2 Ebyomubyanda 30:8 - Baibuli Ekibono kya Katonda 2014

⁸ Era mulobe kuba na mpwitu ng'oti ni badhaadha baimwe, aye mwegheeyo eri Musengwa Katonda, mwingire mu isinzizo lye, lye yatukuza ebyanda n'ebyanda. Mugheerezenga Musengwa Katonda waimwe, olwo alekere agho okuboolekeza obusungu bwe obubitiriire.

2 Ebyomubyanda 30:8 ပူးပေါင်းရင်းမြစ်များ

2 Bakyabazinga 23:26

Aye era Musengwa Katonda yaaloba kulekeza busungu bwe kutumbukira ku Buyudaaya ng'oti muliro, olw'ebyo Manasse bye yakola ebyamusungughaza.

1 Ebyomubyanda 29:24

Abakungu boonaboona, n'abaisirukale, ni batabane ba kyabazinga Daudi abandi boonaboona, beeyama okugonderanga kyabazinga Solomoni.

2 Ebyomubyanda 28:11

Kale ni muwulirise kye nkoba, mwizeeyo abasibe abo kuba baluganda lwaimwe. Bwe mutaakole mutyo, Musengwa Katonda aidha kubabonereza n'obukambwe.”

2 Ebyomubyanda 28:13

Baakoba abo abaali bali kwira okuva mu lutalo, bati: “Timwidha kuleeta ghano basibe abo. Ife twakola ebibi twasungughaza Musengwa Katonda mu Isiraeli, era tuli n'omusango munene. Aye ate imwe muli kwenda kwongereza ku bibi bye twakola, ni ku musango gwe tuli nagwo.”

2 Ebyomubyanda 29:10

“Mperaano nsazeegho okukola endagaano ni Musengwa Katonda, Katonda wa Isiraeli, olwo alekere agho okutwolekeza obusungu bwe obubitiriire.

2 Ebyomubyanda 36:13

Zedekia era yaadheemera ni kyabazinga Nebukadinezzari, eyali amaze okumulayiza mu Katonda, ng'ali n'okuwuliranga ebiragiro bya Nebukadinezzari oyo. Aye Zedekia oyo yaakola bwa mpwitu era yaakalangusa omwoyo gwe, yaaloba kwenenia kwira eri Musengwa Katonda, Katonda wa Isiraeli.

2 Ebyomubyanda 6:5

‘Kasookanga ntoola bantu bange Abaisiraeli mu Misiri, tirondangaghooku mu bika bya Isiraeli byonabyona kibuga waire ekirala kiti, mwe bananzimbira eisinzizo. Era titangaghooku muntu waire omulala ati, akulemberenga abantu bange Abaisiraeli.

2 Ebyomubyanda 6:6

Aye mpegaano nonzeegho Yerusalemu kibe ekifo mwe banansinzizanga, era naataagho iwe Daudi okulemberenga abantu bange Abaisiraeli.’ ”

2 Ebyomubyanda 7:16

kuba mpegaano ntukwiza eisinzizo lino, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

Ezera 10:14

Leka abakulembeze baife babeegho mu liina lyaife twenatwena abeesoloiza. Olwo ab'omu bibuga byaife boonaboona abaabayiza abakazi abamaghanga agandi, baidhe mu kiseera ekiragaane nga bali ghalala n'abakulembeze n'abalamuzi okuva mu buli kibuga. Mu nsambo eyo ekiruyi ekitaloodheka Katonda waife ky'ali nakyo ku ife ku nsonga eyo, kiidha kutuvaaku.”

Ezera 10:19

Abo baasuubiza okwawukana ni bakazi baibwe abo abamaghanga agandi era baaghaayo entaama enume ng'ekigheebwayo olw'ebibi byaibwe.

Zabbuli 63:2

Nhenda inho okukubona mu kifo kyo ekitukuvu; mbone obukumu bwo n'ekitiisa kyo.

Zabbuli 68:24

Abantu boonaboona babona nga bw'otambula n'ekitiisa iwe Katonda, otambula iwe Katonda wange era kyabazinga wange, ng'oingira mu kifo kyo ekitukuvu.

Zabbuli 68:31

Abakwenda abakologho balireetebwa okuva e Misiri; ate ab'e Ethiopia baagololera Katonda emikono gyaibwe.

Zabbuli 73:17

okutuusa bwe naja mu kifo kya Katonda ekitukuvu, memale olwo naategeera ebija okutuuka ku babi.

Zabbuli 78:49

Abantu abo yabamaliraku obusungu bwe nga yeesiniirwa ekibitiriire. Obusungu bwe obwo bwali ng'oti n'ekikunsu kya bamalaika be, abazikiriza.

Okuvaayo 32:9

Nze Musengwa Katonda ndidhi nti abantu bano ba mpwitu inho.

Yeremia 50:15

Mwasiikanire ku ndhuyi dh'ekibuga ekyo dhoonadhoona nga mukirwanisa. Abantu baakyo bamaze okweghaayo mu ngalo edh'abazigu baibwe. Ekimante kyakyo ekigumu ekikyezungulwire bakiwomoirewomoire era baakimenhagho. Nze Musengwa Katonda ndi kwesasuuliza ku Bababilonia. Kale ni, imwe mubeesasulizeeku era mubabise nga beene bwe baabisanga abandi.

Matayo 4:10

Agho Yesu yaamukoba ati: “Sitaani ja ere! Kuba kyaghandiikibwa kiti, ‘Osinzanga Musengwa Katonda wo, era ni yenka y'ogheerezanga.’ ”

Yoanne 12:26

Kiisi ayenda okumpeereza annonerezenga. Ghe mba n'omugheereza wange gh'anaabanga. Era Lata alita oyo yeenayeena ampeereza mu kifo eky'ekitiisa.

Ab'e Roma 10:21

Aye ng'ayogera ku Isiraeli akoba ati: “Olunaku lwonalwona nayandhuluza emikono gyange ku lw'abantu abatawulira era abadheemu.”

Ab'e Roma 6:22

Aye mperaano mwava mu kibi mwafuuka abairu ba Katonda. Kino kibaleeteire okutukuzibwa n'okufuna obulamu obutawaagho.

Amateeka Agokubiri 10:16

Kale ni mubenga bawulize y'ali, mulekere agho okubanga n'empwitu,

Amateeka Agokubiri 6:13

Mutyenga Musengwa Katonda waimwe, mumusinzenga, era eriina lye lyonka lye mube mulayirenga.

Amateeka Agokubiri 6:17

Mwegenderezenga okukuuma ebiragiro n'amateeka n'okulamba, Musengwa Katonda waimwe bye yabagha.

Yoshua 24:15

Aye oba nga timuli beetegefu kugheereza Musengwa Katonda, musalegho olwaleero luno ye munaagheerezanga: oba musalagho kugheereza bakatonda badhaadha baimwe be baasinzanga nga bakaali eruuyi ere ng'osomoike omwiga, oba bakatonda ab'Abamori abaali beene kiketezo kino buti ghe muli. Aye nze ku lwange n'ab'endhu yange twidha kugheerezanga Musengwa Katonda.”

Okwolekebwa 7:15

Kyebava ni baba gha mberi gh'ekityamo kya Katonda, ni bamugheereza omusana n'obwire mu isinzizo lye. Era oyo atyaime ku kityamo eky'obwakyabazinga anaabanga nabo ng'abakuuma.