2 Ebyomubyanda 29:34 - Baibuli Ekibono kya Katonda 2014

³⁴ Aye bakabona baali batono nga tibasobola kwita nsolo edho dhoonadhoona edh'ebigheebwayo ebyokebwa kuba Abalevi baafangayo inho okwetukuza okusinga bakabona. Kale baganda baibwe Abalevi baababeeraku, okutuusa ni bakabona abandi boona bwe baamala okwetukuza ni babeeyimbaku, okutuusa omulimo lwe gwawa.

2 Ebyomubyanda 29:34 ပူးပေါင်းရင်းမြစ်များ

2 Bakyabazinga 12:6

Aye omwaka ogwamakumi abiri n'esatu (23) nga kyabazinga Yoashi n'afuga gwatuuka, aye nga bazira ghe balongoosiisaaku naire.

1 Ebyomubyanda 29:17

Era ndidhi nga iwe Katonda wange oleba omwoyo gw'omuntu, waasangaalira omwesimbu. Zeena ni mpaireyo ebintu bino byonabyona kyeyendere n'omwoyo omwesimbu. Era mperaano mboine abantu bo abali ghano nga baleeta y'oli ebigheebwayo ekyeyendere era nga basangaavu.

2 Ebyomubyanda 29:33

Ebindi bye baaleeta okughaayo bibe ebya Musengwa Katonda, byali ente enume lukaaga (600), n'entaama enkumi isatu (3,000).

2 Ebyomubyanda 29:5

Yaabakoba ati: “Imwe Abalevi mumpulirise. Mukole mwetukuze, era mutukuze n'eisinzizo lya Musengwa Katonda, Katonda wa badhaadha baimwe. Ekifo ekitukuvu kino mukitoolemu ebyo byonabyona ebikireetera okwonooneka.

2 Ebyomubyanda 30:15

Ku lunaku olweikumi n'eina olw'omwezi ogwokubiri, baita entaama ento edh'okukuza Ekibinuko eky'Okwidhukiriraku Okubitizibwa. Bakabona n'Abalevi abaali nga bakaali kwetukuza, ensoni dhaabagema, baaja beetukuza era baamala baaleeta mu isinzizo ebigheebwayo ebyokebwa.

2 Ebyomubyanda 30:24

Kyabazinga Hezekia owa Buyudaaya yaagha abantu abo boonaboona ente enume lukumi (1,000) n'entaama kasanvu (7,000), edh'okughaayo ng'ebigheebwayo. N'abakungu ba kyabazinga boona baagha abantu abo ente enume lukumi (1,000) n'entaama omutwalo mulala (10,000). Era bakabona bangi inho beetukuza.

2 Ebyomubyanda 30:3

Aye tibaasobola kukikola mu nnaku dhaakyo, kuba omughendo gwa bakabona abaali beetukwiza gwali tigumala, ate n'abantu baali nga tibeesololeiza bukalamu mu Yerusalemu.

2 Ebyomubyanda 35:11

Entaama ento n'embuzi ento edh'Ekibinuko eky'Okwidhukiriraku Okubitizibwa bwe dhaamala okwitibwa, Abalevi baadhibaagaku empu ate bakabona baamansira omusaayi ogudhiviiremu.

Ezera 6:20

Bakabona ghalala n'Abalevi baali bamaze okwetukuza, nga boonaboona balongoofu. Kale baita entaama ento edhigheebwayo ku Kibinuko eky'Okwidhukiriraku Okubitizibwa ku lw'abo boonaboona abaira okuva mu bunhage, ni ku lwa bakabona banaibwe, ni ku lwaibwe beene.

Zabbuli 26:6

Wo Musengwa Katonda, okumanha nga nziraku musango, nnaabye mu ngalo, era naatambula okwezungulula alutaari nga nkusinza.

Zabbuli 7:10

Katonda n'engabo mwe neewogoma, alokola abo abagondera ebiragiro bye.

Zabbuli 94:15

Balisalanga emisango mu butuufu, abo abatya Katonda baajiiranga ku bisaliibwagho.

Ezekieli 44:11

Banaabanga bakuumi ba miryango gya isinzizo lyange, nga bakola n'emirimo egindi ng'oti ni gino: okwitanga ebyo abantu bye baleeta ng'ebigheebwayo eby'emisengo egyokebwa, n'okugheerezanga abantu abo.

Okubala 18:3

Baidha kukolanga emirimo gy'onaabaghanga era bakolenga n'emirimo egindi egy'omu Weema. Aye bataseetanga kumpi na bintu bikozesebwa mu Kifo Ekitukuvu, oba okuseeta ku alutaari olwo beene n'iwe mulobe kufa.

Okubala 8:15

Era baidha kugheerezanga mu Weema ey'Okwagaananirangamu ni Musengwa Katonda, ng'omaze okubatukuza n'okubaghaayo ng'ekigheebwayo ekiwuubibwa;

Okubala 8:19

Era ntaire Abalevi ng'ekirabo mu mikono gy'Aaroni ni batabane be, bagheerezenga Abaisiraeli mu Weema ey'Okwagaananirangamu ni Musengwa Katonda, era baleeterenga Abaisiraeli abo okutoolebwaku ebibi; balobe kugwirwanga kibamba bwe banaabanga nga baseese kumpi n'Ekifo Ekitukuvu.”