Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Ebyomubyanda 25:19 - Baibuli Ekibono kya Katonda 2014

19 Mpegaano oli kukoba oti, ‘Bona eno, naghangula Edomu!’ Ekyo kyakuleetera okwekuluntaza. Kale ni ba ewuwo weesaake n'ekyo. Lwaki onaawuula ebizibu eby'okukuzikiriza iwe ni Buyudaaya yoonayoona?”

အခန်းကိုကြည့်ပါ။ ကော်ပီ




2 Ebyomubyanda 25:19
19 ပူးပေါင်းရင်းမြစ်များ  

Aye Amazia yaaloba okuwulirisa, kuba Katonda yayenda okubaghaayo baghangulwe abazigu baibwe, olw'okusinza emisambwa egya Abaedomu.


Aye kyabazinga Uzzia bwe yafuuka ow'amaani atyo, yaidhamu okwekuluntaza era ekyo kyamuviiraku okugwa kuba yeetulinkiriza yaingira mu isinzizo lya Musengwa Katonda, yaaniokeza obubbaani ku alutaari eniokezebwaku obubbaani.


Aye Hezekia yaamala yeekuluntaza bwekuluntaze, yaaloba kusiima Musengwa Katonda nga bwe kyali kigwaniire, olw'ekirungi kye yamukolera. Kale Musengwa Katonda yaamusungughalira, era yaasungughalira n'abantu b'omu Buyudaaya, n'ab'omu Yerusalemu.


Aye Neko yaamugheereza abakwenda ng'akoba ati: “Ku iwe kyabazinga wa Buyudaaya ni ku nze, naani ali n'ensonga ku mwine? Nze leero tiidhie kulwanisa iwe. Ndidhie kulwanisa bazigu bange, era Katonda andagiire okwangughaku. Katonda ali ghalala ninze, kale loba kumulwanisa, olwo aleke okukuzikiriza.”


Okwekuluntaza kuleeta okutabukatabuka, aye okwebuuza ku magezi kuleetera omuntu okuba omugezi.


Okwekuluntaza kuleeta okuzikirira, n'okwegulumiza kwavaamu okugwa.


Omusiru by'ayogera bireeta kusoola, era byamuleetera okukubwa.


Kiba kya kitiisa okwesamba aghali okusoola; aye abasiru buli kiseera baba mu kusoola.


Omuntu eyengiza mu kusoola okutamugemaku, aba ng'oti n'omuntu agema ku matu g'embwa y'ataidhi.


Omuntu eyeeyendeza buli kintu asiikuula okusoola mu bantu, aye ole eyeesiga Musengwa Katonda aligheebwa obukombe.


Musengwa Katonda akoba ati: “Abagezi balobe kwesuuta lwa magezi gaibwe, n'ab'amaani bateesuuta lwa maani gaibwe, waire abakombe okwesuuta olw'obukombe bwaibwe.


Bw'alimala okughangula eigye einene lityo, alyewulira mule nga wa maani, era aliita enkumi n'enkumi edh'abantu. Aye obughanguzi bwe tibulirwagho naire.


Buno ni, n'obukwenda bw'obe oghandiike, oti, ‘Abo boonaboona abatali beesimbu, ba kufa. Aye abo abatuufu baidha kuba balamu olw'obwesige bwaibwe ye ndi.’ ”


“Oba, kyabazinga ki aba ng'aja okutabaala kyabazinga owundi, atasooka kutyama ni yeebuuza oba ng'asobola n'abantu omutwalo omulala okutabaala ole ali n'emitwalo ebiri?


Era ghabule omuntu aghanga okwesuuta mu maiso ga Katonda.


Aye ebyo byonabyona nga bimaze okubaagho, mutagezangaku naire kwekuluntaza, ni mwerabira Musengwa Katonda waimwe eyabatoola e Misiri ye mwakolanga obwiru.


Aye atwoleka ekisa kye okusingagho, ekyaghandiikibwa kye kiva ni kikoba kiti: “Katonda atakania abeekudumbaza, aye abeewooya abooleka ekisa kye.”


Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ