2 Ebyomubyanda 28:6 - Baibuli Ekibono kya Katonda 2014

⁶ Peka oyo mutabane wa Remalia yaita mu Bayudaaya abantu emitwalo ikumi n'ebiri (120,000) mu lunaku lulala, olw'okuba baava ku Musengwa Katonda, oyo Katonda wa badhaadha baibwe. Abantu abo boonaboona baali abasaadha abaziramu ntete.

2 Ebyomubyanda 28:6 ပူးပေါင်းရင်းမြစ်များ

2 Bakyabazinga 15:27

Mu mwaka ogwamakumi ataanu n'ebiri (52) nga kyabazinga Uzzia n'afuga Buyudaaya, Peka mutabane wa Remalia yaafuuka kyabazinga wa Isiraeli. Yaafugira mu Samaria okumala entangama ya myaka makumi abiri.

2 Bakyabazinga 15:37

Mu biseera Yothamu bye yafugiramu, Musengwa Katonda mwe yatoolereza okusindika Rezini kyabazinga wa Siria ni Peka kyabazinga wa Isiraeli era mutabane wa Remalia, baaja baalumba Buyudaaya.

2 Bakyabazinga 16:5

Agho Rezini kyabazinga wa Siria, ni Peka kyabazinga wa Isiraeli era mutabane wa Remalia, baidha okulumba Yerusalemu. Baazingiza Ahazi okumwezunguluza, aye baaloba kusobola kumughangula.

2 Ebyomubyanda 13:17

Abiya n'eigye lye, baaghangulira irala Abaisiraeli era Abaisiraeli abo baafiirwa abalwani baibwe ab'amaani einho, abaghera emitwalo amakumi ataanu (500,000).

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

2 Ebyomubyanda 21:10

Kale Abaedomu batyo bwe baadheemera Buyudaaya ni ye buli eno. Era mu biseera byene ebyo, n'ab'omu kibuga Libuna boona baadheemera Yehoramu oyo, olw'okuba yava ku Musengwa Katonda, Katonda wa badhaadha be.

2 Ebyomubyanda 28:7

Ate Zikuri omulwani ow'amaani Omuisiraeli ow'omu kika kya Efuraimu, yaita Maaseia mutabane wa kyabazinga Ahazi, ni Azurikamu eyalabiriranga ekisaagaati kya kyabazinga, ni Elukana eyaiririranga kyabazinga mu buyinza.

Yobu 34:27

kuba baamuvaaku, baamudheemera, baalekera okufaayo ku biragiro bye.

Zabbuli 37:38

Aye abo abamenha amateeka ga Katonda baja kuzikirizibwa baweegho, n'eizaire lyaibwe lyeyebwegho.

Isaia 1:28

Aye alizikiriza abo abamudheemera n'abo abakola ebibi, era yaasaaniagho abo abamuvaaku.

Isaia 3:25

Abasaadha ab'omu Yerusalemu waire abo abalwani ab'amaani, baliitirwa mu ntalo.

Isaia 7:1

Mu biseera Ahazi mutabane wa Yothamu era mwidhukulu wa Uzzia bye yafugiramu Buyudaaya, Rezini kyabazinga wa Siria, ni Peka mutabane wa Remalia era kyabazinga wa Isiraeli, baalumba Yerusalemu aye kyabalema okughangula.

Isaia 7:9

Ekibuga ekikulu ekya Isiraeli kiri Samaria, era Peka mutabane wa Remalia ni kyabazinga wa Isiraeli. “‘Bwe muliroba okwikiriza, timuligumiragho ni mukakasibwa.’”

Isaia 9:21

Abamanasse n'Abaefuraimu balirwanagana beene na beene, ate baamala beeyimba okulwanisa ab'ekika kya Yuda. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Yeremia 15:6

Imwe mwanvaaku, mwaja mu bye mwalimu eira. Kale zeena n'okugolola omukono ni mbazikiriza; kuba nkooye okubasaasiranga.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Ezekieli 16:57

era nga n'ebibi byo bikaali kumanhika? Aye mpegaano weena Abaedomu, n'Abafilisiti, n'abo boonaboona abakukyagha abakwezungulwire, bali kukunhooma.

Amateeka Agokubiri 28:15

Musa yaakoba Abaisiraeli ati: “Aye bwe munaalobanga okuwulira Musengwa Katonda waimwe, n'okugema amateeka ge n'ebiragiro bye n'obwegendereza, ebikolimo bino byonabyona biidha kubaidhiranga era bibabeeku:

Amateeka Agokubiri 28:25

“Musengwa Katonda aidha kuleeteranga abazigu baimwe babaghangulenga nga babona. Mwidha kujiiranga mu ngira ndala nga muja okubalumba, aye mwidha kwiriranga mu ngira kamaala nga muli kughaba okulumuka okuva ghe bali. Amaghanga goonagoona ku nsi bwe ganaabonanga ebibatuuseeku, gaidha kutyanga inho.

Amateeka Agokubiri 32:20

Agho yaakoba ati, ‘Ndidha kubalekulira agho, mbone enkomerero yaibwe bw'enaaba; kuba badankaanu era baziramu kwikiriza.

Yoshua 23:16

Kasita muloba okukuuma endagaano Musengwa Katonda waimwe ye yabalagira okukuuma, ni mugheereza era ni musinza bakatonda abandi, aja kubasungughalira era ababonereze okutuusa lwe mulizikirira ni muwa ku nsi eno enungi ye yabagha.”

Yoshua 24:20

Bwe mumuvaaku ni mugheereza bakatonda ab'amaghanga agandi be basinza, aja kukyusa abakole bubi inho abazikirize, abe ng'oti tabangaku mulungi ye muli.”