2 Ebyomubyanda 28:12 - Baibuli Ekibono kya Katonda 2014

¹² Agho abandi ku bakulembeze, boona nga ba mu kika kya Efuraimu, baatakania abo abaali bali kwira okuva mu lutalo. Abakulembeze abo nga ni bano: Azaria mutabane wa Yohanani, ni Berekia mutabane wa Meshillemothi, ni Yehizekia mutabane wa Shallumu, ni Amasa mutabane wa Hadulai.

2 Ebyomubyanda 28:12 ပူးပေါင်းရင်းမြစ်များ

1 Ebyomubyanda 28:1

Kyabazinga Daudi yaalagira abakungu boonaboona mu Isiraeli okwesoloza. Kale bano beesololeza e Yerusalemu: abakulu b'ebika, n'abakulira ebikunsu ebyagheerezanga kyabazinga, n'abaduumizi b'abaisirukale olukumi olukumi n'ekikumi ekikumi, n'abaalabiriranga ebintu n'ebyayo bya kyabazinga ni batabane be, ghalala n'abakungu b'omu kisaagaati kya kyabazinga, era n'abaisirukale boonaboona ab'amaani.

2 Ebyomubyanda 28:11

Kale ni muwulirise kye nkoba, mwizeeyo abasibe abo kuba baluganda lwaimwe. Bwe mutaakole mutyo, Musengwa Katonda aidha kubabonereza n'obukambwe.”

2 Ebyomubyanda 28:13

Baakoba abo abaali bali kwira okuva mu lutalo, bati: “Timwidha kuleeta ghano basibe abo. Ife twakola ebibi twasungughaza Musengwa Katonda mu Isiraeli, era tuli n'omusango munene. Aye ate imwe muli kwenda kwongereza ku bibi bye twakola, ni ku musango gwe tuli nagwo.”

2 Ebyomubyanda 28:15

Agho abasaadha bale ab'omu kika kya Efuraimu aboogeirwaku baasituka, baatwala abasibe abaali amadu, baabagha engoye nga batoola ku munhago baabavaaza era baabagha n'engaito. Baabafunira eby'okulya n'eby'okunhwa, era baabasiiga omuzigo ogw'ebibala eby'emiti emyoliva. Abo abaali nga baziramu maani baabatwalira ku ndogoyi, baabatuusa mu boluganda lwaibwe e Yeriko, ekibuga eky'emiti eminaazi. Agho Abaisiraeli bairayo e Samaria.

Yeremia 26:6

Era bwemutaalekere agho kubanga badheemu, nja kukola eisinzizo lino kye nakola Shilo. Olwo amaghanga goonagoona ku nsi, gaidha kukozesanga eriina ery'ekibuga kino nga gakolima.”