2 Ebyomubyanda 30:23 - Baibuli Ekibono kya Katonda 2014

²³ Agho boonaboona abaali beesoloiza, baasalagho okumala enaku edhindi musanvu nga bali kukuza ekibinuko ekyo. Kale baamala enaku edhindi musanvu nga bali kukikuza mu kusagamba.

2 Ebyomubyanda 30:23 ပူးပေါင်းရင်းမြစ်များ

1 Bakyabazinga 8:65

Kale mu kiseera ekyo, Solomoni ng'ali ghalala n'Abaisiraeli boonaboona nga beesoloiza, baakola embaga ey'ekibinuko mu maiso ga Musengwa Katonda waife, kye baamalaku enaku omusanvu. Ekibinuko ekyo kyaliku abantu abeesoloiza kamaala inho, okuva eruuyi ere aghaingirirwa e Hamathi, okutuuka ku kaiga ak'oku nsalosalo ni Misiri.

2 Ebyomubyanda 29:30

Kyabazinga Hezekia n'abakungu be baalagira Abalevi okwemba enhembo edhisaaka Musengwa Katonda, edhaayiiyizibwa Daudi ni Asafu omulanzi. Baayemba enhembo edhisaaka nga basangaavu, era baakuba amakiryaivu, baasinza.

2 Ebyomubyanda 30:24

Kyabazinga Hezekia owa Buyudaaya yaagha abantu abo boonaboona ente enume lukumi (1,000) n'entaama kasanvu (7,000), edh'okughaayo ng'ebigheebwayo. N'abakungu ba kyabazinga boona baagha abantu abo ente enume lukumi (1,000) n'entaama omutwalo mulala (10,000). Era bakabona bangi inho beetukuza.

2 Ebyomubyanda 7:9

Baamala enaku omusanvu edh'okutukuza alutaari ebe eya Musengwa Katonda, n'enaku edhindi omusanvu edh'ekibinuko ekyo. Ku lunaku olwomunaana boonaboona beesoloza ghalala okusinza.

Nehemia 8:17

Abantu boonaboona abaira okuva mu bunhage, baazimba entindi, baadhisulamu. Guno n'ogwali omukuzi ogusooka okukola batyo, okuviira irala mu biseera bya Yoshua mutabane wa Nuni. Kale ghaabaagho okusagamba okw'amaani.