2 Ebyomubyanda 29:10 - Baibuli Ekibono kya Katonda 2014

¹⁰ “Mperaano nsazeegho okukola endagaano ni Musengwa Katonda, Katonda wa Isiraeli, olwo alekere agho okutwolekeza obusungu bwe obubitiriire.

2 Ebyomubyanda 29:10 ပူးပေါင်းရင်းမြစ်များ

2 Bakyabazinga 23:26

Aye era Musengwa Katonda yaaloba kulekeza busungu bwe kutumbukira ku Buyudaaya ng'oti muliro, olw'ebyo Manasse bye yakola ebyamusungughaza.

2 Bakyabazinga 23:3

Kyabazinga Yosia era yaayemerera gha mpango, yaakola endagaano mu maiso ga Musengwa Katonda, nga bw'aidha okugemanga amateeka n'ebiragiro bye n'omutima gwe gwonagwona era n'omwoyo gwe gwonagwona, era atuukirizenga ebiri mu ndagaano eyo, nga bwe byaghandiikibwa mu kitabo ekyo. Abantu boonaboona baakakasa nga bwe baidha okukuumanga endagaano eyo.

2 Ebyomubyanda 23:16

Agho Yehoiada kabona yaakola endagaano ni kyabazinga, era n'abantu boonaboona aghalala, ekakasa nga bwe baidha okubanga abantu aba Musengwa Katonda.

2 Ebyomubyanda 30:8

Era mulobe kuba na mpwitu ng'oti ni badhaadha baimwe, aye mwegheeyo eri Musengwa Katonda, mwingire mu isinzizo lye, lye yatukuza ebyanda n'ebyanda. Mugheerezenga Musengwa Katonda waimwe, olwo alekere agho okuboolekeza obusungu bwe obubitiriire.

Ezera 10:14

Leka abakulembeze baife babeegho mu liina lyaife twenatwena abeesoloiza. Olwo ab'omu bibuga byaife boonaboona abaabayiza abakazi abamaghanga agandi, baidhe mu kiseera ekiragaane nga bali ghalala n'abakulembeze n'abalamuzi okuva mu buli kibuga. Mu nsambo eyo ekiruyi ekitaloodheka Katonda waife ky'ali nakyo ku ife ku nsonga eyo, kiidha kutuvaaku.”

Ezera 10:3

Kale ni tukole endagaano ni Katonda waife, tutoolegho abakazi abo n'abaana baibwe, nga tujiira ku magezi ge tunaafuna okuva ye iwe musengwa wange, ni y'abo boonaboona abagondera ebiragiro bya Katonda waife oyo. Ekyo twidha kukikola nga tujiira ku mateeka.

Nehemia 8:6

Ezera oyo yaasaaka Musengwa Katonda, Katonda omukologho. Abantu boonaboona bairamu bati: “Amiina, Amiina,” nga basituliire emikono gyaibwe ghaigulu. Era baakuba amakiryaivu, baakutama n'ebyeni byatuuka ku itaka, baasinza Musengwa Katonda.

Nehemia 9:38

“Olw'ebyo byonabyona, kyetuva tuli kukola endagaano enkakafu mu bughandiike. Era abakungu baife, n'Abalevi baife, ni bakabona baife, bagitaireku ebinkumu byaibwe.”

Yeremia 3:12

Kale ja olangirire bino eri Abaisiraeli oti, ‘Imwe Abaisiraeli abatali beesigwa, Musengwa Katonda akoba ati mwire y'ali. Taidha kubalingirira na bukambwe, kuba mwene asaasira. Era taidha kubasungughalira byanda na byanda.

Yeremia 3:5

Memale oja kutusungughalira byanda na byanda? Ekiruyi kyo tikija kuwaagho naire?’ Mutyo bwe mukoba, aye mwaja bwa mu maiso n'okukola ebibi nga bwe musobola.”

Yeremia 34:15

Ghano dhuuzi imwe mwakola ekyansanhusa, mwakyusa ekirowoozo, mwalangirira okulekula Baisiraeli banaimwe abairu babe ba idembe, era mwakola endagaano mu maiso gange mu isinzizo lino eryange lyene.

Yeremia 34:18

Abakungu b'omu Buyudaaya n'ab'omu Yerusalemu, n'abagheereza b'omu kisaagaati kya kyabazinga, n'abantu abandi boonaboona abaakola ninze endagaano nga babita ghagati gh'emamba ey'ente ento enume ye baasalamu aghabiri, aye ni bamala batatuukiriza ndagaano eyo, zeena ndibasalamu nga bwe baasala mu mamba ey'ente eyo.

Yeremia 50:5

Balibuuza engira eja e Sioni, era baasimba mu ngira eyo nga bakoba bati, ‘Mwidhe tweyimbe ku Musengwa Katonda, tukole naye endagaano ey'ebyanda n'ebyanda, ye tutaja kumenhagho naire.’

2 Ab'e Korintho 8:5

Baakola kye twali titubasuubira kukola. Okusooka beeghaayo ye Musengwa era n'eri ife, olw'okwenda kwa Katonda.

Yoshua 7:26

Bwe baamala, baamubungaku emungo ey'amabaale enkologho ekaaliyo ni ye buli eno. Era ekifo ekyo kyekiva kyetebwa Ekiiko eky'Ebizibu. Olwo Musengwa Katonda yaalekera agho okusungughala.