2 Ebyomubyanda 30:21 - Baibuli Ekibono kya Katonda 2014

²¹ Agho Abaisiraeli abaali beesololeiza mu Yerusalemu, baamala enaku musanvu nga bali kukola embaga ey'Ekibinuko eky'Emigaati Egitazimbulukusiibwa mu kusagamba okungi. Abalevi ni bakabona baasaakanga Musengwa Katonda buli lunaku, nga bakuba ebivuga n'amaani gaibwe goonagoona.

2 Ebyomubyanda 30:21 ပူးပေါင်းရင်းမြစ်များ

2 Ebyomubyanda 20:21

Bwe yamala okwebuuzaaku ku bantu, yaataagho ab'okwembera Musengwa Katonda okumusaaka, nga bavaire ebivaalo eby'emikolo emitukuvu. Abo baakulemberamu eigye, baaja nga bemba bati: “Musaake Musengwa Katonda, kuba okugonza kwe tikukoma, kubaagho byanda na byanda.”

2 Ebyomubyanda 29:30

Kyabazinga Hezekia n'abakungu be baalagira Abalevi okwemba enhembo edhisaaka Musengwa Katonda, edhaayiiyizibwa Daudi ni Asafu omulanzi. Baayemba enhembo edhisaaka nga basangaavu, era baakuba amakiryaivu, baasinza.

2 Ebyomubyanda 30:11

Okutoolaku abatono bati ku b'omu bika, ekya Asheri, n'ekya Manasse, n'ekya Zebuluni, abaagonda ni baidha e Yerusalemu.

2 Ebyomubyanda 30:26

Era ekibuga Yerusalemu kyaidhula okusagamba, kuba ghaali tighabangaghooku kiri ng'oti n'ekyo, okuva mu biseera bya Solomoni mutabane wa Daudi, kyabazinga wa Isiraeli.

2 Ebyomubyanda 35:17

Abaisiraeli boonaboona abaaligho, baamala enaku musanvu nga bakuza Ekibinuko eky'Okwidhukiriraku Okubitizibwa n'Ekibinuko eky'Emigaati Egitazimbulukusiibwa.

2 Ebyomubyanda 7:10

Ku lunaku olwairirira, olwamakumi abiri n'eisatu (23) olw'omwezi ogwomusanvu, kyabazinga Solomoni yaasiibula abantu okwirayo ewaibwe. Abantu bairayo ewaibwe nga basangaavu era nga basagamba mu myoyo gyaibwe olw'ebirungi Musengwa Katonda bye yagha Daudi, ni Solomoni oyo, n'abantu be Abaisiraeli.

Nehemia 8:10

Buti mwireyo ewaimwe, mulye ebisavu, munhwe omwenge ogw'emizabbibu oguwooma einho, era mugabireku n'abo abazira ghe batoola kuba olunaku lwa Musengwa Katonda waife luno lutukuvu. Agho ni mutanakughala, kuba eisanhu Musengwa Katonda ly'abagha imwe, n'eribaleetera okuba ab'amaani.”

Nehemia 8:17

Abantu boonaboona abaira okuva mu bunhage, baazimba entindi, baadhisulamu. Guno n'ogwali omukuzi ogusooka okukola batyo, okuviira irala mu biseera bya Yoshua mutabane wa Nuni. Kale ghaabaagho okusagamba okw'amaani.

Okuvaayo 12:15

“Mwidha kumalanga enaku musanvu nga mulya migaati egitazimbulukusiibwa gyonka. Ku lunaku olusooka mu edho omusanvu, muli n'okutoola mu ndhu dhaimwe kiisi kizimbulukusa kyonakyona. Omuntu yeenayeena anaalyanga omugaati oguzimbulukusiibwa mu nnaku edho omusanvu, anaabanga nga takaabalirwa mu Baisiraeli.

Okuvaayo 13:6

Mwidha kumalanga enaku musanvu nga mulya migaati egitazimbulukusiibwa gyonka, era ku lunaku olwomusanvu mwidha kukuzanga ekibinuko eky'okusiima Musengwa Katonda.

Abalevi 23:6

“Ekibinuko eky'Emigaati Egitazimbulukusiibwa kinaatooleranga ku lunaku olweikumi n'eitaanu olw'omwezi gwene ogwo ogusooka. Munaalyanga emigaati egitazimbulukusiibwa okumala enaku musanvu.

Luka 2:43

Enaku bwe dhaawaaku, nga bali kwirayo, omwana Yesu yaasigala mu Yerusalemu. Aye abazaire be tibaamanha,

Luka 22:1

Ekibinuko eky'Emigaati Egitazimbulukusiibwa era ekyetebwa Ekibinuko eky'Okubitizibwa, kyali kiri kumpi okutuuka.

Luka 22:7

Agho olunaku olw'Ekibinuko eky'Emigaati Egitazimbulukusiibwa lwatuuka, kwe baitiranga entaama ento ey'Ekibinuko eky'Okwidhukiriraku Okubitizibwa.

Ebikolwa by'Abatume 2:46

Baafubanga buli lunaku okuba aghalala mu isinzizo, era baajanga mu ndhu dhaibwe okumegula omugaati. Emere nga bagiriisa isanhu na kwisania

Amateeka Agokubiri 12:12

Mwidha kusagambiranga eyo mu maiso ga Musengwa Katonda waimwe, nga muli ghalala ni batabane baimwe, n'abairu baimwe abasaadha n'abakazi, n'Abalevi abali mu bibuga byaimwe kuba, Abalevi abo tibaja kufuna mugabo gwa itaka lya nsikirano, gwaibwe ku bwaibwe.

Amateeka Agokubiri 12:7

Eyo, nga muli mu maiso ga Musengwa Katonda waimwe, imwe n'ab'omu maka gaimwe ye mwidha okuliiranga n'okusagambiranga, olw'ebyo byonabyona bye munaabanga nga mukoze nga Musengwa Katonda oyo abaghaire enkabi.

Amateeka Agokubiri 16:14

Mu kibinuko ekyo, mwidha kusagambiranga ghalala ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi, n'abasenze, ni bamulekwa, ni banamwandu abali mu bibuga byaimwe.

Ab'e Filippi 4:4

Buliidho musagambirenga mu Musengwa. Era kabiri nkiiramu nti Musagambe!