2 Ebyomubyanda 25:15 - Baibuli Ekibono kya Katonda 2014

¹⁵ Musengwa Katonda kyeyava n'asungughalira Amazia, yaamusindikira omulanzi. Omulanzi oyo yaamukoba ati: “Lwaki oli kusinza emisambwa egy'abantu egyalemwa okuwonia abantu baagyo okubatoola mu buyinza bwo?”

2 Ebyomubyanda 25:15 ပူးပေါင်းရင်းမြစ်များ

2 Ebyomubyanda 19:2

Omulanzi ayetebwa Yehu, mutabane wa Hanani, yaaja okumweisuusaayo, era yaamukoba ati: “Obwo bwene, obona nga iwe ogwaniire okuyamba ababi n'okugonza abo abakyagha Musengwa Katonda? Ekyo ky'okoze kikuleeteire obusungu bwa Musengwa Katonda okukwidhira.

2 Ebyomubyanda 20:37

Agho Eliezeri mutabane wa Dodavahu ow'e Maresha, yaalanga ng'alabula Yehoshafati ati: “Nga bwe weeyimbye ni Ahazia, Musengwa Katonda aidha kuzikiriza by'okoze.” Kale amaato ago gaamenhekera mu nhandha, gaaloba kusobola kuja e Tarushishi.

2 Ebyomubyanda 24:18

Baava ku kusinzizanga mu isinzizo lya Musengwa Katonda, Katonda wa badhaadha baibwe, baira ku kusinzanga omusambwa omukazi Ashera n'ebisinzibwa ebindi ebitali Katonda. Era Musengwa Katonda oyo yaasungughalira Buyudaaya ni Yerusalemu, olw'omusango gwaibwe ogwo.

2 Ebyomubyanda 24:20

Agho omwoyo gwa Katonda gwaidha ku Zekaria mutabane wa Yehoiada kabona. Yaayemerera ghaigulu abantu ghe bamubonera obukalamu, yaakoba ati: “Musengwa Katonda akoba ati, lwaki mudheemera ebiragiro bye, ni mwereetera akabi? Nga imwe bwe mwava ku Musengwa Katonda oyo, yeena abalekuliire agho.”

2 Ebyomubyanda 25:16

Aye yali akaayogera, kyabazinga yaamukoba ati: “Twakulonda li okuba omuwi ow'amagezi wa kyabazinga? Sirika, okutoolaku ng'oli kunoonia kukwita!” Omulanzi yaasirika, aye era ng'amaze okumukoba ati: “Ndidhi nga Katonda mumalirivu okukuzikiriza, kuba okoze ekyo era waaloba kuwulirisa magezi ge nkughaire.”

2 Ebyomubyanda 25:7

Aye omuntu wa Katonda yaidha yaamukoba ati: “Isebantu kyabazinga, otageza kuja na bantu ba igye lya Isiraeli, kuba Musengwa Katonda tali ghalala na bantu abo Abaefuraimu.

2 Ebyomubyanda 28:9

Aye ghaaligho omulanzi wa Musengwa Katonda ng'aba Samaria, eriina lye nga ni Odedi. Oyo yaaja okweisuusaayo eigye nga liri kwira e Samaria, yaabakoba ati: “Bona eno, olw'okuba Musengwa Katonda, Katonda wa badhaadha baimwe yasungughalira ab'omu Buyudaaya, kyaviire n'abaghaayo ye muli okubaghangula. Aye mperaano awuliire engeri ye mubaiseemu n'obukambwe obutaloodheka.

Zabbuli 96:5

kuba bakatonda boonaboona ab'amaghanga agandi, bintu buntu ebisinzibwa ebitali Katonda, aye Musengwa Katonda n'eyakola eigulu.

Isaia 45:20

Musengwa Katonda akoba ati: “Mwidhe mwesolokeze ghalala, museete imwe abaawonagho mu maghanga. Abantu abo abaja nga bagemereire ebisinzibwa ebitali Katonda ebyakolebwa mu biti obuti, era ni basaba katonda atasobola kubalokola, baziramu magezi naire.

Yeremia 10:5

Ebifaananie byaibwe ebyo biri ng'oti ni bire bye bata mu nimiro okutiisa enhonhi. Tibisobola kwogera. Era tibisobola kutambula, babibbeeda bubbeede. Mutabityanga naire, kuba ghazira kabi ke bisobola kubakola, waire okuba n'akalungi ke bisobola okubakolera.”

Yeremia 10:7

Naani asobola obutakutya, iwe kyabazinga ow'amaghanga goonagoona? Bwenebwene ogwaniire okutiibwanga, kuba mu bagezi boonaboona abali mu maghanga goonagoona ni mu bwakyabazinga bwaibwe bwonabwona, muzira ali ng'oti niiwe.

Yeremia 2:5

Musengwa Katonda akoba ati: “Kisobyo ki badhaadha baimwe kye bambonamu, memale ni basalagho okunvaaku. Ni baja okusinza ebintuntu ebiziramu makulu, era ni beene ni bafuuka abaziramu makulu?

Yeremia 48:13

Olwo Kemoshi katonda w'Abamoabu, alitoolera okugemya Abamoabu abo ensoni, ng'oti ni Betheli ekifo Abaisiraeli kye beesiganga, bwe kyagemya Abaisiraeli abo ensoni.

1 Ab'e Korintho 10:20

Busa! Kye ndi kukoba ni kino nti, ebyo ebigheebwayo mu masabo, ebyo babigha mizimu mibi aye ti Katonda, era tyenda imwe mwise kirala na mizimu mibi.

1 Ab'e Korintho 8:4

Kale ku bigema ku by'okulya ebigheebwayo eri ebisinzibwa ebitali Katonda, twidhi nga mu butuufu ebisinzibwa ebitali Katonda biziramu makulu, era nga Katonda ali mulala ati, ezira wundi.

Abalamuzi 18:24

Mika yairamu ati: “Muntoireku emisambwa gyange gye nakola, mwantoolaku ni kabona wange, mwatwala. Kiki kye nsigaizaagho? Olwo nga mumbuuza muti, ‘Kiki ekikutuuseeku?’ ”

Abalamuzi 2:2

Era mwena naabakoba obutakolanga ndagaano na bantu ababa mu nsi eno mumenhemenhengagho bwa alutaari dhaibwe.’ Aye mukoze ki kino? Timukoze nga bwe nabalagira.