2 Ebyomubyanda 29:16 - Baibuli Ekibono kya Katonda 2014

¹⁶ Ate bakabona baingira mu kisenge eky'omunda mu isinzizo, baakirongoosa. Baatoolayo ebyo byonabyona bye baayagaanayo ebitali birongoofu, baabireeta mu luya olw'eisinzizo. Abalevi baabifulumya kuliya, baabitwala baabisuula mu kaiga Kiduroni.

2 Ebyomubyanda 29:16 ပူးပေါင်းရင်းမြစ်များ

2 Samueli 15:23

Abantu boonaboona baalira nga bawowoola, nga kyabazinga Daudi n'abantu be yaja nabo bali kubita. Kyabazinga n'abantu boonaboona be yali nabo, baaja baasomoka akaiga Kiduroni, beeyongerayo nga boolekeire eirungu.

2 Ebyomubyanda 15:16

Era kyabazinga Asa oyo yaatoola ni ku dhaadha we Maaka ekitiibwa eky'okuba inhina owa kyabazinga, kuba Maaka oyo yakola ekifaananie ekyenhinhalwa ekyasinzibwanga, eky'omusambwa omukazi Ashera. Asa yaatemagho ekifaananie ekyo, yaakimenhamenha, yaakyokera ku kaiga Kiduroni.

2 Ebyomubyanda 3:8

Baazimba ekisenge eky'omunda ekyetebwa Ekifo Ekitukuvu Einho, nga mu buleeyi kiri mita mwenda ate ni mu bugazi mwona kyaba mita mwenda nga kyagayaga n'eisinzizo eryo mu bugazi. Baalimbya ku bimante by'Ekifo Ekitukuvu Einho ekyo zaabu omukenenule agheza talanta lukaaga (600).

2 Ebyomubyanda 30:14

Baasitukiramu, baatoolagho alutaari dhoonadhoona edhaali mu Yerusalemu, edhaagheerwangaku emisengo n'okuniokezebwangaku obubbaani, baadhisuula mu kaiga Kiduroni.

2 Ebyomubyanda 5:7

Kale bakabona baaleeta mu isinzizo Esanduuku ya Musengwa Katonda ey'Endagaano, baagita mu kifo kyayo munda mu isinzizo, mu Kifo Ekitukuvu Einho, ghansi gh'amaghagha ag'ebitonde ebyetebwa bikerubi

Nehemia 13:9

Agho naalagira batukuze ekisenge ekyo. Bwe baamala okukitukuza naizaamu ebintu ebikozesebwa mu isinzizo, n'ebigheebwayo eby'emere ey'empeke, n'obubbaani.

Ezekieli 36:29

Ndibawonia byonabyona ebibaleetera obutaba balongoofu, era naaleetera engaano okubaalira einho, olwo endhala yaaloba kubalumaku naire.

Matayo 23:27

“Mukagwireku Abanamateeka n'Abafarisaayo, abakuusa imwe, kuba mufaanana ng'amagombe ge basiizeeku langi endheru obulungi, nga gaboneka bulungi ku ngulu, aye nga munda gaidhwire magumba ga bafu na buli kivundu kyonakyona.

Yoanne 18:1

Yesu bwe yamala okwogera ebyo, yaaja n'Abeegeresebwa be, baasomoka akaiga ka Kiduroni. Eyo yaliyo enimiro mwe yangira n'Abeegeresebwa be.