2 Ebyomubyanda 29:5 - Baibuli Ekibono kya Katonda 2014

⁵ Yaabakoba ati: “Imwe Abalevi mumpulirise. Mukole mwetukuze, era mutukuze n'eisinzizo lya Musengwa Katonda, Katonda wa badhaadha baimwe. Ekifo ekitukuvu kino mukitoolemu ebyo byonabyona ebikireetera okwonooneka.

2 Ebyomubyanda 29:5 ပူးပေါင်းရင်းမြစ်များ

1 Ebyomubyanda 15:12

Yaabakoba ati niimwe abakulu b'enda dha baiseimwe mu kika kya Levi. Mwetukuze imwe beene ni baganda baimwe, mughange okuleeta Sanduuku ya Musengwa wa Isiraeli mu kifo kye ngitegekeire.

2 Ebyomubyanda 29:34

Aye bakabona baali batono nga tibasobola kwita nsolo edho dhoonadhoona edh'ebigheebwayo ebyokebwa kuba Abalevi baafangayo inho okwetukuza okusinga bakabona. Kale baganda baibwe Abalevi baababeeraku, okutuusa ni bakabona abandi boona bwe baamala okwetukuza ni babeeyimbaku, okutuusa omulimo lwe gwawa.

2 Ebyomubyanda 29:4

Yaingiza bakabona n'Abalevi, beesololeza mu luya lw'eisinzizo ku luuyi olw'e buvandhuba.

2 Ebyomubyanda 35:6

Olwo mwite entaama ento edh'Ekibinuko eky'Okwidhukiriraku Okubitizibwa era mwetukuze. Memale mutegekere baganda baimwe basobole okukola nga Musengwa Katonda bwe yalagira ng'abita mu Musa.”

Nehemia 12:30

Agho bakabona n'Abalevi baakola omukolo ogw'okwetukuza, n'okutukuza abantu, n'emiryango, n'ekimante ekyezungulwire ekibuga.

Nehemia 13:9

Agho naalagira batukuze ekisenge ekyo. Bwe baamala okukitukuza naizaamu ebintu ebikozesebwa mu isinzizo, n'ebigheebwayo eby'emere ey'empeke, n'obubbaani.

Zabbuli 93:5

Wo Musengwa Katonda, amateeka go geesigika era bwenebwene esinzizo lyo itukuvu ebyanda n'ebyanda.

Okuvaayo 19:10

Musengwa Katonda yaamukoba ati: “Ja y'abantu obatukuze olwaleero n'idho, era booze ebivaalo byaibwe,

Okuvaayo 19:15

Yaabakoba ati: “Olwadhuuzi mube nga muli beetegefu, abasaadha mulobe kuba na bakazi mu buliri.”

Ezekieli 36:25

Ndi bamansiraku amaadhi amalungi, gaabanaazaaku obwonoonefu bwaimwe bwonabwona n'okusinza ebitali nze Katonda.

Ezekieli 8:3

Agho yaagolola ekyaboneka okuba ng'oti n'omukono gwe, yaavuunhia enviiri edh'oku mutwe gwange, yambeedera ku nviiri edho naalengeedhera okwo. Era nga nkaali mu kubonekerwa kwa Katonda okwo, omwoyo gwa Katonda gwambeedera mu mpewo gwantwala e Yerusalemu. Gwantuusa ku mulyango ogwingira mu luya olw'eisinzizo olw'omunda olwali ku luuyi olw'omukono omugooda olw'e buvandhuba. Mu luya olwo n'omwali ekifaananie abantu kye baasinzanga ni basungughaza Katonda einho, ni bamuleetera okuba n'enkikidi.

Ezekieli 8:6

Era Katonda yankoba ati: “Iwe omuntu, oli kubona bye bali kukola? Oli kubona ebyenhinhalwa ebibitiriire, Abaisiraeli bye bali kukolera ghano, ebindeetera okwesamba eisinzizo lyange ni mba eghala einho nalyo? Aye ate oidha kubona ebyenhinhalwa ebibitiriire einho ebisinga n'agho.”

Yoeli 2:16

Musololeze ghalala abantu, beetukuze nga beetegekera okusinza. Mwete abantu abakulu, n'abaana abato, era n'abayonka. N'abagole abaakafumbiraganwa, boona bave mu bisenge byaibwe baidhe.

2 Ab'e Korintho 6:16

Eisinzizo lya Katonda liisania litya n'ebyo ebisinzibwa ebitali Katonda? Kuba ife, niife eisinzizo lya Katonda Omulamu, era nga Katonda mwene bw'akoba ati: “Ndidha kubanga mu bantu bange, era mu abo mwe naatambuliranga Ndidha kubanga Katonda waibwe, boona baidha kubanga bantu bange.”

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.