2 Ebyomubyanda 29:29 - Baibuli Ekibono kya Katonda 2014

²⁹ Ekigheebwayo ekyokebwa bwe kyawaagho, kyabazinga n'abaaligho boonaboona baakuba amakiryaivu, baasinza.

2 Ebyomubyanda 29:29 ပူးပေါင်းရင်းမြစ်များ

2 Bakyabazinga 18:1

Mu mwaka ogwokusatu nga kyabazinga Hoshea mutabane wa Ela n'afuga Isiraeli, Hezekia mutabane wa Ahazi yaafuuka kyabazinga wa Buyudaaya.

1 Ebyomubyanda 29:20

Agho Daudi yaakoba abantu boonaboona abaali beesoloiza ati: “Musaake Musengwa Katonda, oyo Katonda waimwe.” Kale abantu boonaboona abaali beesoloiza baasaaka Musengwa Katonda, Katonda wa badhaadha baibwe. Baakuba amakiryaivu era baakutama n'ebyeni byatuuka ku itaka, baasinza Musengwa Katonda era baagha ni kyabazinga ekitiibwa.

2 Ebyomubyanda 20:18

Agho Yehoshafati yaakuba amakiryaivu era yaakutama n'ekyeni kyatuuka ku itaka. N'abantu boonaboona ab'omu Buyudaaya n'ab'omu Yerusalemu baakuba amakiryaivu mu maiso ga Musengwa Katonda, baamusinza.

2 Ebyomubyanda 29:28

Abantu boonaboona abaali beesolokeiza agho, baasinza. Abembi baayemba, n'abafuuyi b'amagwala baagafuuwa. Ebintu byaba bityo, okutuukiza irala ekigheebwayo ekyokebwa lwe kyawaagho.

2 Ebyomubyanda 7:3

Abaisiraeli boonaboona bwe baabona omuliro n'okumesunkana okw'ekitiisa kya Musengwa Katonda nga biri kwika ku isinzizo, baakuba amakiryaivu ku mabaale amataanhe era baakutama n'ebyeni byatuuka ku itaka. Era baasinza Katonda nga bamwebaza, nga bakoba bati: “Musengwa Katonda mulungi okugonza kwe tikukoma, kubaagho byanda na byanda.”

Zabbuli 72:11

Bakyabazinga boonaboona beeyale mu maiso ge; abantu abamaghanga goonagoona babe bagheereza be.

Zabbuli 95:6

Mwidhe tumusinze nga twewombeese, tumukubire amakiryaivu oyo Musengwa Katonda, Omutonzi waife.

Zabbuli 96:9

Musinze Musengwa Katonda ng'aboneike mu butukuvu bwe; imwe mwenamwena ab'oku nsi mumutye mu maiso ge.

Ab'e Roma 14:11

Ebyaghandiikibwa bikoba biti: “Musengwa akoba ati nga bwendi omulamu, kiisi muntu alinkubira amakiryaivu. Era kiisi lulimi lulisaaka nze Katonda.”