaayo ye Musengwa Katonda, mutakiriiranga eyo ye muba: ka kibe ekitundu ekirala ekirala ku buli bitundu ikumi eby'engaano yaimwe, oba eby'omwenge gwaimwe ogw'emizabbibu, oba eby'omuzigo ogw'ebibala eby'emiti emyoliva oba ka dhibe ensolo dhaimwe, ng'ente, entaama, oba embuzi, edhizaalibwa mu luzaalo olusooka oba ekigheebwayo kyaimwe eky'okutuukiriza obweyamo bwaimwe ye Musengwa Katonda, oba ekigheebwayo kyaimwe eky'ekyeyendere, oba ebigheebwayo byaimwe ebindi bye mughaayo.

Amateeka Agokubiri 12:6

Eyo ye munaatwalanga ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebigheebwayo olw'okutuukiriza obweyamo, n'ebigheebwayo eby'ekyeyendere, n'ensolo dhaimwe edhizaalibwa mu luzaalo olusooka dhe mughaayo.

Amateeka Agokubiri 16:10

memale olwo mukolenga Ekibinuko eky'Amakungula, eky'okuta mu Musengwa Katonda waimwe ekitiisa. Mwidha kumuleeteranga ekigheebwayo eky'ekyeyendere, nga mujiira ku bungi bw'ebintu by'anaabaghanga.