2 Ebyomubyanda 29:31 - Baibuli Ekibono kya Katonda 2014

³¹ Agho Hezekia yaakoba abantu ati: “Mpegaano ni, nga bwe mumaze okwetukuza ni muba aba Musengwa Katonda, museete muleete mu isinzizo emisengo n'ebigheebwayo olw'okwebaza.” Abantu abaali beesoloiza baaleeta emisengo n'ebigheebwayo olw'okwebaza. Era abandi baaleeta ebigheebwayo ebyokebwa eby'ekyeyendere.

2 Ebyomubyanda 29:31 ပူးပေါင်းရင်းမြစ်များ

2 Ebyomubyanda 13:9

Mwabinga bakabona ba Musengwa Katonda ob'oku lulyo lwa Aaroni, mwabinga n'Abalevi. Mweteeragho bakabona abaimwe, ng'abamaghanga agandi bwe bakola. Ole bw'aidha okwetukuza, ng'aleese ente enume ento ndala n'entaama enume musanvu, mumwikiriza yaafuuka kabona w'ebintu ebyo ebitali Katonda.

2 Ebyomubyanda 29:32

Baaleeta ente enume nsanvu (70), n'entaama enume kikumi (100), n'entaama ento ebikumi bibiri (200), ebyo byonabyona byaba ng'ekigheebwayo ekyokebwa eri Musengwa Katonda.

Ezera 1:4

Kiisi Muyudaaya yeenayeena eyawonagho, eyo yoonayoona ye yasenga, agwaine ayambibwe abantu b'aba nabo aghalala, nga bamugha ebintu bino: feeza, ni zaabu, n'ebintu ebindi ebikozesebwa, n'ensolo ng'okwo kw'otaire n'ebigheebwayo eby'ekyeyendere eby'okughaayo mu isinzizo lya Katonda eriri mu Yerusalemu.”

Okuvaayo 35:22

Abasaadha n'abakazi baidha beene nga benda aghazira kukakibwa, baaleeta ebintu bya zaabu bye batunga ku ngoye, empeta edh'oku matu, ebinhere eby'omu nkoto, n'ebyamadholobera ebindi ebya zaabu. Buli muntu eyaghangayo, ng'aghaayo ekintu kya zaabu eri Musengwa Katonda.

Okuvaayo 35:5

Buli muntu atoole ekigheebwayo akighe Musengwa Katonda. Kiisi ali n'omwoyo omugabi aleetere Musengwa Katonda ekigheebwayo, nga ku bino: zaabu, feeza, n'ekyuma eky'ekikomo.

Ezekieli 46:12

“Kyabazinga bw'anaayendanga okughaayo ekigheebwayo eky'ekyeyendere eri nze Musengwa Katonda, ka kibe ekyokebwa kyonakyona okuwaagho oba ekigheebwayo olw'okutabagana, baidha kumwigulirangagho omulyango ogulingiriire e buvandhuba. Aidha kughangayo ekigheebwayo kye ekyokebwa kyonakyona okuwaagho, n'ekigheebwayo kye olw'okutabagana, ng'oti ni bw'akola ku nnaku dha Sabbato. Bw'anaamalanga aidha kufulumanga, omulyango ogwo bagwigalengagho.”

Abalevi 23:38

Ebibinuko ebyo n'ebyeyongeire ku Sabbato dha Musengwa Katonda edhabuliidho. Era ebigheebwayo ebyo n'ebyeyongeire ku byabuliidho, bye mughaayo eri Musengwa Katonda olw'okutuukiriza obweyamo, ni bye mughaayo eby'ekyeyendere.

Abalevi 7:11

“Gano n'amateeka aganaafuganga ekigheebwayo eri Musengwa Katonda olw'okutabagana:

Abalevi 7:12

Omuntu bw'anaaghangayo ekigheebwayo ekyo olw'okwebaza Katonda, anaagheerangaku emigaati eminene egitazimbulukusiibwa egitabwirwamu omuzigo, oba emigaati emitono egitazimbulukusiibwa egisiigiibwaku omuzigo, oba emigaati egikoleibwa mu buwunga obuseereibwa obukalamu, obutabwirwamu omuzigo.