2 Ebyomubyanda 29:21 - Baibuli Ekibono kya Katonda 2014

²¹ Baaleeta ente enume musanvu, n'entaama enume musanvu, n'entaama ento musanvu, n'embuzi enume musanvu. Ebyo nga n'ekigheebwayo olw'ebibi, ku lw'obwakyabazinga, ni ku lw'eisinzizo, ni ku lwa Buyudaaya. Era yaalagira bakabona baidhukulu b'Aaroni okubigheerayo ku alutaari.

2 Ebyomubyanda 29:21 ပူးပေါင်းရင်းမြစ်များ

1 Ebyomubyanda 15:26

Baaghaayo omusengo ogw'ente enume musanvu n'entaama enume musanvu eri Katonda, kuba yasobozesa Abalevi okubbeeda Sanduuku y'Endagaano.

2 Ebyomubyanda 29:20

Agho kyabazinga Hezekia yaasitukiramu ku nkyo, yaayetesa abakulembeze b'omu kibuga, beesoloza baaja mu isinzizo.

Ezera 8:35

Mu kiseera ekyo, abo boonaboona abaira okuva mu bunhage, baaghaayo ebigheebwayo ebyokebwa eri Katonda wa Isiraeli. Baaghaayo ente enume ikumi na ibiri ku lwa Isiraeli yoonayoona, baaghaayo entaama enume kyenda na mukaaga, n'entaama ento nsanvu na musanvu. Era baaghaayo n'embuzi enume ikumi na ibiri, ng'ekigheebwayo olw'ebibi. Ebyo byonabyona baabighaayo eri Musengwa Katonda ng'ekigheebwayo ekyokebwa.

Yobu 42:8

Kale ni, mpegaano mutwale ente enume musanvu, n'entaama enume musanvu eri omugheereza wange Yobu, mugheeyo ku lwaimwe ekigheebwayo ekyokebwa. Omugheereza wange Yobu aidha kubasabira, era ndidha kuganha by'anaabasabira, ndobe kubakolaku ng'obusirusiru bwaimwe bwebubagwaniza. Kuba timundhogeireeku bituufu ng'oti n'omugheereza wange Yobu bw'ayogeire.”

Ezekieli 45:23

Buli lunaku okumala enaku omusanvu edh'ekibinuko, aidha kutangagho ente enume musanvu entototo n'entaama enume musanvu nga dhiziraku kikyamu kyonakyona, dhibenga ekigheebwayo ekyokebwa. Era buli lunaku aidha kutangagho n'embuzi enume ndala, ebenga ekigheebwayo olw'ebibi.

Abalevi 16:5

“Abantu Abaisiraeli banaaghanga Aaroni embuzi enume ibiri edh'ekigheebwayo olw'ebibi, n'entaama enume ndala ey'ekigheebwayo ekyokebwa.

Okubala 23:1

Balaamu yaakoba Balaki ati: “Nzimbira ghano alutaari musanvu, era ondeetere ghano ente enume musanvu n'entaama enume musanvu.”

Okubala 23:14

Yaamutwala mu musiri gwa Zofimu ku ngulu okw'olusozi Pisiga. Yaazimba alutaari musanvu era yaagheerayo ku buli ndala ente enume n'entaama enume.

Okubala 23:29

Balaamu yaakoba Balaki ati: “Nzimbira ghano alutaari musanvu, era ondeetere ghano ente enume musanvu n'entaama enume musanvu.”

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.