2 Ebyomubyanda 28:8 - Baibuli Ekibono kya Katonda 2014

⁸ Abaisiraeli baagema abakazi Abayudaaya, n'abaana abalenzi n'abaghala, emitwalo amakumi abiri (200,000), baabatwala nga basibe waire nga Abayudaaya abo baluganda lwaibwe. Era baabatoolaku n'ebintu kamaala ng'omunhago omunhago ogwo baagutwala e Samaria.

2 Ebyomubyanda 28:8 ပူးပေါင်းရင်းမြစ်များ

2 Bakyabazinga 6:22

Elisha yairamu ati: “Busa, otabaita. Ky'okoba oti n'abantu b'oba onhaze mu lutalo, obaita bwite? Baghe emere n'amaadhi balye era banhwe, memale obaleke baireyo ye musengwa waibwe.”

2 Ebyomubyanda 11:4

‘Musengwa Katonda akoba ati mutaja kulumba baganda baimwe, Baisiraeli banaimwe. Mwireyo buli muntu mu maka ge, kuba ebyo ebibairegho, ninze nabireetagho.’ ” Agho baagondera ekiragiro kya Musengwa Katonda, bairayo ewaibwe, baaloba kuja kulumba Yeroboamu.

2 Ebyomubyanda 28:11

Kale ni muwulirise kye nkoba, mwizeeyo abasibe abo kuba baluganda lwaimwe. Bwe mutaakole mutyo, Musengwa Katonda aidha kubabonereza n'obukambwe.”

2 Ebyomubyanda 28:7

Ate Zikuri omulwani ow'amaani Omuisiraeli ow'omu kika kya Efuraimu, yaita Maaseia mutabane wa kyabazinga Ahazi, ni Azurikamu eyalabiriranga ekisaagaati kya kyabazinga, ni Elukana eyaiririranga kyabazinga mu buyinza.

Isaia 9:21

Abamanasse n'Abaefuraimu balirwanagana beene na beene, ate baamala beeyimba okulwanisa ab'ekika kya Yuda. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Ebikolwa by'Abatume 13:26

“Imwe aboluganda baidhukulu ba Aburahamu n'imwe abandi mwenamwena abatya Katonda, obukwenda buno obw'obulokozi bwagheebwa ife.

Ebikolwa by'Abatume 7:26

Olunaku olwairirira, yaabona Abaisiraeli babiri nga balwana, yaagezaaku okubagaya ng'akoba ati, ‘Muli baluganda, ekibalwania ni ki.’

Amateeka Agokubiri 28:25

“Musengwa Katonda aidha kuleeteranga abazigu baimwe babaghangulenga nga babona. Mwidha kujiiranga mu ngira ndala nga muja okubalumba, aye mwidha kwiriranga mu ngira kamaala nga muli kughaba okulumuka okuva ghe bali. Amaghanga goonagoona ku nsi bwe ganaabonanga ebibatuuseeku, gaidha kutyanga inho.

Amateeka Agokubiri 28:41

Mwidha kuzaalanga abaana abalenzi n'abaghala aye timuubenga ghalala nabo, kuba abazigu baimwe baidha kubabatwalangaku mu bunhage.