2 Ebyomubyanda 25:23 - Baibuli Ekibono kya Katonda 2014

²³ Agho kyabazinga Yehoashi owa Isiraeli, yaagema kyabazinga Amazia owa Buyudaaya mutabane wa Yoashi era mwidhukulu wa Ahazia, ng'amugemera e Bethi Shemeshi. Yaamuleeta e Yerusalemu, era Yehoashi oyo yaamenha ekimante ekyezungulwire ekibuga Yerusalemu ekyo, okuva ku Mulyango gwa Efuraimu okutuuka ku Mulyango Ogwokunsonda obwo nga n'obuleeyi bwa mita ng'oti ebikumi bibiri.

2 Ebyomubyanda 25:23 ပူးပေါင်းရင်းမြစ်များ

2 Bakyabazinga 14:13

Agho kyabazinga Yehoashi owa Isiraeli, yaagema kyabazinga Amazia owa Buyudaaya mutabane wa Yoashi era mwidhukulu wa Ahazia, ng'amugemera e Bethi Shemeshi. Yaamuleeta e Yerusalemu era Yehoashi oyo yaamenha ekisenge ekyezungulwire ekibuga Yerusalemu ekyo, okuva ku Mulyango gwa Efuraimu okutuuka ku Mulyango Ogwokunsonda obwo nga n'obuleeyi bwa mita ng'oti ebikumi bibiri (200).

2 Ebyomubyanda 21:17

Baalumba ensi Buyudaaya baagighangula, baanhaga ebintu byonabyona mu kisaagaati kya kyabazinga. Baanhaga ni bakazi be, n'abaana be boonaboona, okutoolaku Yehoahazi omwana we omulenzi nkoma.

2 Ebyomubyanda 22:1

Agho abantu b'omu Yerusalemu baataagho Ahazia, asembayo obuto mu batabane ba Yehoramu, yaasikira ise ku bwakyabazinga kuba ekikunsu eky'abalwani abaidha n'Abawarabu okulumba, kyali kimaze okwita abaana ba Yehoramu oyo abakulu boonaboona. Kale Ahazia mutabane wa Yehoramu kyabazinga wa Buyudaaya, yaatoolera okufuga.

2 Ebyomubyanda 22:6

Kyabazinga Yoramu oyo, yairayo e Yezireeli amale okuwona ebibwa Abasiria bye baamufumitira e Rama ng'alwanisa kyabazinga Hazaeli owa Siria. Agho kyabazinga Ahazia mutabane wa Yehoramu kyabazinga wa Buyudaaya, yaajaayo okumubona obulwaire.

2 Ebyomubyanda 25:22

Isiraeli yaaghangula Buyudaaya, kiisi mwisirukale wa Buyudaaya yaalumuka okwiragho ewuwe.

2 Ebyomubyanda 26:9

Uzzia era yaazimba ebituuti ebirengererwaku, ku kimante ekyezungulwire Yerusalemu ku Mulyango ogw'omu Nsonda, ni ku Mulyango ogw'omu Kiiko, n'ekimante ghe kigonhokera.

2 Ebyomubyanda 32:5

Agho kyabazinga yaazimba n'omwoyo mulala ekimante eky'oku kibuga ekyali kimenheibwagho, era yaakizimbaku n'ebituuti ebirengererwaku. Yaazimba n'ekimante ekindi kuliya ku ekyo. Yaalongoosa mu Kibuga kya Daudi, ekifo kye baidhuzaamu eitaka olw'okwekuuma abazigu, ekyayetebwanga Millo, kyaba kigumu inho. Yaakola eby'okulwanisa kamaala n'engabo kamaala inho.

2 Ebyomubyanda 33:11

Kale Musengwa Katonda oyo yaaleeta abaduumizi b'eigye lya kyabazinga ow'e Assiria baalumba Buyudaaya, baagema Manasse n'ebyuma ebiri ng'oti malobo era baamusiba ku ndhegere edh'ekyuma ky'ekikomo, baamutwala e Babilonia.

2 Ebyomubyanda 36:10

Agho omwaka nga guli kutoolera, ekiseera ebimera kye bisibukiramu, kyabazinga Nebukadinezzari yaatwala Yehoiakini e Babilonia nga musibe, yaatwala n'ebintu eby'omughendo eby'omu isinzizo. Yaataagho Zedekia muganda wa Yehoiakini oyo, yaamufuula kyabazinga wa Buyudaaya ni Yerusalemu.

2 Ebyomubyanda 36:6

Kyabazinga Nebukadinezzari ow'e Babilonia yaidha yaamulwanisa, era yaamala yaamusiba ku ndhegere, yaamutwala e Babilonia.

Nehemia 12:39

Bwe twava agho, twatuuka ku gwetebwa Omulyango Ogwa Efuraimu, era twaja twatuuka ku gwetebwa Omulyango Omukaire. Era tweyongerayo twatuuka ku gwetebwa Omulyango ogw'Ebyenhandha, ni ku kyetebwa Ekituuti ekya Hananeli, era ni ku kyetebwa Ekituuti Ekyekikumi. Bwe twava agho twatuuka ku gwetebwa Omulyango gw'Entaama, olwo twatuuka ku gwetebwa Omulyango Ogwabakuumi, era twakoma agho.

Nehemia 8:16

Kale abantu baaja baaleeta ensaga edho, baazimba entindi ku ngulu kw'endhu dhaibwe, ni mu mpya dhaibwe, ni mu luya olw'eisinzizo lya Katonda, ni mu luya oluli gha Mulyango ogw'Amaadhi, ni mu luya oluli gha Mulyango ogw'Efuraimu.

Ensambo 16:18

Okwekuluntaza kuleeta okuzikirira, n'okwegulumiza kwavaamu okugwa.

Ensambo 29:23

Okwekuluntaza okw'omuntu kumuleetera okugwa, aye obuwombeefu bw'omuntu bumuteesaamu ekinhagansi.

Yeremia 31:38

Musengwa Katonda era akoba ati: “Ekiseera kiri kwidha bairemu okuzimba ekibuga Yerusalemu, okuva ku kituuti ekyetebwa ekya Hananeli mu bugwandhuba, okutuuka ku gwetebwa Omulyango ogw'omu Nsonda.

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Obadia 1:3

Okwekuluntaza kwo kukulimbye, kuba odhuuba oti ekifo ky'olimu kyesigika inho ng'oti n'ekifo ekigumu eky'okwewogomamu ekyabaadhibwa mu ibaale. Era olw'okuba amaka go gali ghaigulu mu nsozi, okoba oti, ‘Naani alisobola okumpanula eno n'andhisa ghansi?’

Luka 14:11

Kuba buli eyeetwala ati wa ghaigulu aja kwisibwa, ate buli eyeisa aja kutwalibwa nga wa ghaigulu.”