2 Ebyomubyanda 30:12 - Baibuli Ekibono kya Katonda 2014

¹² Era amaani ga Katonda gaakolera mu Bayudaaya, beeyimba kitole nga bamalirivu okujiira ku kiragiro kyabazinga n'abakungu be, kye baabagha nga Musengwa Katonda bwe yalagira.

2 Ebyomubyanda 30:12 ပူးပေါင်းရင်းမြစ်များ

2 Ebyomubyanda 29:15

Abalevi abo baasoloza Balevi banaibwe, beetukuza. Baingira ni mu isinzizo baalitukuza, nga kyabazinga bwe yabalagira ng'ajiira ku ebyo Musengwa Katonda bye yalagira.

2 Ebyomubyanda 29:25

Yaata Abalevi mu isinzizo nga bagemye n'ebide, n'entongooli, n'endingidi, ng'ajiira ku kiragiro Musengwa Katonda kye yagha kyabazinga Daudi, ng'abita mu Gadi omulanzi wa kyabazinga ni Nathani omulanzi.

2 Ebyomubyanda 29:36

Agho Hezekia n'abantu boonaboona baasagamba, kuba Katonda yababeera, baakola ebintu ebyo byonabyona amangu gatyo.

2 Ebyomubyanda 8:15

Kyabazinga Daudi bye yalagira bakabona n'Abalevi ku bintu ebyaterekebwa ni ku bintu ebindi, baabituukiriza bukalamu.

Ezera 7:27

Agho Ezera yaakoba ati: “Tusaake Musengwa Katonda, Katonda wa badhaadha baife, eyata ekidhuubo ekyo mu mwoyo gwa kyabazinga okulungiya eisinzizo lya Musengwa Katonda oyo, eriri mu Yerusalemu.

Zabbuli 110:3

Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

Yeremia 24:7

Ndidha kubaleeteranga okuumanha nga ninze Musengwa Katonda. Olwo beene babenga bantu bange, ate nze mbenga Katonda waibwe, kuba baja kukyuka baire ye ndi n'omwoyo gwaibwe gwonagwona.

Yeremia 32:39

Ndibaleetera okweyimba ekitole era nga bali n'ekigendererwa kirala, eky'okuntaamu ekitiisa olubeerera ku lw'obulungi bwaibwe beene n'obwa baidhukulu baibwe.

Ezekieli 36:26

Ndibagha omwoyo omuyaaka n'endowooza empyaka. Naabatoolamu omwoyo omukalangafu oguli ng'oti ibaale, naabataamu omwoyo omugonvu omuwulize.

Ebikolwa by'Abatume 4:19

Aye Petero ni Yoanne bairamu baakoba bati: “Imwe beene musalegho: Oba nga kituufu mu maiso ga Katonda ife okuwulira imwe ni tutawulira Katonda.

2 Ab'e Korintho 3:5

Ife ku bwaife tuzira bughanzi butusobozesa kukola kintu kyonakyona, obughanzi bwaife buva wa Katonda.

Amateeka Agokubiri 4:2

Mutayongeranga kintu kyonakyona ku bye ndi kubalagira, waire okubikendeezaaku. Mugemenga ebiragiro bya Musengwa Katonda waimwe bye ndi kubagha.

Ab'e Filippi 2:13

Kuba Katonda n'akolera mu imwe memale mwaganha era mwasobola okukola by'ayenda.

1 Ab'e Thessalonika 4:2

kuba mwidhi bye twabagalagira ku lwa Musengwa Yesu.

Abaheburayi 13:20

Nsaba Katonda ow'emiraala, eyazuukiza Musengwa waife Yesu, eyafuuka Omwayi w'entaama omukulu, olw'okuyugha omusaayi gwe ogwataagho endagaano etawaagho,

Abaheburayi 13:21

abaghe kiisi kikalamu kyonakyona kye mwetaaga okukolanga by'ayenda. Katonda oyo atukozese by'asiima mu Yesu Kurisito, agheebwe ekitiisa, ebyanda n'ebyanda. Amiina.