2 Ebyomubyanda 3:6 - Baibuli Ekibono kya Katonda 2014

⁶ Baatonatona eisinzizo n'amabaale ag'omughendo, era baalitonatona ni zaabu eyava mu nsi y'Abaparavi.

2 Ebyomubyanda 3:6 ပူးပေါင်းရင်းမြစ်များ

1 Ebyomubyanda 29:2

Kale kye nviire ni nfuba nga bwe nsoboire, ni ntaagho ebintu byonabyona eby'okuzimbisa eisinzizo lya Katonda wange, bino: zaabu ow'okukolamu ebintu ebya zaabu, ni feeza ow'okukolamu ebintu ebya feeza, n'ekyuma eky'ekikomo eky'okukolamu ebintu eby'ekyuma eky'ekikomo, n'ekyuma ekigumu einho eky'okukolamu ebintu eby'ekyuma ekigumu einho, n'emiti egy'okukolamu ebintu eby'emiti, n'amabaale ag'omughendo ageetebwa onikisi, n'agandi ag'okuzimbisa, n'ag'okudholigadholiga, n'agandi ag'omughendo agamirimiinha ag'ensambo kamaala.

1 Ebyomubyanda 29:8

Abo abaali n'amabaale ag'omughendo, baagaghaayo mu iterekero ly'eisinzizo eryali lirabirirwa Yehieli eyasimuka mu Gereshoni.

2 Ebyomubyanda 3:5

Ekisenge ekinene baakighembaku embaawo edh'emiti emisipuressi, ate ku ngulu kwadho baalimbyaku zaabu omukenenule era baatonaku ebifaananie eby'emiti eminaazi n'eby'endhegere.

2 Ebyomubyanda 3:7

Baalimbya zaabu oyo ku bimante byalyo, ni ku mbaawo edh'akasolya kaalyo, ni ku myango egy'emiryango gyalyo, ni ku ndhigi dhaalyo. Era ku bimante byalyo ebyo yaatonaku ebifaananie eby'ebitonde ebiri n'amaghagha ebyetebwa kerubi.