2 Ebyomubyanda 30:18 - Baibuli Ekibono kya Katonda 2014

¹⁸ Era mu bantu abaali kamaala batyo, mwalimu bangi ku baava mu bika, ekya Efuraimu, n'ekya Manasse, n'ekya Issakari, n'ekya Zebuluni, abaali nga tibeetukwiza. Olwo baaba nga bali kukuza Ekibinuko eky'Okwidhukiriraku Okubitizibwa mu nsambo etali ntuufu. Aye Hezekia yali amaze okubasabira ng'akoba ati: “Musengwa Katonda omulungi asonighe buli muntu,

2 Ebyomubyanda 30:18 ပူးပေါင်းရင်းမြစ်များ

Amainhama 20:17

Aburahamu yaasaba Katonda, era Katonda yaawonia Abimeleki, ni mukazi we, n'abairu be abakazi, boonaboona baaba nga baghanga okuzaala.

Amainhama 20:7

Mpegaano ni, izaayo muka beene; kuba omusaadha oyo mulanzi, era aidha kukusabira obe mulamu. Aye bw'otaizeeyo mukazi, manha ng'oteekwa kufa, iwe n'abantu bo boonaboona.”

2 Bakyabazinga 5:18

Aye nsaba Musengwa Katonda ansonighenga nze omugheereza wo, bwe naagherekerangaku musengwa wange kyabazinga wa Siria, okuja okusinziza mu isabo lya Rimmoni omusambwa gwa Siria. Bwe nnaakubanga amakiryaivu mu isabo lya Rimmoni, Musengwa Katonda ansonighenga mu ekyo.”

2 Ebyomubyanda 30:11

Okutoolaku abatono bati ku b'omu bika, ekya Asheri, n'ekya Manasse, n'ekya Zebuluni, abaagonda ni baidha e Yerusalemu.

2 Ebyomubyanda 30:25

Kale abantu abeesoloza ab'omu Buyudaaya, ghalala ni bakabona, n'Abalevi, n'abantu abeesoloza okuva mu Isiraeli, n'abantu ab'endha abaasenga mu Isiraeli ni mu Buyudaaya, boonaboona baasagamba.

2 Ebyomubyanda 34:9

Baaja eri Hilikia Omukulu wa Bakabona, baaghaayo empiiya edhaaleetebwa mu isinzizo, Abalevi abaigazi b'omulyango ogwingira mu isinzizo, dhe baasoloza ku bantu ba Manasse, n'aba Efuraimu, n'ab'ebiketezo ebindi byonabyona ebya Isiraeli, n'aba Yuda, n'aba Benjamini, n'ab'omu Yerusalemu.

2 Ebyomubyanda 6:21

Wulirisanga bye nnaakusabanga nze omugheereza wo, era n'abantu bo Abaisiraeli bye banaakusabanga nga balingiriire ekifo kino. Bwenebwene tuwulirisenga ng'oli mu igulu eyo y'oba, era otusonighenga ng'otuwuliire.

Zabbuli 119:68

Oli mukalamu, ni by'okola bikalamu; nkweghemba ondhegerese okukola by'olagira.

Zabbuli 25:8

Olw'okuba Musengwa Katonda mulungi era nga mutuufu, kyava n'agalagira aboonooni engira.

Zabbuli 36:5

Aye iwe Musengwa Katonda okugonza tikukoma era kugungumavu okutuuka mu igulu, ate obwesigwa bwo butuuka mu bire.

Zabbuli 86:5

Wo Musengwa Katonda iwe oli mulungi, onsonigha era tolekera kugonza abo abakusinza.

Danieli 9:19

Wo Musengwa Katonda, ganha owulire. Wo Musengwa, ganha osonighe. Wo Musengwa Katonda, taayo inho omwoyo okoleregho. Otalwa naire. Tubeere olw'ekitiisa kyo, kuba ekibuga kino kikyo, n'abantu bano babo.”

Abalevi 10:20

Musa bweyawulira ebyo, yainhongoka.

Okubala 19:20

“Aye omuntu atali mulongoofu bw'anaalobanga okutukuzibwa, anaabanga nga takaabalirwa mu bantu ba Musengwa Katonda, kuba anaabanga ng'ayonoine ekifo kya Musengwa Katonda ekitukuvu. Era aidha kusigalanga nga tiimulongoofu, kuba amaadhi agakozesebwa okutoolagho ebibi ganaabanga nga tigamumansiirwaku.

Okubala 9:7

baabakoba bati: “Tituli balongoofu olw'okugema ku mulambo, aye lwaki tuloberwa okuleetera Musengwa Katonda ebigheebwayo mu kiseera ekyalagirwa ghalala ni Baisiraeli banaife?”

1 Ab'e Korintho 11:28

Agho ni, buli muntu ateekwa kwebona oba nga agwaine, memale yaalya ku mugaati, era yaanhwa ku kikopo

1 Yoanne 5:16

Omuntu yeenayeena bw'abona nga muganda we ali kukola ekibi ekitamutwala mu kuzikirira, asabenga Katonda aghe omuntu oyo obulamu. Nkoba abo abakola ebibi ebitatwala mu kuzikirira. Aye eriyo ebibi ebitwala mu kuzikirira. Ebyo ti ni bye nkoba okusabiranga.