2 Ebyomubyanda 25:8 - Baibuli Ekibono kya Katonda 2014

⁸ Aye bw'obona ng'abo n'abanaakuleetera okuba ow'amaani mu lutalo, ja nabo. Aye Katonda aidha kukukuba enume y'ekigwo mu maiso g'abazigu bo, kuba Katonda oyo ali n'obuyinza obw'okubeera omuntu n'aghangula, era yaaba n'obw'okumuleka ni bamughangula.”

2 Ebyomubyanda 25:8 ပူးပေါင်းရင်းမြစ်များ

2 Ebyomubyanda 1:12

kale amagezi n'okumanha by'osabye mbikughaire. Era ndidha kukugha obukombe, n'ebintu, n'ekitiibwa, nga tighabangaghooku kyabazinga owundi yeenayeena ku baakusooka eyaali abifunieku, waire okubaagho kyabazinga owundi yeenayeena alikwiririra alibifuna.”

2 Ebyomubyanda 14:11

Asa yaasaba Musengwa Katonda we ng'akoba ati: “Wo Musengwa Katonda, ezirayo ali ng'oti niiwe mu kuyamba abanafu n'ab'amaani. Wo Musengwa Katonda waife, tuyambe ife, kuba niiwe ye twesiga era twidhie mu liina lyo okulwanisa eigye lino einene liti. Wo Musengwa Katonda, niiwe Katonda waife. Otaikiriza muntu kukughangula naire.”

2 Ebyomubyanda 18:14

Mikaia bwe yatuuka mu maiso ga kyabazinga Ahabu, kyabazinga Ahabu oyo yaamubuuza ati: “Nje numbe Ramothi eky'e Gileadi, oba ntakirumba?” Mikaia yaamwiramu ati: “Ja olumbe Ramothi eky'e Gileadi, oidha kukighangula. Musengwa Katonda aidha kukikuta mu ngalo.”

2 Ebyomubyanda 20:6

Yaasaba ati: “Wo Musengwa Katonda, Katonda wa badhaadha baife, iwe oba eyo mu igulu waafuga obwakyabazinga obw'amaghanga goonagoona. Oli n'obuyinza n'amaani, era ghazira asobola kukutakania.

2 Ebyomubyanda 26:7

Katonda yaamubeeraku okughangula Abafilisiti, n'Abawarabu abaabanga e Gurubaali, n'Abameuni.

Yobu 5:18

Kuba aja yaakuba omuntu oluguma, aye yaamunhiga amabwa; akubisa engalo dhe omuntu, aye engalo dhe edho dhaamuwonia.

Yobu 9:13

Obusungu bwa Katonda tibukoma, aghangula abazigu be, abayambi ba Rahabu.

Zabbuli 20:7

Abalwani abandi beesigulira ku bigaali eby'omu lutalo, ate abandi ku mbalaasi, aye ife twesigulira ku maani ga Musengwa Katonda waife.

Zabbuli 24:1

Ensi ya Musengwa Katonda n'ebigiriku byonabyona; n'Abantu boonaboona abali ku nsi ba Musengwa Katonda;

Zabbuli 33:10

Amaghanga bwe geekobaana, Musengwa Katonda yaagalemya; abantu bwe bategeka ebyaibwe Musengwa Katonda abitabulatabula.

Zabbuli 33:16

Kyabazinga okuba n'eigye ery'amaani ti n'ekimuwonia okughangulwa, ate omulwani okuba n'amaani kamaala ti n'ekimuleetera okughangula.

Zabbuli 62:11

Nkiwuliire emikuzi egisinga mu mulala nga Katonda akoba ati ni mwene buyinza,

Zabbuli 89:43

Eby'okulwanisa bye obiitaitaine, waamuleka baamughangula mu lutalo.

Ensambo 10:22

Enkabi dha Musengwa Katonda n'edhireeta obukombe, okukola einho ghazira kye kwongera ku bukombe bwo.

Omulangirizi 11:9

Iwe omwisuka, sagambira mu bwisuka bwo era weeyagale ng'okaali mwisuka. Kolanga ebyo by'oyenda, era weetuusengaku ebyo omwoyo gwo bye gwegomba. Aye manha nti Katonda aja kukusalira omusango olw'ebyo byonabyona.

Omulangirizi 9:11

Kabiri neetegereza eby'oku nsi, naabona nti omuntu omulumusi einho ti n'aghangula embiro edh'okusinganwa, ow'amaani ti n'aghangula olutalo, omugezi ti n'afuna eky'okulya, omutegeevu ti n'aba omukombe, n'omukugu ti n'afuna emirimo egya ghaigulu. Boonaboona bibagwaku bugwe

Haggai 2:8

Feeza yeenayeena ni zaabu yeenayeena ebiri ku nsi, byange.

Matayo 26:45

Agho yaaja eri Abeegeresebwa yaabakoba ati: “Imwe buti mutenduke era muwuumule. Biwoire. Esaawa etuuse, era Omwana w'Omuntu aja kugheebwayo mu mikono egy'aboonooni.

Amateeka Agokubiri 8:18

Aye Mwidhukirenga muti Musengwa Katonda waimwe, n'abagha amagezi okukombaghala, ng'atuukiriza endagaano ye yakola ni badhaadha baimwe ni ye buli eno.

Ab'e Filippi 4:19

Era Katonda wange aidha kubagha buli kintu kyonakyona kye mwetaaga, ng'atoola ku bukombe bwe obw'ekitiisa bw'agaba ng'abita mu Kurisito Yesu.

Abalamuzi 7:7

Agho Musengwa Katonda yaakoba Gideoni ati: “Ndidha kubanunula nga nkozesa abasaadha abo ebikumi ebisatu abakombye amaadhi, nkughe okughangula Abamidia. Abandi boonaboona, bakobe buli muntu aireyo ewaibwe.”

1 Samueli 14:6

Yonathani yaakoba omwisuka eyamugemeranga eby'okulwanisa ati: “Idha tuje mu nkambi y'abalwani bano abatali bakekete. Tomanha Musengwa Katonda bw'atuyamba, kuba ghaziragho kighanga kulobera Musengwa Katonda okununula ng'akozesa abangi oba abatono.”