2 Ebyomubyanda 31:13 - Baibuli Ekibono kya Katonda 2014

¹³ Ate abaayambangaku Konania oyo ni muganda we oyo Shimei, nga ni bano: Yehieli, ni Azazia, ni Nahathi, ni Asaheli, ni Yerimothi, ni Yozabadi, ni Elieli, ni Isimakia, ni Mahathi, ni Benaia. Era nga baalondebwa kyabazinga Hezekia ni Azaria Kabona Omukulu ow'eisinzizo lya Katonda.

2 Ebyomubyanda 31:13 ပူးပေါင်းရင်းမြစ်များ

1 Ebyomubyanda 24:5

Aye mu bantu ab'omu bikunsu ebyo byombi, eky'abaasimuka mu Eleazari n'eky'abaasimuka mu Ithamari, mwalimu abakulira eisinzizo n'abakulira eby'okusinza. Kale kyaba nti emirimo gyonagyona baagigaba nga bakuba bwa kalulu.

1 Ebyomubyanda 9:11

ni Azaria mutabane wa Hilikia era mwidhukulu wa bano: Meshullamu, ni Zadoki, ni Meraiothi, ni Ahitubu eyalabiriranga eisinzizo.

2 Ebyomubyanda 29:12

Agho Abalevi bano baasituka: Ku b'oku nda ya Kohathi mwalimu, Mahathi mutabane wa Amasai, ni Yoeli mutabane wa Azaria. Ku b'oku nda ya Merari mwalimu, Kishi mutabane wa Abudi, ni Azaria mutabane wa Yehalleleli. Ku b'oku nda ya Gereshoni mwalimu, Yoa mutabane wa Zimma, ni Edeni mutabane wa Yoa.

2 Ebyomubyanda 30:12

Era amaani ga Katonda gaakolera mu Bayudaaya, beeyimba kitole nga bamalirivu okujiira ku kiragiro kyabazinga n'abakungu be, kye baabagha nga Musengwa Katonda bwe yalagira.

2 Ebyomubyanda 31:14

Ate Kore mutabane wa Imuna, omukuumi w'omulyango ogw'e buvandhuba, n'eyalabiriranga ebyo abantu bye baaghaayo ye Musengwa Katonda ekyeyendere nga n'agabaniamu ebigheereibwayo okuba ebitukuvu einho ebya Musengwa Katonda oyo.

2 Ebyomubyanda 31:4

Era yaalagira abantu ab'omu Yerusalemu okuleetanga omugabo ogw'okughanga bakabona, basobolenga okutuukiriza Amateeka ga Musengwa Katonda n'omwoyo mulala.

2 Ebyomubyanda 35:8

N'abakungu be baaghaayo kyeyendere eri abantu ni bakabona n'Abalevi, ebintu eby'okukozesa. Hilikia ni Zekaria ni Yehieli abaakuliranga eisinzizo, baagha bakabona entaama ento n'embuzi ento enkumi ibiri na lukaaga (2,600), n'ente enume ebikumi bisatu, dhibe ebigheebwayo eby'Ekibinuko eky'Okwidhukiriraku Okubitizibwa.

Nehemia 11:11

ni Seraia mutabane wa Hilikia, Hilikia mutabane wa Meshullamu, Meshullamu yaaba mutabane wa Zadoki, Zadoki yaaba mutabane wa Meraiothi, Meraiothi yaaba mutabane wa Ahitubu, eyali Omukulu wa Bakabona akulira eisinzizo.